Monthly Archives: septiembre 2022

Gabonetako argiak hainbat egunez murriztea beharrezkoa da, baina oraindik ez da nahikoa

albisteak
Leave a comment

eguberritakoargiak2Eguzkikook adierazi nahi dugu ondo iruditzen zaigula Donostiako Udalak gabonetako argiztapena astebetez murrizteko hartu duen erabakia, baina ez da nahikoa. Izan ere, gure taldeak 2015etik salatu du gabonetako argiztapenaren alferrikako gastuak etengabe gora egin duela Donostian.

Lehendabizi, arkuen eta argien kopurua handitu egin zen, gabonetan hiri “argitsuena” zein izango ote zen lasterketa zoro horretan bete-betean parte hartuz. Ondoren, pizteko epea ere luzatu egin zen, hilabete batetik 45 egunera.

Eguzkiook beti salatu izan dugu gabonetako energia xahutzea –klima-krisialdia ez da bart arratsean hasi– eta urteak daramatzagu Udalari proposatzen xahutze horri galga jartzeko neurriak.

Zorionez, Udalak jakinarazi du aurten astebetez murriztuko dela gabonetako argiztapena, 43-45 egunetatik 36 egunetara. Ongi etorria izan bedi erabakia, Udalak   keinu pedagogikotzat jotzen duena, baina, Eguzkiren iritziz, keinua, berandu iristeaz gain, oso motz geratzen da, eta askoz gehiago egin daiteke.

Esaterako? Hona hemen azken urteotan egin ditugun proposamenak:

– Astegunetan, gabonetako argiak 21:00etan itzaltzea, ordu horretatik aurrera kaleak ia hutsik baitaude.

– Asteburuetan, 22:00ak arte baino ez piztea, eta ordu horretantxe dendetako erakusleihoek ere argiak itzaltzea.

– Gabonak hilabetera mugatzea, hau da, argiztapen berezia abenduaren 6tik urtarrilaren 6ra mugatzea.

– Orain arte aipatutako neurriak noria turistiko eta enparauei ere aplikatzea, alferrikako energia-gastua dakartelako.

– Gabonetako argiztapenaren inaugurazio-ekitaldian su artifizialak alferrik ez erretzea, zarata eta aire-kutsadura saihestuz.

Klima- eta energia-larrialdiak etengabe denon ahotan daudenean, eta beharbada beste inoren ahotan baino gehiago instituzioen ahoetan, ezin dugu 36 eguneko parentesi bat ireki eta energia xahutu ezer gertatuko ez balitz bezala.

Urrian erlojuak ordubetez atzeratu genituen; apirilaren 22an, berriz, Planetaren Eguna zela eta, Udalak udaletxeko argiak ordubetez itzali zituen; Klima DSS 2050 Ekintza Plana delakoa ere onartu egin zuen… Eta gabonetan ez da neurri eraginkorragorik hartzeko gai?

2015etik lasterketa zoro batean sartuta dago… gero eta arku, argi eta egun gehiago… Bada ordua alferrikako gastuari galga jartzeko, modu apal eta pedagogikoan bada ere. Beraz, ongi etorri Udalak gabonetako argiak astebetez aurrezteko hartu duen erabakia, baina motz geratzen da, askoz gehiago egin baitaiteke.

EGUZKI, 2022ko irailean

Fiskaltzak kargu hartu dio Gipuzkoako Aldundiari, ez diolako ingurumen-delituei buruzko informazioa bere horretan bidaltzen, “bahetuta” baizik

albisteak
Leave a comment

Eguzkik salatu izan du informazio-baheketa hori

Fiskaltzak ofizio bat bidali dio Gipuzkoako Foru Aldundiko Ekonomia Sustapen, Turismo eta Landa Inguruneko diputatuari, basozainek hasitako atestatu guztiak bidal diezazkion, baldin eta horietan delitu ekologikoaren zantzuak badaude. Eta bidal diezaizkion bere horretan, nagusiek aldez aurretik inolako bahe-lanik egin gabe, Prozedura Kriminalaren Legeak eta Botere Judizialaren Lege Organikoak agintzen duten bezalaxe.

