Eguzkik deialdia egiten du hurrengo larunbatak 29 burutuko den Supersur gelditzeko manifestaziora, oraindik denbora daukagu, Supersur gelditu! lelopean.

Era berean ere gonbidapena luzatzen dizuegu Bilbon prestatutako hitzaldira, TAU eta Supersur plataformarekin batera proiektuaren egoera azaltzeko.

Ordua:20:00etan

Legua: Sarrera Vista Alegre zk 5, Frantzizkotarren jantokiaren aloban.

Ordua:20:00etan

Legua: Sarrera Vista Alegre zk 5, Frantzizkotarren jantokiaren aloban.

Bi urte igaro dira elkarteek eta partikularrek “Bolintxu Bizirik” Supersur handitzearen aurkako plataforma abian jarri zutenetik. Bi urte igaro dira obra honen aurrean dugun jarrera eta Bolintxu haranean duen eragina azaldu genuenetik, bailaran bertan, kaleetan, ikasgeletan, erakundeetan eta auzitegietan egindako ekintzen bidez.

Era berean, Bizkaiko Foru Aldundiak bi urtez defendatu du proiektua modu inkoherentean,eta albiste faltsuak sortzen. Unai Rementeria Ahaldun Nagusiaren eta Imanol Pradales Ekonomia eta Lurralde Garapeneko diputatuaren aldetik entzun behar izan dugu Bolintxu bailara ez zela ukituko, eta obra eremuan ingurumenean izango lukeen eragina ez zela oso garrantzitsua izango. Gaur egun, Seberetxe inguruko basoko eta landazabaleko 15 hektarea suntsitu dira, Europar Batasunaren Intereseko Habitatak barne, hala nola ibaiertzeko basoa. Proiektua geldiaraztea lortzen ez bada, urtebete baino gutxiagoan iritsiko da Bolintxuko haranera.

 Gaur egun, proiektua justifikatzea zaila da, are gehiago egindako inbertsio handiak justifikatu ahal izateko eskariaren estimazioan egindako aldaketen ondoren. 2005ean 41.000 ibilgailu egunean aurreikusten ziren; lehen tartea inauguratzean, inolako azalpenik gabe, 24.000 ibilgailura jaitsi zen aurreikuspena egunero. Aitzitik, 2018an, batez beste 12.000 ibilgailuk erabili zuten, eta hilabete batzuetan (urtarriletik martxora) ez zen eguneko 10.000 ibilgailura ere iritsi . Supersurrek ere ez du balio izan bere eraikuntzaren helburuetako bat lortzeko, alegia, A8an dauden auto ilaren arazoa konpontzeko. A8ren edozein erabiltzailek eman dezake horren fede.

Oraingoz, onuradun bakarrak esleipendun sustatzaile eta eraikitzaileak izango dira, diru publikoko 187 milioi poltsikoratuko baitituzte, eta horri obra eraikitzeko inbertitutako 821 milioi euroak gehitu beharko litzaizkioke.

 Eraikitzeagatik eta ustiatzeagatik pilatutako defizit ekonomikoari bi gai garrantzitsu gehitu behar zaizkio. Proiektuak auto pribatuaren erabilera bultzatzen du larrialdi klimatikoari buruzko eztabaida urgentziazkoa den une batean. Autoz egindako joan-etorriak dira berotegi-efektuko gasak isurtzeko bigarren arrazoia Euskal Autonomia Erkidegoan. Bestalde, proiektuak eragin handia du Pagasarri mendigunean, bereziki Bolintxu haranean. Bolintxu Pagasarriko Plan Berezian aitortutako enklabea da, eta Bilboko udalerrian balio natural eta ekologikoetan aberastasunik handiena duen gunea da.

Aldundiak egindako Ingurumenaren Gaineko Eraginari buruzko Azterlanak onartzen du, neurri zuzentzaileak aplikatu ondoren ere, garrantzitsuak direla proiektuak sortzen dituen afekzioak, batez ere errekaren uretan, haraneko drainatze-sarearen gainean, bai eta flora (haltzadiak, txilardiak, otadiak eta segarako landak) eta faunaren gainean ere (belatz handia, pinu-kaskabeltza, aztorea, haitz-enara, ur-satitsu ankazuria, basakatua, …).

 Egoera horri bailara zeharkatzen duten eguneko 12.000 ibilgailuek sortzen duten kutsadura akustikoa eta argi-kutsadura gehitu behar diogu. Urte kopuru handia igaro beharko da harana partzialki lehengoratzeko.

 Ingurumen eraginaren adierazpena 2017an iraungi zen, eta auzitegietan errekurritu zen 2018an. Gaur egun ez dugu emandako epairik, obrek aurrera jarraitzen duten bitartean, baita kautelazko geldialdia eskatu ondoren ere (2019). Denbora tarte labur batean prozesu atzeraezin batekin egin dezakegu topo, epaia eman aurretik.

 Plataformatik helarazi nahi dugu oraindik garaiz gaudela obra gelditzeko. Bolintxun eragindako kalteak ez dira atzeraezinak, bilbotarrek babestu eta defendatu behar dugun balio ekologikoaren inguruan duten kontzientziak gure alde jokatzen du. Gure adinekoen ondarea da; XX. mende hasieratik ezagutu eta gozatu zuten, eta beren eragin ederra transmititu zieten ondorengo belaunaldiei, gaur arte.

Horregatik eskatzen dizuegu otsailaren 29an, larunbata, 18: 30ean Bilboko Arriagatik aterako den manifestazioarekin bat egin dezazuen.

