Ertzzaintza egurra banatzen. Atzean ikusten den eraikin zuri-berdea errauskailua da.
Gaur Gipuzkoako Zutikek deituta, “Euskal erregimen ustela kanpora” lelopean, erraustegira eta makrokartzelerako martxa deialdia bat egon da. Era berean, martxa hau, Zubietan hiru egunetan zehar ospatu den Iraultza Txikien Akanpadaren azken ekimena zen. Hiru egunetan zehar ospatu den ekimen interesgarri eta aberasgarria akanpadarena. Ertzaintzak kargatu egin du, baina protesta errustegiraino bertaraino iritsi da.
Arratsaldea, ekitaldi xume baina benetan merezitako batekin hasi da: erraustegia gelditu zutenei aitortza. Hau da, aurreko legegintzaldian Gipuzkoako Aldundian, Gipuzkoako Hondakin Kontsortzioan eta Mankomunitate ezberdinetan buru belarri lanean aritu zirenei eskerrak ematearena. Kontuan izan behar dugu horietako batzuek zigor gogorra pairatzeko arriskua dutela.
Horren ostean, arratsaldeko bigarren ekimena, martxa, hasi da. Bertan ehundaka lagunek parte hartu dugu eta bi zutabetan banatu gara ibilbidearen zailtasunaren arabera. Helburua, iaz egin bezala, erraustegirako eremura sarbidea ematen duen tunel gainera iristea zen, bertatik erraustegia eta kartzela joango denaren lur eremua ikus daitezke eta.
Martxistak Zubietan, mendian gora abiatzeko zorian.
Iaz bezala, ertzainak egotea espero genuen, baina gaurkoan ertzainak edonor ibili daitekeen herri bide moztuz aurkitu ditugu. Bai zutabe bati eta baita besteari ere, iritsi nahi genuen lekura iristen ez ziguten uzten. Beraien aurrean egon gara baina ikusirik pasatzen uzteko asmorik ez zutela, atzera egin eta beste bide batetik saiatu gara baina kasko gorri dunak ere, han azaldu dira. Tarte baten ondoren, azkenekoz, hasierako bidetik saiatu gara T zutabekoak. Ertzainen ondoraino joan gara berriz ere errausketaren aurkako oihu artean. Halako batean eta mando batek egin duen keinu baten ondoren, hitz erdi bat esan gabe eztabeste ezer gertatu ere, ertzainek kargatu egin dute, borra eta ezkutuekin. Apur bat atzeratu arazi eta bigarrenez ekin dute kasko gorridunek, kasu honetan gomazko piloten tiro hots bat gutxienez entzun delarik. Orduan lurrean eseri gara beraien aurrean baina alferrik, berriz ere ekin dute 5 edo 6 aldiz kargatu arte. Karga horien guztien artean, ertzainek borraz, ezkutuz edo ostikoz jota botatako pertsonak lurretik altxatzen eta zauritu naiz kolpatuak babesten saiatu gara.
Guk gogoz kontra baina atzera egin behar izan dugu, izan ere garbi bait genuen gure helburua gureari eustea zela, baian indarkeriari ez geniola indarkeriarekin erantzungo. Hau da 0 gunera joanez erraustegi pozoitsuaren eta kartzela egitasmoaren aurrean gure ezadostasun agertzea EAJ, PSE eta PPri baita euskal erregimen ustela mantentzen laguntzen duten guztiei ere.
Gutariko batzuk zaurituak eta kolpatuak joan dira etxera baina Markel Olanok eta Denis Itsasok beren helburuak beteko ez dutenaren ustearekin, gure buruari bidea erakutsi diogulako elkarrekin mantenduz eustea posible dela eta asko bagara ez eutsi soilik irabaztea ere posible da, nahiz eta Urkullu jaunak bere Ertzaintza erabili gure gogoak zapuzteko.
Esteka hauetan informazio, argazki eta bideo ugari aurkituko duzu:
http://www.txintxarri.eus/albisteak/erraustegia-geratzea-eta-beste-iraultza-batzuk-19409/
