Energiak
-
Eguzkik Pasai Donibaneko saneamendua etxe guztietara zabaltzea exijitzen du
2022-12-20Eguzki talde ekologistak alegazioa aurkeztu dio jendaurrean dagoen Pasai Donibaneko saneamenduaren lehen faseko proiektuari.
-
Azkoitiko Udala, ibai garbiketa, ingurumena eta bere gezurrak
2022-12-20Ia urtebete igaro da Udal Gobernuak eta oposizioak 2022ko aurrekontuetarako partida bana hitzartu zutenetik, 25.000 eurokoa Urola ibaia garbitzeko eta 22.000 eurokoa barandaren azpian prebentzio-neurriak jartzeko (saretak).
Otsailaren 22an, Azkoitiko Udalei jakinarazi genien, besteak beste, otsailaren 14an, Gipuzkoako Foru Aldundiak dirulaguntzen lerro bat argitaratu zuela Gipuzkoako Aldizkari Ofizialean,… -
Mijoako saneamendua 2022an ere ez
2022-12-06Abenduan gaude, 2022. urtea bukatzear da eta Mijoa errekako saneamendu-lanen arrastorik ez dago. Mutrikuko erreka honek kutsadura Saturrarango hondartzara isurtzen du. 2021eko otsailean, Ura Agentziak saneamendu-proiektu honen idazketa lizitatu zuenean, aurrerapausotzat jo genuen, proiekturik gabe ez dagoelako lanak gauzatzerik, baina garbi utzi genuen ez genuela txalo egingo, lan hauek hamarkada luzeko atzerapena dutelako. “Proiektua gauzatuta ikusi arte beste hamar urtez itxoin behar ez izatea baino ez dugu desio”, ohartarazi genuen orduan. Ez, ez, oraingoan bai, esan ziguten, eta prentsan hau bezalako titularak irakurri ahal izan genituen: “El presente año será para configurar los proyectos y 2022 para actuar sobre ellos en Mijoa”. Bada, 2023. urtea ate joka dugu, baina Mijoak jarraitzen du estolda hutsa izaten.
-
Birziklatzen dutenak zabor-tasa finkoaren bidez zigortzen bukatuko du legegintzaldia Lasarte-Oriako Udalak
2022-11-29Lasarte-Oriako Udalak 2022an indarrean egongo diren ordenantza fiskalak onartu ditu, zabor-tasa barne. Oraingoan ere ez da birziklatzen dutenentzako hobari edo deskonturik aurreikusi, azken urteetan horri buruz behin baino gehiagotan hitz egin den arren. Gauzak horrela, lasai asko esan daiteke Udalak lortuko duela legegintzaldia amaitzen birziklatzen dutenei zabor-tasa finkoaren bidez zigorra ezarrita.
-
Zurriolan ere erraustegiaren kontra
2022-11-27Manifestazio ederra gaur eguerdian, GuraSOSek deituta, Zurriolan egin dena, erraustegiaren kutsadura salatzeko eta jarduera gelditzeko, behin-behinean bada ere. Ez, oraingoan ere ez dute jaramonik egingo, baina ez gara nekatuko saldu ziguten “milagro teknologikoa” herren dabilela salatzen, gure bizimodua etengabe kutsatzen dutela salatzen.
-
Igandean Zurriolan mobilizatzeko deia egin du GuraSOSek
2022-11-24Gogoratzen duzue kontatzen zigutenean erraustegia (ia-ia) makina perfektua izango zela? Bada, gezurra zen. Martxan jarri bezain pronto, zuloak agerian geratzen hasi ziren, esaterako, Arkaitzerrekan. Orain, berriz, sinistarazi nahi digute dena ondo doala, baina ahoa irekitzen duten aldiro, ezetz geratzen da agerian, eta batez ere errealitateak agerian utzi du ziria sartu nahi digutela. Gauzak horrela, igandean protesta-ekitaldi batean parte hartzeko deia egin du GuraSOSek. Eguzkiko kideok han izango gara.
-
Alegazioak Lezoko Babes Akustiko Bereziko Plan Zonalari
2022-11-15Eguzki talde ekologistak zenbait alegazio-ekarpen aurkeztu dizkio urriaren 31n Udalak idatzitako Babes Akustiko Bereziko Plan Zonalari. Plan hori jendaurrean egon zen 15 eguneko epe laburrean.
