Sentitzen dugu baina informazioa erdaraz soilik dago
Monthly Archives: septiembre 2014
Azken txanpa abian da: Legebiltzarra sinadurez beteko dugu!
Iturria: Fracking Ez Araba
Bi aste baino ez dira falta. Azken ahalegina baino ez dugu egin behar. Bilatu behar ditugu, sinatu ez duten lagun horiek aurkitu behar ditugu Fracking Ez oihupean, frackinga etetea, debekatzea xede duen eskaera herrikoi eta zabalarekin bat egin dezaten. Irailaren 13an jaso ditugun sinadurak eramango ditugu Legebiltzarrera eta horretarako, noski, egunak merezi duen jai giroa sortuko dugu. Horren aurretik, baina, azken txanpako ahaleginari ekin behar diogu.
Bi aste hauetan hainbat lan egin behar ditugu. Lehenik eta behin, zuen etxean sinadura orriren bat baduzue, edota duen norbait ezagutzen baduzue, ekarri lokalera. Oso garrantzitsua da, guztiz beteta ez badago ere, sinadura bakarra badu ere. Horiek guztiek balio dute eta. Horretarako, ahalik eta azkarren pasatu zaitezte lokaletik (Cercas Bajas kalea, Badaiarekin egiten duen izkinan). Bertako ordutegia astelehenik ostiralera 10.00etatik 14.00ak arte eta 17.00etatik 20.00ak arte da eta larunbatetan 11.00etatik 14.00ak arte.
Bestalde, oraindik sinatu ez duten lagun horiek bilatu behar ditugu. Fracking Ez oihu herrikoiarekin bat egin nahi duen norbait ezagutuz gero, gogoraraziozu oraindik ere garaiz dabilela. Lagun horiek bilatzeko, Gasteiztik zeharreko hiru bizikleta irteera antolatu ditugu. Hurrengo ostegunean, irailaren 4ean, eta hurrengo asteko astearte, 9, eta ostegunean, 11. Egun horietan lokalean elkartuko gara 18.00ak inguru, bizikletekin Gasteizen zehar buelta batzuk emateko. ANIMATU ZAITEZ!
Hala ere, ez ezazue pentsa horrelako ahaleginak ez duela bere saria izango: Irailaren 13an ospakizunerako eguna helduko da eta zuok guztiok gonbidatuta zaudete. Goizeko 11.00etan lokalean elkartuko gara Legebiltzarrera arteko bidea kalejiran egiteko. Bertan, ditugun milaka eta milaka sinadurak utziko dizkiegu. Sinadura asko daude, hortaz, esku asko beharko ditugu bertaratzeko. 12.00ak inguru sinadurak eman ostean, Landatxora arte igoko gara berriz ere kalejiran jaiari hasiera emateko prest. Bertan zain izango ditugu arrakasta ospatzera lagunduko gaituzten pote eta pintxoak. 12.30tan Tik-Tararen kontzertua hasiko da, horrekin bat egun historiko bilakatuko denari soinu banda gehitzeko.
http://frackingezaraba.org/eu/2014/09/arranca-la-contrarreloj-a-llenar-el-parlamento-de-firmas/
Goazen Ondarroako paisaia naturala zaintzera
Imajinatzen duzue bihar Zubi Zaharra botatzea? Ez, ezta? Zubi Zaharra geure paisaiaren parte da, Ondarroari bere izaera eta edertasuna ematen dion elementu bat.
Hala ere, gure inguruko basoak botatzen dituztenean, ez diogu hainbeste garrantziarik ematen, nahiz eta inpaktu paisajistiko oso handia eta kaltegarria daukan.
Arrazoi askorengatik, geure herri inguruan dauzkagun basoak behin eta berrio botatzen dira: egurra lortzeko, bideak zabaltzeko…
Baso horiek botatzeak kalte ekologiko asko dauzka: lurren higadura, bioaniztasun galera… baina baita beste kalte bat ere, gehinetan kontuan hartzen ez duguna: gure herriko paisaia kaltetzea.
Ondarroako Udala herriko plan orokorra berritzen hasi denez, hauxe eskatzen diogu: geure herritik ikusten diren mendi eta basoen interes paisajistikoa onartzeko, eta hauei babes bat emateko. Adibidez, Txori Erreka eta Antzosolo gaineko basoak, Antigua eta Kalandi artean dauden arbolak…
Babes hori handiagoa izateko, udalak baso eta lur horiek erosi eta publiko bihur ditzake.
Zain dezagun geure paisaia urbano eta naturala!
Santxo Jakitunaren bidegorria? Errepidetik hobe !
bidegorri modelo Pnv-Psoe-PP.2014
Orain dela 4 urte, aurreko Udal Gobernuak bidegorri bat margotu zuen espaloiaren gainetik, Santxo Jakituna, J.M.Salaberria, eta zenbait plazen erditik.
