Monthly Archives: septiembre 2015

PNV-PSE bikoak ingurumena eta osasuna merkealditan jarri ditu Pasaian

albisteak

pasaia2PNV eta PSE hondakinekin bueltaka berriz ere. Izan ere, Pasaiako Udalak, ingurumen alorrean aurrerapausoak emateari uko egitea proposatu du, egun inbidia emateko moduko emaitzak lortu dituen udal bilketa bereiziko sistema (%80) kendu eta, pasaitarrak bilketa bereiztu exkaxena duten udalerrien artean kokatuko dituen  beste batengatik ordezkatu nahi duelako.

Euskal Herriko eta Europa mailako ingurumenaren elitera iristea lortu zuen Pasaiak, Lapatxeko (Azpeitia) zabortegira soilik, sortutako hondakinen %20 bidaltzea lortu zuelako,  gainerakoa (%80a), baliabide naturalak  birziklatze, berrerabiltze eta konpostatzeko baliatzen dituen ekonomia zirkular batean sartzen zelarik.

2013ko irailaren 2an etxetako hondakinen banan-banako bilketa, atez ate, hasi zenetik, Pasaia ingurumenaren alorrean praktika honen adibide da, beste hainbat herrialdetako hirien bidetik, Italian, Kanadan, Belgika o Catalunyan gertatzen den bezala. Datozen 20 urtetarako batasunak ezarritako ingurumen helburuak gaindituak ditu Pasaiak jada.

PNV-PSOE-k airearen kutsadura iturri, gaixotasun eta klima aldaketaren arduradun litzatekeen errauskailua inposatu nahi dute Gipuzkoan. Hondakinen errauskailuak  etengabe behar du itzelezko zabor kopurua eta hori da bilketa sistemaren aldaketarekin ziurtatu nahi dutena. Horregatik, bilketa bereiztua eta birziklaia beraien helburuak lortzeko traba garrantzitsua dira eta bi alderdiak badakite eta aurre egiten diote.

Pasaian atez ateko bilketa kentzearen maniobra neoliberala salatu nahi du Eguzki talde ekologistak, zeinak ez duen egungo bilketa bereiztuaren portzentairik bermatzen, ingurumenari eta pasaitarren osasunari zuzeneko erasoan bihurtzen delarik proposamen hori.

Langile gutxiago. Birziklapen gutxiago. Diru sarrera gutxiago.

PNV eta PSEren proposamen honek, zabor bilketako 13 langileren kaleratzea dakar. Atez Ateko bilketak orain zabortegira ez doazen berreskuratutako gaiak (papera, kartoia, bildukiak, e.a.…) saltzean udalak lortutako diru sarrerak handitzea dakar eta horrek Atez Atekoak beharrezkoa duen udal lanpostu berdeak sortzea ekarri du. Aldiz, Udalaren proposamen berriarekin, eskulan gutxiago behar da, behargin horiek kalera doaz eta diru sarrera garrantzitsuak biltzez utziko dira.

Borondatezko edukiontziak jartzearen beste ondorio guztiz kaltegarri bat Pasaiako birziklapen eta bilketa bereiziaren maila bat batean erdira  jaistearena, %80tik %40-50era, izango da. Hau da gakoetako bat: oso emaitza onak ematen dituen bilketa sistema bat ezin da askoz emaitza txarragoak ematen dituen beste batengatik ordezkatu (Urnietan, Elgoibarren, Eibarren, Irunen, Oreretan… baieztatu daitekeen bezala). Bide batez esan behar dugu, hondakinen kudeaketan  nahiz birziklaian maila gorenean, elitean egotetik udalerri txarrenen artean egotera igaroko dela Pasaia. Mugimendu ekologistak ingurumen mailan arduragabetzat baino hartu ezin duen atzerapausoa izango delarik.

Pasaiak eta Oiartzun ibaiaren itsasadarrak historikoki asko sufritu dute ingurumenarekiko nahiz osasun publikoarekiko izandako mespretxuarengatik, egitasmo  kutsatzaile horren adierazgarri izanik Iberdrolaren zentral termikoa, portuan aleak librean kontrolik gabe deskargatzea,  Oreretako paper fabrikaren isurketak, Lezon kokatutako Orbegozoren galdategia, errepideko trafiko ugaria, e.a. Ingurumen mailan ematen diren pauso txiki hauei ezin diegu uko egin.

