Monthly Archives: octubre 2014

Garoñaren jarduera bertan behera uztea baztertu du Auzitegi Gorenak

albisteak

garoña maniIturria: Berria

Ezezkoa eman dio Arabako Biltzar Nagusiek egindako eskaerari.

Kautelazko neurri gisa Garoñako zentral nuklearraren (Burgos, Espainia) jarduera bertan behera uzteko egindako eskaera atzera bota du Auzitegi Gorenak. Epaiak dioenez, “beharrezkoa” da “herritarrek bidezko baldintzetan hornidura elektrikoa jasotzeko eskubideari erantzutea”.Uztailean aurkeztu zuten eskaria Arabako Biltzar Nagusiek; ordurako, ordea, beste bat egina zuten, maiatzean. Azken hori ebatzi gabe dago oraindik.

Nuclenorrek, berriz, irail amaieran aurkeztu zion CSN Espainiako Segurtasun Nuklearraren Kontseiluari Garoña berriz irekitzeko dokumentazio osoa. CSNren esku dago erabakia.

Europak adierazi du Oiolako urtegian (Barakaldon) bost ingurugiro irizpide ez direla betetzen

albisteak

Iturria: Herrikolore

Oiola Bruselas Barakaldo

Oiolako urtegiaren lotura bertan behera uztearen aldeko plataformak, Europako parlamentua bisitatu zuen urriaren 15ean eta 16an, lotura bertan behera uztearen aldeko borroka ezagutarazteko eta helburu hau lortzeko babesa lortzeko. Parlamentariekin elkarrizketak eduki zituzten. Parlamentuko eskakizunetarako batzordeko idazkaritza buruak, Barakaldoko udalak Europako ingurugiroko bost irizpide betetzen ez dituela jakinarazi zuen eta gaia lantzen ari direla ohartarazi zuen.

Ondorengo bideoak, plataformak aipaturiko bisitan egindako lana erakusten du.

herrikolore

Bideoa ikusteko sakatu irudian

Kantauri itsasoa: babesa ala kutsadura?

albisteak

PROSPECCIONES itxasoaITSAS ERRESERBEN SORRERA ETA ARRANTZA BALIABIDEEN BABESA EDO HIDROKARBUROEN ERAUZKETA BEZALAKO INDUSTRIA JARDUERA KUTSATZAILEEN BULTZADA

2010ean itsas babeserako nazioarteko erakundea den OCEANAk eta Euskadiko Biologoen Elkargo Ofizialak (EBEO) “Jaizkibel eta Uliako (Euskadi) itsasaldearen babesa. Donostia (Ulia) eta Miarritze artean korridore ekologiko bat sortzeko proposamena Natura  2000 sarean barneratzearen bidez” deituriko txosten teknikoa kaleratu zutenetik, euskal talde ekologistak, proposamen hau lortzea, itsasoari dagokionean gure helburu estrategikoetako bat bihurtu genuen. Bertan, itsasoko habitata eta espezieak babestea proposatzen da, zetazeoak barne.

Capricorn Spain Limited eta Shell Usptream Spain BV  petrolioaren nazio-gaindiko enpresak, Euskal Herriko hego itsasokoa ondoan, gas edo petrolio erauzketak egin ahal izateko aurretikako ikerketa teknikoak egiteko eskaera bana egin diote espainiako gobernuari .

Eusko Jaurlaritzak eta Espainiar Gobernuak,  Euskal herriaren itsas babesaren inguruan ezinbesteko zenbait gai jorratzeke dituztela aspalditik errepikatzen ari gara Eguzkitik: itsasertzeko uren kutsadura, neurriz gaindiko arrantza, kostaldearen artifizializazioa, azpiegitura erraldoiak…,  eta kontuan izanik gure Hegoaldeko itsasertza, itsas bioaniztasunaren babesari dagokionean basamortua baino ez dela, salbuespen urri eta murritzekin.