Euskal Autonomia Erkidegoko Fiskaltzak berak eman du kargu hartze horren berri, duela gutxi argitaratutako “Memoria 2022 (ejercicio 2021)” izenburuko dokumentuan (*). Eguzkik salatu izan du informazioa bahetzeko praktika hori. Hala, iazko urrian, Fiskaltzan salaketa bana jarri genuen Seguran elanio urdin bat eta Errezilen arrano txiki bat (biak ala biak babestutako espezie-aleak) tiroz bota zituztelako. Ehiza-jarduerarekin zerikusia zuten salaketa-idatzi haietan, tiroen egileak identifikatu eta zigortzeaz gain, zera argitzea eskatzen genuen: ea “zergatik ez den Aldundia bera horrelako gertaerak [delitu ekologikoak, alegia] Fiskaltzaren aurrean salatzen dituena”. Izan ere, gehitu genuen orduan, “agintariak, ustezko delitu bat egin dela jakin bezain laster, behartuta daude fiskalari edo epaileari jakinaraztera, eta ezin dute erabaki zer komunikatzen duten eta zer ez, Diputazioan gertatzen den bezala”.

Hona hemen Seguran tiroz jota aurkitu zuten eranio urdina, gurean oso ohikoa ez den harrapari bat. Zorionez, Arrano Etxean osatu eta askatu ahal izan zuten.

Hona hemen Seguran tiroz jota aurkitu zuten eranio urdina, gurean oso ohikoa ez den harrapari bat. Zorionez, Arrano Etxean osatu eta askatu ahal izan zuten.

Orain, berriz, Fiskaltzaren 2022. memorian honako hau irakur daiteke hitzez hitz:

“En Gipuzkoa, son periódicas las reuniones mantenidas entre miembros del Guarderío Forestal y el Fiscal Delegado en las que, además de informar del desarrollo de algunas investigaciones, se ha trasladado una serie de disfuncionalidades que se están produciendo entre los guardas forestales y los jefes de servicios de montes y de flora y fauna de la Diputación Foral de Gipuzkoa. Se nos ha trasladado que cuentan con dificultades para poder desarrollar las funciones que la ley les reconoce como policía judicial, ya que los jefes de servicio realizan una labor de análisis previo a modo de “filtro” en el traslado de informes y atestados al Fiscal que legalmente no les corresponde. Antes de que los informes y atestados de los guardas forestales lleguen al fiscal, los jefes de servicio realizan una labor de análisis jurídico previo que corresponde exclusivamente al Juez o al Fiscal. Con tal proceder, muchos informes/atestados incoados por los guardas forestales no llegan con la premura precisa al Fiscal, o se modifican antes de llegar al Fiscal, perjudicando la necesaria celeridad con la que se debe responder penalmente ante hechos que puedan revestir caracteres de ilícitos penales. La problemática referida se ha tratado de solventar con reuniones con los jefes de servicio de montes y de flora y fauna, así como reuniones con guardas forestales. La última reunión celebrada con los guardas forestales y en la que se nos trasladaba la problemática antes referida tuvo lugar el 22 de diciembre de 2021. A raíz de la misma, el Fiscal delegado ha puesto en conocimiento del Fiscal Jefe la problemática referida, y se ha procedido a enviar oficio al Diputado de Promoción Económica, Turismo y Medio Rural de la Diputación Foral de Gipuzkoa dejando clara la postura de la Fiscalía Provincial de Gipuzkoa que no es otra que el seguimiento de la Instrucción 4/2007 de la Fiscalía General del Estado reguladora de la especialidad ambiental en el seno del Ministerio Fiscal, solicitando que se establezcan los cauces adecuados en la estructura de funcionamiento del órgano administrativo del que dependen los Agentes Forestales para que se proceda a la remisión inmediata al Fiscal Delegado de aquellos hechos que aparentemente pudieran ser delictivos, de todos los atestados que extiendan los Agentes Forestales, y que en dicho traslado, sin perjuicio de que den cuenta e informen a sus superiores jerárquicos (Jefes de Servicio), éstos no realicen ningún filtro o análisis jurídico previo, poniendo en conocimiento del mentado Diputado de Promoción Económica, Turismo y Medio Rural de Gipuzkoa los preceptos de la Ley de Enjuiciamiento Criminal y de la Ley Orgánica del Poder Judicial que confirman la condición de los guardas forestales como policía judicial, con las implicaciones legales correspondientes”.