PNV eta PSE-eri beraien proposamen atzerakoiaren inguruan hausnartzera dei egiten diegu baita hondakin bilketa mailan beharrezkoak diren hobekuntzak egitera ere. Era berean, ingurumenari buruzko gaietan lortutako onurei eta enplegu berdeari ere uko egiteko prest ez gaudela ere adierazi nahi diegu.

 

EGUZKI Talde ekologista eta antinuklearra  Oarsoaldean 2015-09-28an.

Aste honetan marea biziak izango direla eta, legez kanpoko arrantza eta itsaski-bilketa zorrotz kontrolatzeko eskatzen du Eguzkik

albisteak

Aste honetan, marea biziak aprobetxatuz, hamaika arrantzale eta itsaski-biltzaile legez kanpo arituko dira berriz ere itsasertzean. Hori dela eta, Eguzkik Eusko Jaurlaritzari eskatu dio furtibismoari eraginkortasunez aurre egiteko eta, ondorioz, arazoa konpontzeko baliabide gehiago bideratzeko.

Egunotan itsasbehera ikusgarriak izango dira. Horren ondorioz, espezie askotako arrain eta itsaski ugari arroka tartean geratuko dira, babesgabe. Kontzientzia edota eskrupulu gutxi duten furtibo askok harrapakin bihurtuko dituzte, debekualdi, ordutegi, gehienezko kopuru, gutxienezko neurri edo legezko beste edozein mugari erreparatu gabe. Olagarrorik txiki-txikiena ez da libratuko, ezta itsas trikua eta beste espezie babestuak ere. Eta hau ez da paraje jakin batean edo bestean gertatuko, kosta osoan nahiko modu orokorrean baizik, baita legez babestuta dauden inguruetan, esaterako, Gaztelugatxen edo Zumaiako biotopoan, Bidasoan eta Ondarretan… Inpunitatea izugarri handia da. Horren lekuko da azken marea bizietan baten bat Ondarretako hondartzan arrantzan ibili izana, gauean eta fokuen argitan. Esan gabe doa hura guztiz debekatuta dagoela.

Bestalde, ez da begi-bistatik galdu behar legez kanpo harrapatutakoa, sarri, komertzializatu egiten dela, legez kanpo komertzializatu ere, noski.

Eguzkiren iritziz, herri-erakundeek eta batez ere konpetentzia nagusia duen Eusko Jaurlaritzak ez dute behar beste egiten furtibismoaren kontra. Arrantza-ikuskatzaileen kopurua minimoa da, eta ez dirudi Ertzaintzak alor honetan agindu berezirik duenik. Jaurlaritzaren jarrera pasiboa dela ere esan daiteke, batez ere ikusirik Kantauriko beste komunitateetan jarduera honi aurre egiten diotela. Izan ere, Galizian, Asturiasen eta Kantabrian, SEPRONAk legez kanpoko arrantzaren eta itsaski-bilketaren kontrako salaketa ugari jartzen ditu, behintzat.

Gauzak horrela, Eguzkiren iritziz Jaurlaritzak gaiari (harrapatutakoa legez kanpoko merkaturatzeari barne) serio heldu behar dio, eta konponbideak jarri, furtibismoak kostaldeko bioaniztasunean duen eragina ez baita hutsaren hurrengo.

 

EGUZKI

                                              2015eko irailean

Beste behin Irun-Brinkola ibilbideko aldirietako trenaz ez da hitz egin

albisteak

Renfe DonostiLa consejera de Medio Ambiente y Política Territorial, Ana Oregi, y los alcaldes de Bilbo, Donostia y Gasteiz se han reunido esta semana en Madrid con la ministra de Fomento, Ana Pastor, con el fin de consensuar los accesos del TAV a las capitales de la CAV.

Ni en la nota de prensa oficial, ni en las declaraciones de los protagonistas ante radios y televisiones, ni en otras informaciones periodísticas, hemos encontrado referencia alguna a que el mediático encuentro fuera aprovechado por los representantes vascos para plantear en el Ministerio, siquiera testimonialmente, qué pasa con el servicio de cercanías de RENFE, a pesar de que se trata de uno de esos asuntos pendientes “desde siempre” y, por supuesto, figura en el informe sobre las transferencias no satisfechas que el Gobierno Vasco ha presentado hace apenas unos días al Parlamento.

