Biodibertsitatea
-
Agitiko arrain-haztegi zaharra desmuntatzeko eta kala lehengoratzeko eskatu du Eguzkik
2024-02-12Agitiko arrain-haztegia desmuntatzeko eta parajea lehengoratzeko bidea has dezala eskatu dio Eguzkik Kosta Zerbitzuari. Horretarako, batetik, bertan behera utzi egin behar du arrain-haztegia itsas-lehorreko jabari publikoan eraikitzea ahalbidetu zuen emakida, eta, bestetik, enpresari, Culmanor SAri, instalazioak desmuntatzeko eta parajea lehengoratzeko proiektu bat aurkez dezala eskatu behar dio, Kosta Legeak aurreikusi bezala.
-
Ekologistok eskatu dugu Oria ibaian dagoen Orbeldiko presaren eraispena bizkortzea, aingiraren migrazioan duen eraginagatik
2024-02-07Gipuzkoako Foru Aldundiak, Batzar Nagusiek eskatuta, Gipuzkoan Aingira Berreskuratzeko Plan Integrala (2024-2034) aurkeztu berri du. Plan horretan berresten da presek aingirari ez ezik ibaiaren beraren funtzionamenduari eta ekosistema guztiari ere modu negatiboan eragiten dietela. Hori eragozteko irtenbiderik onena presak botatzea da, batik-bat erabilerarik ez badute. Izan ere, ALdundiak badu hainbat presa botatzeko plan bat, tartean Orbeldikoa, bereziki garrantzitsua, itsasotik datozen arrainek Orian aurkitzen duten lehena baita. Hala ere, Aldundiak berak balekoa eman dio Orbeldin ur bizien kanal bat egiteko proiektuari, eta proiektu horrek presa mantentzea du oinarri. Ekologistok agerian utzi nahi izan dugu hori guztiz inkoherentea dela Aingira Berreskuratzeko Plan aurkeztu berriarekin.
-
Aierin daukagun altxorra berreskuratu egin behar dugu
2024-02-02Hezeguneen Munduko Eguna da bihar [otsailak 2], eta Eguzki Erakunde Ekologistak Ondarroako Aieriko padurara bideratu dugu begirada, ekosistema horrek duen balio potentziala mahai gaineratu eta berreskuratzearen garrantzia azpimarratzen. Allerin daukagun altxorra berreskuratu egin behar dugu, naturak irabazten badu gizakiak irabazten duelako.
Klima aldaketari aurre egiteako uholdeak saihesteko baliabide eta karbono depositu garrantzitsua izateaz gain, landare, anfibio eta hegaztien biodibertsitateren kabia da Aieri. -
Zain ditzagun gure buruak, zain dezagun Busturialdea
2024-01-24Burubiko Urdaibaiko Guggenheim horren lanak “bai ala bai” aurton hasiko zirela sinestarazi nahi izan digu Guggenheim Bilbao Museoaren Fundazioak, hain zuzen ere haren kideak diren hedabideetan behin eta berriro argitaratu dituzten diru publikoekin finantzatutako publi-erreportajeen bidez. Eta hara non, orain, hedabide horiexek dira berria dakartenak. “Guggenheim Bilbao Museoaren Patronatuak, non amerikar Fundazioak eta bertoko erakundeek parte hartzen duten, bi urteko hausnarketa egingo du, aurten eta 2025ean, Urdaibaiko handitze proiektuarekin aurrera jarraitu ala ez erabakitzeko, Iñigo Urkullu lehendakariak astelehen honetan aurreratu duenez”.
-
Isuri kutsakor berri bat Agurainen eta instituzioen erantzun-falta salatu ditu Zadorra Bizirik-ek
2024-01-22Zadorrak Bizirik plataformak isuri kutsakor berri bat salatu zuen atzo arratsaldean, Agurainen. Isuriak arrain asko hil zituen, beraz, ustezko delitu baten aurrean gaude. Hala ere, instituzioen partetik, batez ere Ertzaintzaren partetik, erantzun-falta nabaria izan zen, Zadorra Bizirik-ek salatu duenaren arabera. Gogoan izan Aguraingo hau ez dela Zadorra Bizirik-ek azken egunotan salatutako isuri bakarra. Izan ere, joan den astean Ertzaintzaren adademiatik bertatik eginiko gasolio-isurketa bat salatu zuen.