Espainiar gobernuak ingurumari honetan, mehatxu berri baina ezagunen garapena baimentzen du, izan ere petrolioaren industria bost kontinenteetako ozeano nahiz barneko lurretan  sortutako eragin handiengatik ezaguna da mundu mailan. Gogora dezagun bestela Kariben, Kanariar Uharteetan edo fracking-aren  inguruan Europa nahiz Ameriketako prospekzioetan  sortzen ari den aurkako jarrera.

Era berean bi gobernuei  %100 berriztagarriak izango diren eszenatoki energetikoetan lan egin dezatela exijitzen diegu eta ez daitezela  ingurumenean, osasun publikoan nahiz ekosistematan kalteak eragin eta aldaketa klimatikoaren eragile ezinbestekoa den fosildun jatorriko  energiaren erabileran behin eta berriz saiatu.

Ezin dugu alde batera utzi, gure kostaldeko herrientzat hain garrantzitsua den  arrantza sektorean erauzketa jarduera hauek eragin dezaketen kaltea, espezieen berreskurapenean egiten ari den lana kinkan jarriaz: geldialdi biologikoak, biomasari egokitutako arrantza kuota… Espezie babestuak ere hidrokarburoen erauzketaren eraginei alde egiterik ez dutela ahaztu gabe.

Ulia-Jaizkibelgo itsas eremuen babeserako proposamena, natura 2000 sarearen proposamenaren barruan (Oceana-COBE, 2010)

Ulia-Jaizkibelgo itsas eremuen babeserako proposamena, natura 2000 sarearen proposamenaren barruan (Oceana-COBE, 2010)

Horregatik, petrolioaren  enpresei emandako baimen kutsakorrak ez ditu onartzen  Eguzkik eta tinko eskatzen dugu berriz ere, hain beharrezkoak diren itsas eremu babestuen izendapena, bereziki Ulia-Jaizkibel eta Capbretongo kainoia,  zeinak itsas Natura 2000 sarean barne leudekeen. Bukatzeko herri mailako nahiz goi mailako instituzioei, hala erakunde ekologista nola zientifiko, arrantza sektoreko , itsasertzeko aisialdikoei… batzeko dei egiten diegu itsasoari datorkion mehatxu berri honi aurre egiteko.

Donostian, 2014ko urriaren 16an.

Eguzki, Euskal Herriko Talde Ekologista eta Antinuklearra

Tren garraioak nabarmen behera egin duela jakinarazi du CADE-k

albisteak

AHT BaionaIturria: Kazeta.eus

CADE-k agerraldia egin du Baionan Tren Trafikoen Behatokian Frantziako Trenbide Sareak (RFF frantsesez) aurkeztu dituen datuak faltsuak direla agerrarazteko. Abiadura Handiko Trenbidearen eraikuntzaren beharra zehazteko sortu zen Behatokian eman diren datuen kontra, 2006tik 2012ra merkantzietan trafikoaren %50ra beheitutu dela eta orokorrean trenen kopuruak ere behera egin duela jakinarazi dute AHTaren kontrako elkarteek. Datu guztiak Mugerren ostiralean eginen den bilkura publikoan aurkeztuko dituztela ere jakinarazi dute.

Idoia ERASO
Ingurumenaren Aldeko Elkarteen Kolektiboak (CADE frantsesez) azken urteetan egon den tren trafikoaren beherapenaren datuak eman ditu. Prentsaren aitzinean egin duen agerraldiarekin Frantziako Trenbide Sareak (RFF frantsesez) Behatokian eman zituen datuak gezurtatzea da. “Inportantea da aurkeztea emaitza ofizialak gure zentzuan joaten direla, hau da AHTaren beharrik ez dela” azaldu du Pantxoa Teillerrek, kolektiboko kidea den Urdazuri-Bidasoa elkarteko bozeramaileak.

Zentzu horretan 2006 eta 2012 urteen artean Estatu frantsesean eta Estatu espainiarrean merkantzia garraioa behetitu dela nabarmendu dute CADEko kideek. %50eko jeitsiera izan dela azaldu dute. Lapurditik iragaten den trenen kopuruan ere behera egin duela jakinarazi dute CADEko kideek.