Fiskaltzak 2022ko memoria argitaratu berri du. Bertan ez da zehazten noiz bidali zion fiskalak ofizioa Ekonomia Sustapeneko diputatuari, baina informazioaren gaineko bahe-lanak Aldundian indarrean jarraitu duela esateko moduan dago Eguzki.

Fiskaltzak 2022ko memorian Ingurumen eta Hirigintzari eskaintzen dien atalean bada “administrazioarekiko harremanak” deritzan azpiatal bat. Hain justu, azpiatal horren zatirik handiena hartzen dute Gipuzkoako Aldundiaren “disfuntzionalitateek”. Dena dela, oro har, ez dirudi administrazioen arteko lankidetza oso estua denik delitu ekologikoak zigortzeko. Azpiatal horretan bertan honako hauek ere irakur daitezke:

“Los fiscales especialistas [en Medio Ambiente] no mantienen relación con el Gobierno Vasco en general ni con la Viceconsejería de Medio Ambiente en particular; en Bizkaia, a raíz del derrumbe del

vertedero de Zaldibar, la Viceconsejería de Medio Ambiente sigue remitiendo comunicaciones, si bien cada vez más espaciadas, con el fin de informar sobre el estado en el que se halla el expediente de Exigencia de Responsabilidad Medioambiental ERM 2020/001 contra la empresa del vertedero de Zaldibar.

Tampoco existen contactos con la Agencia Vasca del Agua (URA), más allá de los informes que se puedan solicitar desde esta Fiscalía en los procedimientos en trámite.

Se tienen contactos puntuales con las diputaciones forales…”.

Ez dirudi, beraz, delituen errepresioaren rankingean, ingurumenarekin zerikusia dutenak lehentasuna direnik, ezta krisi ekologiko betean ere.

Eguzki, 2022ko iraila

(*) Fiskaltzaren memoria webgune honetatik deskargatu daiteke Comunidad Autónoma del País Vasco – Fiscal.es, zehatz mehatz, “´Memorias y estadísticas” ataletik. Ingurumenari eta Hirigintzari eskainitako atala 97. orrialdetik aurrera aurkituko duzue.

Igandean, errausketaren aurkako giza katea Kontxan

albisteak
Leave a comment

Erraustegia_gizakatea_2022 Urte asko darama Errausketaren Aurkako Mugimenduak mobilizazio hau antolatzen, baina hondakinen arazoa gero eta larriagoa eta zabalagoa denez, aurten Bergarako Larramendiko Arnasak ere egin nahi du deialdia.

Bada bi urte Donostiako erraustegia martxan jarri zela eta geroztik etengabe ari da arazoak sortzen. Hiru aldiz erre da transformadorea, pilatutako zaborretan sute bat izan da, bi aldiz kutsatu dute bertatik pasatzen den Arkaitzerreka, gutxienez 86 aldiz itzali eta piztu dira labeak honek suposatzen duen kutsadura gaindosiarekin. Momentu honetan bertan transformadorea hondatuta dute eta elektrizitaterik sortu gabe ari dira zaborrak erretzen. Aldi berean hilabete baino gehiago da Arkaitzerrekako kutsadura oso larria antzeman zela eta ez dago arduradunen aldetik inolako konponbiderik. Arazo hauen guztien aurrean ez dago inoiz azalpenik erraustegiaren arduradun tekniko eta politikoen aldetik. Denak mutu daude: Eusko Jaurlaritza, Foru Aldundia, Donostiako Udala, GHK, URA.