-
Ertzaintzaren Akademiatik gasolio-isuri berri bat egin dutela salatu du Zadorra Bizirik plataformak
2024-01-19Zadorra Bizirik-ek salatu du Ertzaintzaren Arkautiko akademiatik gasolio-isuri berri bat egin dutela. 2002an, 2017 eta 2018an ere antzeko isuriak gertatu ziren eta horrek, plataformak nabarmendu duenez, agerian uzten du akademiak urte hauetan guztietan ez duela isuri hauek kontrolatzeko neurri egokirik hartu.
-
Pelletak, atzamarra eta Ilargia
2024-01-11Toconaoko pellet gehienak gurera iritsiko dira seguru asko Bizkaiko golkoan dagoen plastiko-zoparen parte gisa. Eta hemen berriz ere atzamarraren eta Ilargiaren metafora erabiliko dugu. Izan ere, gure kasuan, pelleten atzamarrak seinalatzen duen Ilargia plastikoen arazoa da, eta gaizki egingo genuke Ilargiari begiratu ordez, atzamarrari begira geratuko bagina.
-
San Sebastian bezperako afarietan angularik ez jateko eskatu du Eguzkik
2024-01-08Aingira, espezie gisa, oso-oso egoera larrian dagoela eta (*), San Sebastian bezperako afarietako menuetan angularik ez jartzeko eskatu die Eguzkik donostiarrei eta, bereziki, soziedadeei. Alegia, eskatu die joateko Pedro Subijana, Andoni Luis Aduriz edota Juan Mari Arzak dagoeneko abiatu diren bidetik. Izan ere, sukaldari ezagun horiek, Relais & Chateaux eta Eurotoques nazioarteko elkarteen propoesamena ontzat joz, beraien kartetatik erretiratu dituzte aingirak eta angulak osagai dituzten platerak.
-
Jaizkibel-Capbreton itsas eremua babesteko erabakia ospatu du Eguzkik
2024-01-02Eguzki pozik da Gobernu zentralak Europako Batzordeari “Jaizkibel-Capbreton itsas eremua” babesteko proposamena egin diolako. 1.500 km²-ko eremua da, kostatik –Igeldoko itsaslabarretatik Higer lurmuturreraino– itsasorantz zabaltzen dena, 2.000 metroko sakonera duen Capbretongo hobiraino. Zehatz-mehatz, Gobernuak Europari eskatu dio eremu hori Batasuneko Garrantzizko Leku izendatzeko eta Natura 2000 Sarean sartzeko. Ulia eta Jaizkibel aurreko uretan dagoen biodibertsitate pelagikoa babesteko proposamena 2010ean abiatu zen, Oceana nazioarteko fundazioak eta Euskadiko Biologoen Elkargo Ofizialak elkarrekin egin zuten txosten zientifiko bat oinarri hartuta. Hainbat taldek, tartean Eguzkik, proposamena berehala geure egin genuen eta urte hauetan guztietan itsas erreserba errebindikatu dugu.
-
2023a ere Oikian saneamendu-lanak egin gabe bukatu dela salatu du Eguzkik
2023-12-292023a ere Oikian sanemendu-lanak egin gabe bukatu dela salatu du Eguzkik. Lan hauek orain dela hamar bat urte, behintzat, eginda egon behar zuten, baina atzerapenak metatzen jarraitzen dute, nahiz eta, Ura agentziaren beraren hitzetan, Urolan beherako kutsadura “nabarmen” arinduko luketen.
-
Mutrikuko dikea dagoen luzeran amaitzea eskatzeko elkarretaratzea egingo dugu
2023-12-14Mutrikuko dikearen inguruko gorabeherek ez dute etenik. Eusko Jaurlaritzak, Mutrikuko Portuko Plan Bereziko proiektuaren baitan, FCC eraikuntza enpresari proiektua lizitatu zion. Herritarrak jabetzerako martxan jarri eta hasi orduko lanak gelditurik daude.