Por lo visto, esta vez tampoco tocaba. Y ya sabemos que el TAV lo eclipsa todo, pero empezamos a tener la sensación de que las instituciones vascas no solo no consideran prioritario el servicio de cercanías de RENFE, que eso es obvio, sino que, simplemente, no lo consideran.

Y, sin embargo, ese servicio representa al tren que realmente utiliza a diario un número significativo de ciudadanos. De hecho, en el caso de Gipuzkoa, la línea Irun-Brinkola vertebra el territorio tanto como la de Eusko Tren y transporta incluso un número superior de viajeros.

Se trata de una línea que, como es público y notorio, presenta deficiencias evidentes, por ejemplo, en las frecuencias, que no han mejorado al menos en los últimos 30 años, en los servicios, en la accesibilidad y en la seguridad de las estaciones. En este sentido, cabe recordar que muchas presentan dificultades insuperables para personas mayores, discapacitadas, con coches de niños, bicicletas… o carecen de pasos soterrados.

Está claro que poner esta línea a la altura de lo que se espera de un servicio ferroviario del siglo XXI va a requerir de cuantiosas inversiones. E intuimos que esta puede ser una de las razones por las que, tanto unos como otros, han decidido que este asunto no acabe de “tocar” nunca. Como si con el TAV ya tuvieran bastante. Las cercanías, otra víctima de la alta velocidad, podríamos decir.

Pero intuimos que no es solo el TAV. Por ejemplo, parece de sentido común pensar que cualquier debate o planificación sobre cómo mejorar el papel del tren en el sistema de transporte público de Gipuzkoa deba contemplar tanto a Eusko Tren como a RENFE. Pero, claro, los recursos financieros son limitados. Actuar con visión de conjunto obligaría también a establecer nuevas prioridades de inversión, y, en ese contexto, cómo explicar, por ejemplo, que no haya problemas para dedicar ingentes recursos a que el Topo recorra durante cuatro kilómetros el subsuelo del centro de Donostia, o sea, a la pasante del Metro, cuando sigue sin haber manera de soterrar en la línea de RENFE pasos peligrosos que periódicamente se cobran su tributo de sangre.

En nuestra opinión, si hubiese que actuar sobre el conjunto de los servicios de cercanías en Gipuzkoa, resultaría demasiado evidente que proyectos como la pasante del Metro en Donostia no podría ser una prioridad. Tenemos la sensación de que, seguro que no solo por eso, pero también por eso, hay quien prefiere que la línea Irun-Brinkola permanezca fuera de foco.

Zaborrak erraustu ez Olaztin ez inon

albisteak

errauske ez

Euskal Herrian ingurumenaren defentsaren alde lan egiten dugunok, Nafarroako Gobernuak  “Cementos Portland” enpresari bere Olaztiko instalazioan zaborra errausteko baimena kendu diolaren albistea poz handiz jaso dugu. Informazio hau, irailaren 8an argitaratu zen Nafarroako Aldizkari  Ofizialen (185.zkia) irakurri ahal izan dugu.

Aurreko gobernu-taldeak aipatutako enpresari baimena eman zion bi urteren buruan proiektua martxan jar zezan. Denbora hori igarota eta proiektua geldi dagoela, egungo gobernu-taldeak baimena kentzea erabaki du.

Ohiko prozedura administratiboa jarraituz, ebazpen proposamenak 10 eguneko entzunaldi-izapidea izan du, denbora tarte horretan instalazioko titularrek ez dute inolako alegaziorik aurkeztu.

Zementu-fabrikako jabeek proiektu hau gelditzearen arrazoia baliabide ekonomiko falta izan dela esan duten arren, azken urte hauetan zonalde honetako biztanleek proiektu honen aurrean azaldu duten aurkako jarrera ere erabakigarria izan dela uste dugu. Honekin batera, errauskailu batek daukan etorkizun eskasa dago, izan ere Europak 2020an hondakin birziklagarriak desagerrarazteko metodo moduan errausketa ez erabiltzea erabaki du. Eta instalazio honetan erreko lirateken hondakinen (biomasa, gurpilak, araztegiko  lohiak, ibilgailuen zatiak, animali-irinak, plastikoak, margoak, bernizak, zaborrak, etab.)  zati bat behintzat mota honetakoak lirateke.