En su momento, desde Eguzki criticamos aquel diseño de bidegorri, que invadía el espacio natural de los peatones e incidía en una peor convivencia y seguridad entre ciclistas y peatones.
Oraingo Udal Gobernuak, bidegorri hori espaloitik errepidera atera du.Gure ustez ekimen hau txalogarria da.Oinezkoek segurtasuna eta lasaitasuna irabazi dugu.Txirrindulariek ere seguruago gabiltza eta gainera zuzenagoa eta azkarragoa da.
Oraingoko Bidegorria
Azkenean bizikletak bere leku naturala berreskuratu du,hau da, galtzada.
En el vídeo se pueden apreciar los dos viajes que hemos realizado: uno por el bidegorri antiguo pintado sobre la acera y el segundo viaje por el nuevo bidegorri.
Lokatzaren ponpaketa Bidasoan
“Bidasoako lagunak” kolektiboak ondorengoa adierazi nahi du 2014ko abuztuaren 30ean komunikabideetan argitaratutako berriaren aurrean non Irungo udalak, Santiagotarrak kaiaren azpiko lokatzak ponpatzeko duen asmoa agertu zen:
-Ur gaineko kai hau dagoen Bidasoako ibai ertzak, Bidasoa-Txingudiko ES2120018 KBE (Kontserbazio Bereziko Eremua) osatzen du, eremu hauek erakusten dituen planoak erakusten duenez.
– Berrian, lokatza eta sendimentuak izendapena duena , itsas beheran urarekin estali gabeko zelai lohitsuak edo hondartsuak dira eta batasunaren garrantzizko ekosistema modura sailkatuta dago 1140 kodearekin.
-1140 ekosistema hau, 1130 estuarioaren barnean kokatzen da, aldi berean beste bi ekosistema barnean hartzen dituena, hauek ere KBE izanik: 1310 eta 1320, padurako urteko halofitoen landaretza eta Spartinaren zelaia, hurrenez hurren.
-Ekosistema hauek berez garrantzitsuak dira, biodibertsitatean aberatsak direlako eta landaretzako eta faunako espezie babestuei sustengua eskaintzen dielako.
-Ekosistema hauen egoera, kontserbazio mailari dagokionean, ez egokia bezala baloratzen da, zenbait neurri eskatzen dituelarik egoera iraultzeko eta egoera egokia bihurtzeko.
-Ekosistema hauen babesa ez da kapritxoa eta espazioak eta biotopoak kontserbatzeko beharra dago sakonean, Europan atzerakada handia jasan duelarik gizakiaren jardueraren eraginez, ekosistemako dinamikak eta bertan bizi direnak arriskuan jarriz.
-Babes eraginkorra bermatzeko, espazio hauen gaineko edozein esku-hartze onargarria da ingurunea berreskuratzeko eta hobetzeko bada. Beste edozein esku-hartzek, legez irizpide batzuk jarraitu behar ditu: ingurugiroaren gaineko kalteen azterketa, alternatiben azterketa, erakusketa publikoa, alegazioei arreta eta baimendua den kasuetan, konpentsazio neurriak hartu behar dira espazioetan izan dezakeen eraginaren aurrean.
-Aisialdirako erabilera duen kaiak sor ditzakeen kalte materialak ezin dira legez babestu inongo kasutan.
-Ez dakigu eskuhartze honek beharrezkoak diren tramiteak egin dituen edo ez, berri hauxe bakarrik dakigu, lanak eta enpresa espezializatu baten kontratazioa iragarriz. Ez dauka zerikusirik araudiak eskatzen dituen baldintzekin.
Horregatik, “Bidasoaldeko lagunak” taldeak dei egiten dio Irungo udalari eta bereziki alkateari, José Antonio Santanori, lokatzaren ponpaketa bertan behera utzi dezan, KBEren barruan, BGL izendatua baitago. Irtenbide ezberdin bat bilatu dezatela, babestutako eremuan kalte negatiborik sor ez ditzan.
Administrazio bati eskatu dakiokegun minimoa, egungo araudiaren betetzea izango litzateke. Udalaren lurren barruan, ingurumenaren gaineko ezagutza izatea ere eska diezaiokegu eta baita kontserbazioan, birsorkuntzan eta berreskurapenean eragile aktiboa izatea ere. Helburu hauetara zuzendutako proposamenak egin behar dituzte.
Lerro hauek, kritika eraikitzailea egiteko borondatez idatzi dira, gure asmoa, laguntzea delako, Txingudik kontserbazio maila ona eta errespetua izan ditzan.