Aipatutako inzidentzia guztiak kanpotik egindako jarraipenaren emaitza izan dira; erraustegi barrutik ez da informaziorik ateratzen, beraz honelako gertaera gehiago izan direla ondoriozta dezakegu. Behin eta berriz ingurugiroa eta herritarren osasuna arriskuan jartzen ari dira eta beren burua ezkutatu besterik ez dute egiten.

Baita ere azken urtean jakin da Eusko Jaurlaritzak eta Valogreen enpresak Bergaran hondakin industrialen erraustegi bat eraiki nahi dutela. Zaldibarren gertatutakoaren ondoren hondakin hauei “irtenbidea” eman behar diete. Hondakinak murriztera eta berreskuratzera derrigortu beharrean, EJk “alfombra gorria” jarri dio Valogreen-i Euskadiko zazpi paper fabriken hondakinak erre ditzan.

EJk, beti bezala, Valogreen-en proiektua garapen iraunkorreko helburuekin bat datorrela defendatzen du eta enpresari hiru milioi euro eman dizkio proiektua aurrera eramateko. Baina errealitatea beste bat da; erraustegi honek urtean 592.000 tona gas klima larrialdi areagotzen dutenak , 90.000 tona ur kutsatu, 8.000 tona hondakin arriskutsu, metal astunak, dioxinak sortuko ditu, besteak beste.

Gaur goizean, Kontxan bertan, prentsaurreko bat egin du Erraustegiaren Aurkako Mugimenduak igandeko giza katearen berri emateko.

Gaur goizean, Kontxan bertan, prentsaurreko bat egin du Erraustegiaren Aurkako Mugimenduak igandeko giza katearen berri emateko.

Bukatzeko, Eusko Jaurlaritzaren jarrera antidemokratikoa salatu behar da, “Tapia legea”ren bidez haientzat estrategikoa den edozein proiektu aurrera ateratzeko aukera ematen baitio, herritarren eta Udalen iritzien eta arauaen gainetik pasata. Hauxe da Bergaran gertatzen ari dena; nahiz eta herritarrek eta Udalak aurka egin, EJk jada eman du beharrezko den Ingurumen Baimen Bateratua.

Aipatutako arrazoiengatik Giza Katea antolatu da Donostiako Kontxan, Alderdi Ederretik abiatuta, irailaren 11n goizeko hamaiketan.

ERRAUSKETA EZ DA IRTENBIDEA, EZ DONOSTIAN EZ BERGARAN EZ INON.

HONDAKINAK MURRIZTEKO, BERRERABILTZEKO, BIRZIKLATZEKO PLAN ERAGINKORRAK ESKATZEN DITUGU.

Antolatzaileak: DONOSTIA BIZIRIK, LARRAMENDIKO ARNASA, ERRAUSKETAREN AURKAKO MUGIMENDUA

Babesten dute :ELA, LAB, EKOLOGISTAK MARTXAN, EMAN, EGUZKI, EQUO BERDEAK, CCOO, EH BILDU

Urola ibaian, Zestoa parean, hiru presa txiki eraistearen aldeko alegazioak aurkeztu ditu Eguzkik

albisteak
Leave a comment

bainuetxea02Uraren Euskal Agentziak jendaurrean jarri du Urola ibaian, Zestoako Bainuetxearen parean dauden hiru presa txiki eraisteko Foru Aldundiak eskatu dion baimena, eta Eguzkik aprobetxatu du baimenaren aldeko alegazioak aurkezteko.