Supersur Hantzearen kontrako Plataforma

Udal Gobernuak ontzat eman du Eusko Jaurlaritzak egindako proposamen bikoitza Hegoaldeko Tren Saihesbidearen ibilbiderako. Nahiz eta biek gure herriko gune natural bakarrenatakoari, Gorostiza, erasan larriak sortu. Lehenengo proposamena, ez daude honen kontra, Castaños ibai azpian tunel faltsu baten eraikitzea suposatuko luke, Gorostiza zehartuko lukeena. Obra hau gauzatzeko, beharrezkoa litzateke ibaia desbideratzea edota urte eta erdi batean lehortu. Castaños ibaia Gorostizatik igarotzean, Arrain Hiruarantzaren (Gasterosteus aculeatus) habitat naturala dela gogoratzea komenigarria litzateke. Eusko Jaurlaritzak espezie hau “espezie kaltebere” bezala katalogatua du. Ingurugiro erasanez gain, paisaiaren eraldaketa, inguruko biztanleei sortutako eragozpenak, koste ekonomikoa, etabar egongo lirateke.

Bigarren proposamena, zoritxarrez egingarriena, zubibide baten eraikuntza suposatuko luke, bere ibilbidea Gorostizako etxeen artean kokatuko litzateke, hauetako baten bat urratuz eta urtegiko presa. Sasiburuko mendikatea berriro zulatzea eta beste ikuspegi langa bat (zubibidera irtengo litzateke) ezartzea suposatuko luke, erabiliko gabeko Super Surrari batuko litzaioke.  Ez dugu ahaztu behar, mendiak zulatuz lurrazalean ezengorkotasunak sortzeko arriskua dugula, lurrazpiko sistema hidrikoen aldaketak, etabar. Horrez gain, azpiegitura linealak habitaten zatikatzea, espezie desberdinen igarotzeari hesiak, kutsadura akustikoa, etabar dakartza.

 “Gure udalerriko ingurugiroarentzat astakeria bat da” esaten zuen Amaia del Campok Barakaldako alkatesak, urrun daukagun, baina berarentzat ez hainbeste 2015.urtean. Baina urte eta erdi beranduago, 2017.urtean, Amaiak Hegoaldeko Tren saihesbideari buruz esaten zuen; “eskualdeko garapen jasangarrirako itxaron dugun proiektua da”. Iritzi aldaketa hau bere alderdiko, EAJ-PNVko goi-karguek emandako jarraibideak jaso eta gero iritsi zela suposatzen dugu.  

Alkatesa, gezurra esateaz gain eta bere herriko interesak ez defendatzeagatik, gure birika berdea eta ingurugiroa hipotekatzen du, bere alderdiaren mendekotasuna erakutsiz.  Honi gehitu behar diogu, proiektu honetan inplikatutako eragile eta interesatuekin elkarrekin lanean arituko zela agindu zuen alkatetza lortzean. Proiektu hau tratatzeko sortutako lan mahaia argi eta garbi gutxietsia izan da.

Eguzki, Barakaldu Naturala plataformarekin batera, instituzioek aurkeztutako proiektuari  bi aukera entregatu genizkion (biak Super Portutik lurperatuta). Bi aukera hauek Barakalduko Udalak emandako diru laguntza bati esker gauzatu ahal izan ziren. Bertan parte hartu zuten: Equinoccio Natura ingurugiro proiektuak kudeatzen dituen empresa, trenbide eremuan adituak diren EHUko irakasleak eta Urak bide taldaldea injenieritza empresa.  Proposamen hauek instituzioen esku jarri ziren, ingurugiro, ekonomia eta gizarte ikuspegitik jasangarriagoak dira.  Estas propuestas, puestas a disposición de las instituciones, son más sostenibles desde el punto de vista, medio ambiental, económico y social. Aipatu behar da herritarrentzat onurak ekarriko zituela ibilbidean Desertu Barakaldo, Portugalete, Sestao eta Meatzaldeko geltoki guztiak lurperatzea aurreikusten zela.

Gure alternatibarekin, “Cercanias”-eko zerbitzuaren maiztasuna ziuraki hobetuko litzatekeela segurtako genuke, lurperatuz edo geltokiak udalerri barruan kokatuz, aldi berean, hain arriskutsuak diren trenbide-pasaguneak kenduz.

Eguzkik dei egiten die Barakaldoko herriari eta kaltetutako udalerriei, ekonomikoki xahutzaile eta gure birika berdearentzat  suntsigarria den diseinu hau geldiaraztera.  

Aldi berean, Amaia del Campo eta bere alderdiari azaroren 29ko plenoan udalbatzaren gehiengoak onartutakoa ez oztopatzea eskatzen diogu eta Galdameseko Biotopoaren gure herrirainoko hedapenean lan egin dezala, aitzakiarik jarri gabe, soberan dakizkielako  horrelako ingurugiroak babestea dakartzan gizate eta ongiazate onurak.  

Barakaldotarrei maiatzaren 26ko udal hauteskundeetan Amaia del Camporen EAJri eta proiektuaren kontra ez dauden alderdiei bozkatzeak, ez dela inolako aurkakotasunik izango, soilik gure birika berdea suntsituko dutela, maiatzaren 28ko BOEan “Bilnoko Hegoaldeko Tren Saihesbidearen Azterketa Informatiboa” argitaratua izan da.

EAJ-PSOE- PP GURE AZKEN GUNE NATURALAK SUNTSITZEAZ ETA LAPURTZEAZ ASKI DA!!!

Eguzki Barakaldo

2019-5-20