“Bereziki AHTen kopurua Hendaia eta Baiona artean beheititu egin da, eta aldiz tokiko trenena pixka bat emendatu egin da” baieztatu du Teillerrek.

Datu ekonomikoei ere so egin diete, Barne Produkto Gordinak ere behera egin duela erakutsiz: “BPGa ez du batere hastapenean eman zituzten datuekin bat egiten”. Zentzu horretan “Rentabilizaziorik ez dagoela erakusten dugu ere”, gaineratu du.

Datu guzti hauekin trafikoaren beheititzea “ez dela gaurko gauza” erakutsi nahi dutela nabarmendu du Teillerrek, hori dela eta hartu beharreko erabakia argia dela adierazi du: “Deliberoak hartu beharko dira, proiektua geldiarazi beharko da eta badakigu hori erabaki politikoak direla, politikari bakoitzak nahi du bere herrian AHT bat izan”.

Bilkura publikoa
Mugerren ostiralean, urriaren 17an, eginen den bilkura publikoaren garrantzia azpimarratu nahi izan dute antolatzaileek. Abiadura Handiko Trenbidearen proiektua ez dela bertan behera utzia izan nabarmendu dute eta, horregatik borrokarekin jarraitzea inportantea dela nabarmenduz.

Haitz Ondoan gelan 20:30etan eginen den bilkura publikoan “trafikoaren datuak publikoki aurkeztuak izanen dira” azaldu du Teillerrek.

Bordeletik Okzitaniako Tolosara eta Akizera joango lirateken bi trenbideetako inkesta publikoak urriaren 8an abiatu dira eta abenduaren 8ra arte luzatuko dira. Honek AHTaren egitasmoak aurrera darraiela argi uzten duela adierazi dute trenbide berriaren kontrako elkarteetako kideek. “Hasiak dira inkestak, eta Abiadura Handiko Trenbidea Akizeraino etortzen baldin bada Hendaiaraino helduko dela segur da” erran du Urdazuri-Bidasoako kideak.

Bizkaia errausketak zabortegien lurralde bilakatuta

albisteak
Zalla zabalgarbi

Zallako zabortegiaren isuri bat inguruko errekan. Zallara Zabalgarbi erraustegiko eskoriak eramaten dira

Iturria: Zero Zabor

Bizkaia aipatzea ez da kasualitate hutsa. Errausketaren bidea hartu zuen lehen euskal herrialdea da eta Gipuzkoan errausketa bultzatzen dutenen eredu. Bizkaiak duela hamarkada bat abiatu zuen errausketaren bidea. Ezagunak dira ordutik ona zaborrarekin eta errausketarekin bizi izan dituen arazoak. Errauste plantaren inguruko lurren kutsaketa (Bilbo urez hornitzen duen Ordunte kanala azpitik pasatzen da), Zallako zabortegiko kutsadura eta irregulartasunak (Zallako zabortegiaren etengabeko arazoak, Zabalgarbi: El ayuntamiento de Zalla pide cierre del vertedero de escorias de la incineradora.,) dira hoien adibideetako batzuk.

Igorre, Jata, Artigas, Astoreka (Larrabetzu), Zalla errausketaren Bizkaian hiri hondakinak jasotzen eta kutsatzen segitzen duten Zabortegiak dira, Labe erraldoitik pasatakoak (60.000 tona urte Bizkaiko Foru Aldundiaren arabera) eta zuzenean isuritakoak ere bai.

Txingudiko zerbitzuak bere erantzukizuna saihesten du Zaldunbordako zabortegian

albisteak

OLYMPUS DIGITAL CAMERATxingudi-Txingudi SA elkarteak baimena eskatu dio URAri, uraren euskal agentziari, Hondarribiako Zaldunborda zabortegiko lixibiatuak inolako tratamendurik eman gabe, Zokueta ubidera, Jaitzuabiara eta Txingudiko BGLra (Batasunaren Garrantzizko Leku) isur ditzan.