Planifikazio hidrologikoak behin eta berriz nabarmentzen du ibai-ekosistemak biziberritzeko, ez dela nahikoa isurketa kutsakorrak ezabatzea. Horrela, uren kalitate kimiko eta biologikoa hobetuko da, noski, baina ibai-ekosistemak biziberrituko badira, isurketa kutsakorrak ezabatzeaz gain, ur-erregimena aldatu eta arrain-espezieen mugikortasuna zailtzen edo ezinezko bihurtzen duten presak eta antzeko oztopoak ere ezabatu egin behar dira.

bainuetxea01Aldundiak dioenez, gaur egun 750 oztopo inguru daude Gipuzkoako ibaietan, gehienak, %75, gaur egun erabilerarik ez dutenak. Izan ere, Gipuzkoako Ibai-Oztopoak Iragazkortzeko Plan Gidariak 2035era arte horietako 228tan jardutea aurreikusten du. 228 horietako 39 Urolaren arroan daude: 22 Urolan bertan, 4 Granadaerrekan, 3 Ibaiederren, 1 Otaolan eta 9 Errezilen.

Planak aitortzen duenez, Urolarena da irisgarritasun edo konektibitate txarrena duen Gipuzkoako arroa. Izan ere, Zumaiako bokaletik 11 kilometrora, Aizarnazabalen, Rezusta zentral hidroelektrikoaren presa dago, arrainentzat gaindiezina dena, Altuna Txikiko presa gaindiezina den bezala. Praktikan, arrain migrariek ezin dute Urolan gora egin, aingirek izan ezik, eta aingirek ere oso modu mugatuan. “Oztopo horiek iragazkor bihurtzea premiazkoa da”, ondorioztatzen du Planak.

bainuetxea03Hala ere, eta paradoxikoki, ematen du Planak Urolaren arroan aurreikusten dituen neurriak, oro har, apalagoak direla beste arroetan baino, oztopo nagusietako batzuek oraindik funtzio bat dutelako eta emakida edo kontzesio batzuk indarrean daudelako. Dena dela, Urolan 13 oztopo eraistea aurreikusten du Planak, horien artean, arestian aipatutako Zestoako Bainuetxeko hiru presa txikiak. Presa horiek, betiere Planaren arabera, 2022an eta 2023an desagertu beharko lirateke.

Urola arroan bertan, beste bi presa ere botatzeko tramiteak egiten hasi da Aldundia. Bata da Otaola errekako Gure Tokikoa, Zestoan bertan. Bestea, berriz, Granadaerrekako Illarragorrikoa, Aian dagoena.

Beraz, Urolan dauden beharrak ikusita, presatxo horiek eraistea urrats txikia baino ez da, baina eman beharrekoa. Horregatik egin du Eguzkik aldeko alegazioa.

EGUZKI, 2022ko iraila

Zaldunbordan legez kanpo botatako basoa lehengoratzea eskatu du Eguzkik

albisteak
Leave a comment

Zaldunborda-Zokueta-3Lehengoratze hori ezinbestekoa eta premiazkoa ere badela dio Ingurumen Sailaren txosten batek, eta txosten horixe du oinarri talde ekologistaren eskaerak

Zaldunbordan legez kanpo botatako haltzadiaren lehengoratze-proiektua lehenbailehen  enkargatzeko eta onartzeko eskatu dio Eguzkik Hondarribiko Udalari. Helburua da datorren neguan bertan ahal den gehien aurreratzea, negua baita sasoi aproposa horrelako lanak egiteko.

Zaldunbordako haltzadia bota zuten parajean merkataritza-gune handi bat eraikitzeko lanak hasi zirenean, elkarte ekologistek eta herritarrek  gogor salatu zuten “makrooutlet” delako hura, alegia. Lan haiek bertan behera utzi behar izan zituzten, EAEko Auzitegi Nagusiak Hondarribiko Plan Orokorra ezeztatu zuelako, eta, ondorioz, merkataritza-gunea legezko babesik gabe geratu zelako. Baina Auzitegiak erabaki hori hartu baino lehen ere, Eusko Jaurlaritzako Ingurumen Sailak ohartarazia zuen haltzadia nola edo hala zaindu egin behar zela. Izan ere, haltzadiak dira Europar Batasunak “lehentasunezkotzat” jotzen dituen intereseko habitatak.