-
Arkaitzerreka, Zubietako erraustegiaren pozoien biktima… eta froga
2022-11-12Gaur goizean, Erraustegiaren Aurkako Mugimenduak gonbidatuta, talde polit batek bisitatu du Arkaitzerreka, garai batean bizi-bizirik zegoen eta erraustegia martxan jarri zutenez geroztik hilik dagoen erreka. Edo ia-ia hilik. Izan ere, zeharo hil nahi dute, erraustegiak botatzen duen pozoiaren lekuko deserosoa bihurtu baita.
-
Arkaitzerrekako kutsadura salatzeko martxa egingo du larunbatean Erraustegiaren Aurkako Mugimenduak
2022-11-10Erraustegiaren Aurkako Mugimenduak martxa deitu du larunbatean, azaroaren 12an, Arkaitzerrekako kutsaduraren afera zertan den bertatik bertara erakusteko eta salatzeko, azken kutsadura-episodio larritik lau hilabete pasatu eta gero, erakundeek oraindik ez omen dakitela erantzulea nor izan den, edo, behintzat, ez dutela esan nahi. Bestalde, GuraSOSek azaroaren 27an Donostian mobilizazio bat egingo duela iragarri du.
-
Azkoitiko Udala eta ibaiaren garbiketa
2022-10-15Aurtengo aurrekontuetarako, Udal Gobernuak partida bana adostu zuen oposizioarekin: 25.000 euro ibaia garbitzeko eta 22.000 euro barandaren azpian (saretak) babes-neurriak jartzeko. Itun horiek oihartzuna izan zuten komunikabide batzuetan, eta, garbiketari dagokionez, urtarrileko udal aldizkarian, 13. orrialdean, Udal Gobernuak hitz batzuk ere eskaini zizkion: “ibaiak garbitzeko diru-partida handitu dugu”.
-
Pasaiako portuan jarduten duten enpresek indarrean dagoen ingurumen-legedia urratzen jarraitzen dute
2022-10-12Pasaiako portuan jarduten duten enpresek –batzuk nahitaezko jarduera-lizentziarik gabe–indarrean dagoen ingurumen-legeria ez betetzeagatik behin eta berriz jarritako salaketen aurrean, Eguzkik berriro eskatu dio Eusko Jaurlaritzako Ingurumen Kalitatearen eta Ekonomia Zirkularraren Zuzendaritzari beharrezko neurriak har ditzala pertsonen osasuna eta ingurumenarekiko eta itsasoarekiko errespetua eta babesa bermatzeko.
-
Zaborra Garberan, noiz arte?
2022-10-05Donostiako Garbera merkataritza-gunearen atzealdean espektakulu nazkagarri hau egunero ikus daiteke. “janari azkarra” edo, hobeto esan, “janari zaborra” saltzen duten negozioek ez dute gero selektiboki jasotzen. Dena nahastuta botatzen dute atzealdean. Horrela elikatzen da erraustegi baten beharra. Donostiako Udala, San Marko Mankomunitatea eta merkataritza-gune hau kudeatzen dutenak noiz hasiko dira gauzak ondo egiten? Bada garaia!
-
Zaborra ez dator bakarrik bueltan etxera
2022-10-05Uda amaitu berritan, natura gunetan ematen diten hondakin bilketei buruzko salaketa egin dugu. Hain zuzen ere, Ondarroa eta Lekeitio arteko kostaldean biltzen diren hondakin abiapuntu izanik, kartelak ipini ditugu.
Denok mugitzen gara udan, eta zaborrik gabeko gune garbi bat aurkitzea gustatzen zaigu,… -
Igandean, errausketaren aurkako giza katea Kontxan
2022-09-07Urte asko darama Errausketaren Aurkako Mugimenduak mobilizazio hau antolatzen, baina hondakinen arazoa gero eta larriagoa eta zabalagoa denez, aurten Bergarako Larramendiko Arnasak ere egin nahi du deialdia. Giza katea antolatu da Donostiako Kontxan, Alderdi Ederretik abiatuta, igandean, irailaren 11n, goizeko 11etan.
-
Sekulako sutea piztu da Bilboko Portuan, baina ez omen da ezer gertatu, guzti-guztia normala da eta.
2022-09-02Joan den larunbatean, abuztuak 27, Bilboko Portuko biodiesel-biltegi batean piztutako suteak sekulako keadar beltza sortu zuen, hainbat kilometrotatik ikus zitekeena.
Hona hemen bildu ditugun datu batzuk:
-100.000 litro biodiesel erre ziren.
-Keadarra 300 metro baino gehiagoko alturara iritsi zen, Luzero puntako harrobiaren gainetik…