Eguzkitik, aipaturiko baimenaren aurkako alegazioak aurkeztu ditugu eta eskaria zabortegi ilegala ezkutuan erregularizatzeko saiakera bezala ulertzen dugu, honela zigilatzeko eta ingurune kutsatua eta kutsatzailea berreskuratzeko betebeharra saihestuz.

Zaldunbordako arazoa larria da,horren ardura ekidinezina, Hondarribiako udalak eta 2003az geroztik, mankomunitateko hondakinen kudeatzailea eta zabortegiaren jabea den Txingudiko zerbitzuek dutelarik. Erantzukizunari ihes egitea bezain larria litzateke , URAk eta Euskal Jaurlaritzak baimena ematea.

Zaldunbordako egoeraren harira, Eguzkiko kideok hausnarketa sakonagoa egin nahi dugu: Gaur egun, atez-atekoa eta bosgarren edukiontziaren eztabaida agortuta dagoenean, zenbait alderdi politikoren kritikak, birziklapenaren aldeko politikak Gipuzkoan, zabortegiak eta baita etorkizuneko hondakin inerteen metaketa jomugan jartzera zuzenduta daude.

Informazio osagarria Zaldunbordari buruz

OLYMPUS DIGITAL CAMERAZaldunbordan, zaborrak pilatzen 1993. urtean hasi ziren Hondarribiako lurretan, Gaintxurizketa gainaren ondoan, nahitaezko baimenak eskuratu gabe eta inolako azpiegiturarik gabe lurraren kutsadura saihesteko. Beraz, zabortegi ilegala zen, hasiera batean hondakin inerteez (eraikuntzako hondakinak esaterako) bete zena. Izan ere, ez da kontrol eraginkorra egin, ez dago garbi beti eta edozein kasutan funtzionamendua bera izan denik eta zenbait azterketetako emaitzek hori aditzera eman dute.

Eusko Jaurlaritzak, Hondarribiako udalari zabortegiaren aurkako neurriak har zitzan eskatu zion 1997an, jabeari hura ixtea eta ingurunea berreskuratzeko neurriak hartzera behartuz. Eusko Jaurlaritzak berrio presionatu zuen norabide berean 1999an eta azkenean, Hondarribiako udalak, jabeari egoera erregularizatzeko eskatu zion. Praktikan ezer ez zen egin.

Eguzki-k bere Web eraberritu du

albisteak

ikur webAsteazken honetan, urriak 1, Eguzki Euskal Herriko talde ekologista eta antinuklearrak bere WEB berria aurkezten du.

Lanean hilabeteak eman ondoren www.eguzki.org  web orrialde berria aurkezten dugu. Orrialde honek Euskal Herriko zein munduko ingurugiro-arazoei zabaldutako leihoa izan nahi du, euskal mugimendu ekologistatik datozen albiste eta ekarpenei eskainitako leiho irekia.

Bere baliabideak xumeak izanagatik ere, komunikazio tresna honek Euskal Herri gorria eta berdea eraikitzen lagundu nahi du, non Ama Lurra giza garapen zuzen eta ekologikoki orekatu baten ardatza izango baita.

Web orrialde honek herrietako berriak zabalduko ditu Eguzki taldeen atalean, nazio eta munduko berriak, eta AHT edo Fracking bezalako kanpaina zehatzetarako atal bereziak ere izango ditu.

Halaber, txosten tekniko, bideo zein irudi artxibategiak ikusi ahal izango dira bertan.

Hizkuntzari dagokionez, gure herriaren errealitatea islatu nahi izan dugu, hiru hizkuntza ofizialak erabiliz: euskara, gaztelania eta frantsesa, gure nazio hizkuntzari eman nahi diogun lehentasuna ahaztu gabe.