Hondakinen errausketa jarduera arriskutsua dela ez dugu soilik guk (ekologistak) esaten. 33.000 mediku eta zientzialarik (kontuan hartzeko kopurua bada) gobernatzaileak errausketari lotutako arriskuez ohartarazteko helburuarekin lan bat aurkeztu berri dute Europako Legebiltzarraren aurrean.  Izan ere, errauste prozesuan kutsatzaile toxiko ugari isurtzen dira ingurumenera, besteak beste, dioxina eta furanoak, airea, ura, lurra eta izaki bizidunetan inpaktu zuzenak dituztenak. Honetaz gain, nahikoa datu dauzkagu hainbat gaixotasunen intzidentzia tasaren igoeraren inguruan kezkatuta egoteko, esate baterako: minbizi mota batzuk, alterazio endokrino (diabetesa) eta hormonalak, fetuen garunaren garapenean funtzio kognitiboen ezarpen ez-egokia.

Olaztin lortutakoak, Gipuzkoako gobernari berriek (EAJ eta PSOE) bertan behera gelditu zen Zubietako errauskailuaren proiektua berpiztu nahi izanaren aurrean daukagun kezkarekin talka egiten du. Baina Olaztin gertatutakoak esperantzarako arrazoiak ematen dizkigu, guztion artean mota honetako proiektuak gelditu ahal ditugu eta. Proiektu hauek gizarte aurreratu baten azkenengo helburuaren aurka doaz; zaborren kudeaketa jasangarria lortzea ikuspegi ekonomiko, ekologiko eta sozialetik, oinarrizko lema “zero zabor” delarik.

Izugarrikeri hau gelditzea badugu!! AHTrik ez!!

albisteak

Gaur, irailak 22, Ana Pastor, Sustapen Ministroa, Ana Oregi Lurralde Politikako sailburuarekin eta Donostia, Bilbo eta Gasteizeko alkateekin bildu egingo da. EAEko hiriburuen AHTrako sarbideen inguruan hitz egingo dute. Oregiren esanetan, sarbide hauek garrantzitsuak dira euskal trenbide sarearentzat eta abiadura handiko europar korridorearentzat.

AHT Elkarretaratzea 22-09-2015

AHTa hiriburuen arteko garraioak egiteko bakarrik dago diseinatua, herri eta herrixkak baztertuz. Edonola ere, egokia al da hiriburuak komunikatzeko? Ez horixe. Lehenik eta behin, dauden bidaien artean kopuru oso txiki bat da hirien artekoa, gehienak eskualde barnekoak dira. Gainera, hirien arteko garraio beharrizanak bermatuta daude bai garraiobide aldetik baita azpiegitura aldetik. EAEko hirien arteko bidaietan, AHTak, autobusak eta autoak bidaia-denbora berdintsuak dituzte. AHTak distantzia luzeetan txikitzen du bidaia-denbora, baina momentuz eta 2030 urterarte gutxienez, Euskal Y-a ez dauka loturarik inguruko trenbide-sareetara.

Bestetik, gero eta ageriago da AHTak ez duela bideragarritasun ekonomikorik. Ekonomialari ugarik diote hori, baita AHTaren alde egondakoak. Egitea gastu itzela dakar, 6000 milioi euro baino gehiago, eta inoiz martxan jartzekotan, urtero-urtero 50 eta 60 milioi euro arteko galerak izango lituzke. Pentsa, dirutza hori mordo hori oinarrizko zerbitzuetan edo beste garapen ekonomiko eredu bat sustatzeko erabiliko balitz. AHTa egiteko obrek sekulako triskantza ekologikoak eragin dituzte, besteak beste: iturburuak idortu, errekak kutsatu, lurjausi itzelak sortarazi. Oraindik asko falta da obrak amaitzeko eta oraindik kalte ekologiko ugari eragingo lituzke. AHTa elektrizitatearekin ibili bai, baina elektrizitate hori erregai fosilen bitartez lortzen da.

Hau guzti hau kontutan hartuta, garbi dago AHTa alferrikako azpiegitura erraldoia dela eta, denok dakigu zeintzuk diren horrelako azpiegiturak egiteko benetako arrazoiak: eraikuntza enpresei (FCC, Sacyr Vallehermoso, Ferrovial, ACS) negozioa bermatzea, higiezinen espekulazioa sustatzea eta horri lotutako komisioak jasotzea. AHTa ez da tren huts bat eredu sozio-ekonomiko bat da eta eredu horri boterea eta kapitala baino ez zaio inporta eta denok pairatu ditugu eredu horrek dituen ondorio latzak.