Gaur egun Plan Orokor berri bat tramitatzen ari da, eta, tramitazio horretan derrigorrezkoa den Ingurumen Ebaluazio Estrategikoaren barruan, Ingurumen Sailak txosten bat egin du. Hain justu, txosten horixe du oinarri Zaldunbordako haltzadia lehenbaileen lehengoratzeko Eguzkik egin duen eskaerak. Izugarri argia iruditzen zaigulako, hitzez hitz kopiatzen dugu txostena:

“Esta Dirección [de Calidad Ambiental y Economía Circular del Gobierno Vasco] emitió en 2018 informe en relación a Plan Parcial de Ordenación Urbana de Zaldunborda. Tras visitar el emplazamiento y constatar la existencia de aproximadamente 2 ha de aliseda cantábrica (hábitat de interés comunitario (HIC) prioritario), que resultaría eliminada con el desarrollo del ámbito, y la coincidencia parcial con el corredor de enlace entre Aiako Harria y Jaizkibel, esta Dirección consideró la propuesta de restauración planteada insuficiente, solicitando una revisión de la ordenación propuesta para incrementar las zonas de espacios verdes que pudieran acoger las medidas correctoras y compensatorias, incluyendo el establecimiento de una zona verde en la franja occidental-noroccidental del sector, que refuerce el corredor entre Aiako Harria y Jaizkibel.

Tal y como muestran las series de fotografías aéreas, entre 2018 y 2019 se llevó a cabo la eliminación de toda la vegetación arbolada que existía en el ámbito.

Se considera imprescindible (no solo por el hecho de que se haya eliminado un HIC prioritario, sino también porque esto haya ocurrido en una zona identificada por las DOT [Directrices de Ordenación del Territorio] como corredor ecológico) que se implementen en la mayor brevedad medidas correctoras y compensatorias, dirigidas a garantizar una no pérdida neta de patrimonio natural. Se considera necesaria una compensación 1:2 detraido:restaurado, de modo que se compense no sólo la superficie de bosque eliminada, sino también su funcionalidad ecológica.

De acuerdo a la información recopilada en campo en 2018, la superficie de 91E0* [el hábitat] eliminada asciende a 2 ha, por lo que debería ser restaurada una superficie de bosque autóctono de al menos 4 ha. Para ello sería necesario redactar un proyecto de restauración, que se vinculara al desarrollo del ámbito. Dado que el impacto ya ha sido generado, se considera necesario que dicho proyecto de restauración sea aprobado y ejecutado en la mayor brevedad posible, sin esperar la larga tramitación que puede llevar la aprobación del PGOU”.

Laburbilduz, Ingurumen Sailak eskatu zuen haltzadiarekin tentuz ibiltzeko, lehentasunezko habitat izateaz gain, Lurraldea Antolatzeko Jarraibideek Aiako Harria eta Jaizkibel bitartean ezarritako korridore ekologikoaren parte ere bazelako. Baina tentuz ibili ordez, bota egin zuten, erabat bota ere. Gauzak horrela, txostenak, 2021ko azaroaren 18ko data duenak, zera dio, ezinbestekoa dela haltzadia lehengoratzea, eta lehenbailehen, gainera.

Atal honi amaera eman aurretik, ohar bat: txostenetik hitzez hitz kopiatu dugun testuan lodi nabarmenduta agertzen diren hitzak ez ditugu guk nabarmendu, txostengileek berek baizik.

Ingurumenaren kontrako arau-hausteak eta zigorgabetasuna

Txostenean argi geratzen da Ingurumen Sailak ez zuela proiektu hura ontzat eman, ez bere hartan, behintzat. Gainera, lan haiek legez kanpo hasi ziren, ekologistok eta hainbat herritar elkartek, Zaldunborda Gelditu! plataforman bilduta, salatu genuen bezala.