Amaitzeko , tresna berri hau Euskal Herriaren eta planetaren egoera ekologikoaz kezkaturik dauden talde, plataforma zein pertsona guztiei gogoko eta erabilgarri izan dakien espero dugu.

Esanda dago, euskal mugimendu ekologistari irekitako leihoa.

Euskal Herria, 2014-10-01

Trintxerpe eta San Pedrorekin atez atekoa Pasaia osoan

albisteak

pasaia2Eguzki talde ekologista eta antinuklearrak bere poza agertu nahi du, Pasaiako Udalak hartutako erabaki ausartarekin, orain arteko zabor bilketa zaharkitu eta kutsatzailea alde batera utziz, atez ateko bilketa sistema, zeina beste distrituetan lortutako arrakastaren ondotik, Pasai San Pedro eta Trintxerpera zabaldu duelako.

Hondakinen sorkuntzak ingurumen aldetik nahiz osasun publikoaren ikuspegitik eragiten duen arazo larriaren aurrean, irtenbideak hiru gako dituela uste du:

  1. Errefuxaren murrizketa erabatekoa, baita zaborraren sorkuntzarena ere.
  2. Hondakinen bilketako beste zatien igoera exponentziala, orotara (papera, materia organikoa, bilduki arinak, beira…) birziklapena gutxienez %80ra iritsi arte.
  3. Hondakinen errauskailu kutsatzailearen desaktibatzea, zeina lobby ekonomikoek eta hauek ordezkatzen dituzten alderdi politikoak bultzatzen duten.

pasaia3

pasaia1

Atez ate lehen bilketa Pasai San Pedron

Egun, Gipuzkoako hainbat udalerriren birziklapen maila, %70etik gorako da. Honekin batera, Europako hainbat udalerritan eta Gipuzkoako beste mankomunitate batzuetan demostratu den bezala, atez atekoaren erabilerak gaikako bilketan gorakada eragiteaz gain, egungo lau edukiontziez osatutako borondatezko bilketaren, zeinak birziklapen maila lotsagarriak lortu dituen, porrot estrukturala eta zigorgabetasun handia gainditzea dakar. Birziklapen maila txiki hori, sistema zaharkitu horrek gehiago birziklatzen uzten ez duelako ematen da, besteen artean; baita zigorgabetasuna, nagikeria, pasotismoa eta ingurumenarekiko jarrera oldarkorra ezkutatzen dituelako anonimotasunak. Oarsoaldean, Pasaiaren erabakiaren ondoren, Orereta bakarrik geratu da atzera, Horregatik bertako Udala animatu nahi dugu hondakinen gaiaren irtenbidearen bidea jarraitzera eta zati organikoaren bilketarako sistema eraginkor bat jartzea lehenbailehen.

Era berean, elkartasuna adieraztearekin batera, Pasaiako ordezkari publikoak jasandako eraso nahiz mehatxuak salatu nahi ditugu baita hondakinen bilketarako erabiltzen den kale altzarietan eragindako kalteak ere. Ordezkari publiko hauek ingurumenaren eta osasunaren defentsan izan duten jarrera ausarta izan dela denborak erakutsiko digu. Bestalde, garbi dago salatutako gertakariak ingurumenaren gaietan aurrerabideak ematearen aurka dauden PNV eta PSOE bezalako partiduak elikatuta daudela.

Pasaiako PSE atez atekoaren aurkako kanpaina egiten

Pasaiako PSE atez atekoaren aurkako kanpaina egiten

Horregatik, Pasai San Pedro eta Trintxerpen  atez ateko bilketa sistemaren ezarpena errazteko pertsona eta talde nahiz eragile progresista guztien ingurumen kontzientzia aktibatzeko deia egiten dugu Eguzki talde ekologistatik, bai eraginkortasuna, erosotasuna, ekonomia nahiz garbitasunarengatik. Pasaiako Udalari berriz, herritarren informazio eta sensibilizazioari dagokionean, ahalik eta esfortzu gehien egin dezatela.

2014.10.01

 EGUZKI talde ekologista eta antinuklearra