Gaur Madrilen bilduko direnek AHTa geldiezina dela esaten digute, baina obren erdi baino ez dute egin. Ekonomian adituek diote, ekonomikoki hobe dela zorakeria hau geratzea eta orain arte gastatutakoa galdutzat eman, egiten jarraitzea baino. Gauza bera esan dezakegu ikuspegi ekologiko eta sozial aldetik. Horregatik guztiagatik, ozen esan behar diegu agintariei eta enpresari handiei ez zaigula euren jostailutxo madarikatu hori nahi eta gure esku dagoen guztia egingo dugula zorakeri hau gelditzeko.

AHT Gelditu! Elkarlana

Bigarren eskuko liburu azoka arrakastatsua Donostian

albisteak

liburu eta disko azoka 2015 irailaLarunbatean, bigarren eskuko liburu eta disko azoka egin zuen Eguzkik Donostiako Parte Zaharrean, San Bizente parean.

Eguraldia lagun, jende dezente bertaratu zen eta, batez beste, 150 liburu eta CD inguru saldu/banatu genituen. Beraz, bere apalean, ekimen arrakastatsua izan zen, eta udaberrian antzeko zerbait egin genuela eta orduan ere harrera ona izan zela kontuan izanik, aurrerantzean jarraituko dugu, tarteka, azoka txiki hauek antolatzen.

Gogoan izan liburuok 0 eta 3 euro bitartean saltzen/banatzen ditugula. Beraz, ekimen hauen helburua dirua biltzea baino gehiago, etxean zokoratuta dauzkagun liburuak berriz ere zirkulazioan ipintzea da, betiere berrerabiltze/birziklatzearen filosofiarekin bat eginez.

Aukera aprobetxatu nahi dugu liburu eta CDak musutruk oparitu dizkiguten lagunei eskerrak emateko.

Pasaiako udalak azaroan kanporatuko ditu Atez Ateko bilketako langileak

albisteak

atez ate 2015 irailaIturria: Argia.

Oarso-Bidasoako Hitzak zabaldu duenez, Pasaiako udalak azaroan etengo dizkie kontratuak hondakinen Atez Ateko bilketan ari diren 13 langileei. Pasaiako udal agintari berriek jakinarazia zuten hondakinen gaikako bilketa derrigorrezkoa ahal bezain laster kenduko dutela eta San Marko mankomunitatetik, berriz, Atez Atekoa kendu eta borondatezko sistemara -kaleko edukiontzi handi libreak erabiliz- itzuli nahi zuten udalerriei erraztasunak emango zizkiela esan zen. Orain Pasaiako alkateak langileei abisatu die bilketa lanak San Markori uzten dizkiola eta azaroan geratuko direla lanik gabe. Beharginak mobilizazioetan ari dira.

Donostiako metroari buruzko hitzaldia

albisteak
Donostiako metroa 2015 irailaDonostialdeko Metroaren proiektuak eztabaida eta kezka piztu duela ez dago zalantzarik. 24 ordutan, proiektua gelditzearen aldeko hainbat bizilagun eta elkartek antolaturiko  bi jardueratan bi areto bete dituzte herritarrek. Joan den astelehenean (irailak 14) 150 lagunetik gora bildu dira Amara Zaharreko Karmeldarretan  egindako asanbladan. Asteartean, berriz,  Ander Gortazar arkitektoak  “Metro pasantearen azterketa kritikoa eta estrategia alternatiboa” izenburupean hitzaldia eman zuen Koldo Mitxelenan. Barruko eserlekuak beteta, liburutegiaren sarreran ere bildu zen jende andana, hitzaldia kanpoko telebistaren bitartez jarraitzeko.
Hitzaldiaren bideoa duzue azpiko lotunean, baita Ander Gortazarrek bere hitzaldi argigarrian azaldutako zenbait ideia laburbiltzen dituen testu bat ere.
Dokumentua ikusteko, klikatu hemen
Hitzaldiaren bideoa:
https://youtu.be/avmwY1mlyG4
https://www.youtube.com/watch?v=avmwY1mlyG4&feature=youtu.be