Eusko Jaurlaritzak akats teknikoak egin dituela eta horrek gainkostuak ekarri dituela. -
Eguberritako klasiko bat: 2023a ere Mijoa errekan saneamendu-lanak egin gabe bukatuko dela salatu du Eguzkik
2023-12-122023a bukatzear da eta Mutrikuko Saturrarango hondartzara isurtzen duen Mijoa errekan aurten ere saneamendu-zantzurik ez dagoela salatu behar du Eguzkik. Salaketa hau dagoeneko Eguberritako klasiko bat da. Izan ere, herri-erakundeek elkarren artean hainbat lan hidrauliko egiteko hitzarmen bat izenpetu zuten 2007an. Horren arabera, Mijoako sanemandua 2011rako martxan egon behar zen, baina urteak pasatzen joan dira eta promesa guztiak alferrikakoak izan dira.
-
Papresako hustubide-proiektua baztertuta, 18 urte ondoren
2023-11-17Papresako hondakin-urak isurtzeko hustubide-proiektua. 18 urte zertarako lan egiten?
Hemezortzi urtez obrak eta kudeaketak egin ondoren, Errenteriako paper-fabrikako hondakin-urak zuzenean itsasora eramateko hustubidearen proiektua baliogabetu egin da.
-
Bidasoaren ertzean dagoen Pasquier Brioche (Recondo) lursailaren etorkizuna eztabaidagai
2023-10-27Duela gutxi prentsan ikusi dugunez, berriro hasi da Brioche-Pasquier lantegiak Bidasoaren ertzean orain okupatzen duen lursailaren etorkizunari buruzko eztabaida. Izan ere, bere ekoizpena Bentak auzoko lantegira lekualdatu ondoren, erabilerarik gabe geratuko da. Nahiago nuke eztabaida benetan irekia izatea, eta a priori baztertu gabe zementuaren, adreiluaren eta asfaltoaren azalera handitzeko proiektuekin talka egiten duten proposamenak, habitat naturalaren kaltetan. Habitat hori, gizaki garen aldetik, gurea ere bada, eta osasuntsu behar dugu. Zergatik ez aztertu serioski zinegotzi baten azken proposamena, ezagutu berri duguna eta txalotu duguna, lurrak enpresarekin trukatzeko aukerari buruz? Argi dagoena da leku desberdinetan eraiki daitekeela, baina badia lehengoratzea badiaren eremuan bakarrik da posible.
-
Angula-arrantza profesionalizatzeari uko egin eta behingoz espeziea babesteari ekin beharko lioke Eusko Jaurlaritzak
2023-10-25Eguzki Talde Ekologistaren eta Mutriku Natur Taldearen iritziz, angularen arrantza profesionalizatzeko dekretuaren bidez, Eusko Jaurlaritzak biodibertsitatea sakrifikatzen du, klientelismoaren mesedean. Horregatik, dekretuari aurkeztu dizkiogun alegazioetan, Jaurlaritzari zera eskatu diogu, gauzak onbideratzeko –oraindik garaiz gaude eta–, Europar Batasunak aisialdiko angula-arrantzaren gainean espresuki ezarri duen debekua onartzeko eta aingira europarra Mehatxatutako Espezieen Euskal Kataloagoan sartzeko, arrisku larrian dagoen espezie bati dagokion bezala.
Bisita Kontadorea
![0](http://eguzki.org/wp-content/plugins/mechanic-visitor-counter/styles/image/chevy/0.gif)
![0](http://eguzki.org/wp-content/plugins/mechanic-visitor-counter/styles/image/chevy/0.gif)
![4](http://eguzki.org/wp-content/plugins/mechanic-visitor-counter/styles/image/chevy/4.gif)
![4](http://eguzki.org/wp-content/plugins/mechanic-visitor-counter/styles/image/chevy/4.gif)
![5](http://eguzki.org/wp-content/plugins/mechanic-visitor-counter/styles/image/chevy/5.gif)
![6](http://eguzki.org/wp-content/plugins/mechanic-visitor-counter/styles/image/chevy/6.gif)
![1](http://eguzki.org/wp-content/plugins/mechanic-visitor-counter/styles/image/chevy/1.gif)