Gure itsasoa defenda dezagun !

albisteak

izurdeak 2015 martxoa

Datorren larunbatean, irailak 19, arratsaldeko 6etan, Oreretako Reina aretoan, Atlantikaldiaren egitarauaren barruan, EGUZKI talde ekologistak Itsasoetako eta Kostaldeetako Ingurumen-kudeaketan aditua den Raul Castro biologoak hitzaldi bat emango du:“Itsasguneen balioa: zergatik eta zertarako babestu itsasguneak?”  Hitzaldiaz gain, egunero gela berean erakusketa izango dugu, eta “Marcados para sobrevivir” filmearen proiekzioa egongo da igandean 12:00etan.

 Informes de actualidad alertan sobre la drástica reducción (a la mitad) de los recursos vivos marinos durante los últimos cuarenta años. Otros investigadores señalan que el mayor declive se produjo ya hace más de un siglo, por lo que el intervenido océano actual no resulta sino un espectro de lo que fue en su estado vírgen.

 De forma sincronizada con los gobiernos del mundo que se han comprometido a preservar al menos un 10% del espacio marino con objeto de garantizar su biodiversidad, Europa ambiciona un desarrollo compatible de las actividades marítimas (economía azul) para alcanzar y mantener un buen estado ambiental en el horizonte 2020 ¡a cinco años vista!

 La charla que Raúl Castro Uranga, investigador de AZTI, va a impartir en el marco de Atlantikaldia-Errenteria este sábado a las 18:00 en la sala Reina en el marco de la exposición organizada por Eguzki-Oarsoaldea, pretende contrastar con el público asistente la urgencia de completar y coordinar una red de áreas marinas protegidas a escala de la costa vasca, el Cantábrico y el Atlántico en su conjunto; a partir de nuestros valores naturales y culturales comunes ¡acude si estás interesado en participar!

Birziklagarri diren hondakinak ez errausteko hitza eman du Gipuzkoako Diputazioak

albisteak

errausketa 2015 iraila 3Iturria: Berria.

Europako Parlamentuak uztailean onartutako ebazpenaz mintzatu da Jose Ignacio Asensio diputatua. Berretsi du errauste planta egingo dutela Zubietan. Aurreko agintaldian Bilduk hartutako erabakien auditoria egingo dute, gainera.

Hondakinen kudeaketaren auzia izango da gatazkatsuenetako bat Gipuzkoan agintaldi berrian ere. Batzar Nagusietan agerraldia egin du Jose Ignacio Asensio Ingurumen diputatuak, lan ildoen berri emateko. Lelo bat aipatu du agerraldian: Zero zabortegi. Aurreko agintaldian ardatz izandako zero zabor leloari erantzun dio, beraz. 

Europako Parlamentuak uztailean onartutako ebazpen bat hartu du ahotan Asensiok: ekonomia zirkularrari buruzko ebazpena. Hondakinen politikari buruzko neurriak zehaztu zituen parlamentuak akordio horretan. Besteak beste, hondakinen gaikako bilketa %70era iristea 2030erako, eta errauste plantetara soilik birziklagarri edo biodegradagarri ez diren hondakinak eramatea. Azkenik, zabortegiak 2030erako ixteko ere agindu zuen.

Ebazpen hori bere egin du Ingurumen diputatuak. baina oraingoz ez du eman aparteko zehaztasunik. Adierazi du prestatzen ari direla hondakinen kudeaketarako plana; PIGRUG hiri hondakinak kudeatzeko plana moldatuko dute. Horretarako, bilketaren oraingo egoera ere aztertu nahi dute. Errauste planta agintaldia amaitzerako prest eta martxan egongo dela agindu du.

Aurreko agintaldian Bilduk egindako kudeaketarekin oso kritiko agertu da Asensio; “Penagarria izan da”. Besteak beste, Europako Inbertsio Bankuarekiko harremana aipatu du: salatu du GHK-k ez zituela interesak ordaindu bederatzi hilabetez, eta “herio zauriekin” dagoela inbertsio bankuak emandako mailegua. Gainera, auditoria bat iragarri du GHK partzuergoan, “kudeaketa faltaren ondorioak” zein izan diren argitzeko. Galera ekonomikoak aipatu ditu, besteak beste.