Gauzak horrela, Eguzkitik salatu nahi dugu administrazioak oso pasiboak eta permisiboak direla ingurumenaren kontrako erasoen aurrean. Gogoan izan kasu honetan ondare garrantzitsu batez ari garela, hain zuzen, lehentasunezkotzat jotako habitat batez, eta Aiako Harria eta Jaizkibel bitartean Lurraldea Antolatzeko Jarraibideak ezarritako korridore ekologikoaren zati batez. Gainera, haltzadia ez zuten leku urrun eta ezkutu batean bota, oharkabean pasatzeko moduan, baizik eta garai hartan guztiz fokupean zegoen paraje batean, hainbat protestaren erdi-erdian. Bestela esanda: atentatu ekologiko hori eragotz zitekeen; eragotzi beharra zegoen. Inork ez zuen eragotzi, ordea

Bestalde, ez dakigu haltzadia bota zutenak modu formalean identifikatuta dauden. Txostenak ez du hori argitzen. Halaber, ez dakigu administrazioren batek (Udalak, Aldundiak, Eusko Jaurlaritzak) espedienterik ireki duen, ezta haltzadia bota izana dagokion araudiaren arabera kalifikatu duen ere… Arina? Larria? Oso larria?

Ezinbestekoa da administrazioren batek (edo gehiagok, bakoitzari dagokion neurrian) esku hartzea, orain arte esku hartu ez badute, behintzat. Haltzadia bota izanak ezin du zigorrik gabe geratu. Gure ustez, bada nahiko zantzu Zaldunbordan egindakoakNatura Ondareari eta Biodibertsitateari buruzko 33/2015 Legea urratu duela ondorioztatzeko. Horrela bada, Lege horretan aurreikusitakoaren arabera jokatu beharko litzateke.

Laburbilduz, Eguzkikoontzat premiazkoena da Zaldunbordan lau hektareako haltzadi berreskuratzeari ekitea, eta lehenbailehen, ez baitira alferrik hiru urte pasatu bota zutenetik. Eta Ingurumen Sailaren txostena iazko azarokoa dela kontuan izanda ere, dagoeneko berandu gabiltza!. Baina, aldi berean, erantzukizunak argitzea ere beharrezkoa iruditzen zaigu.

Sekulako sutea piztu da Bilboko Portuan, baina ez omen da ezer gertatu, guzti-guztia normala da eta.

albisteak
Leave a comment

2022-8-27.Bilboko portuan zutea

Joan den larunbatean, abuztuak 27, Bilboko Portuko biodiesel-biltegi batean piztutako suteak sekulako keadar beltza sortu zuen, hainbat kilometrotatik ikus zitekeena.

Hona hemen bildu ditugun datu batzuk:

-100.000 litro biodiesel erre ziren.

-Keadarra 300 metro baino gehiagoko alturara iritsi zen, Luzero puntako harrobiaren gainetik.

-SOS Deiak inguruko bizilagunei etxeko leihoak ixteko aholkatu zien.

-Zierbena eta Muskizko Arena hondartza desalojatu zuten. 

-Sutearen ondorioz, Portu barruko zein kanpoko segurtasun-protokolo guztiak martxan jarri ziren eta A-8 autopistako eta N-644 eta N-639 errepideetako Portuko sarrerak itxi egin zituzten.

-Su hartu zuen biltegia gasolina-biltegi baten ondoan dago eta Bahia de Bizkaiaren gas-biltegi batzuetatik gertu. Hauek ere su hartu izan balute, kalteak askoz larriagoak eta pentsaezinak ere izan zitezkeen.

Datu apur hauei erreparatuta, garbi dago oso istripu larria izan zela eta harrigarria iruditzen zaigu zer garrantzi gutxi eman zaion. Beharbada larunbatean izan ezik, ia oharkabean pasatu da komunikabideetan. Erakunde eta politikoek ere ezikusiarena egin dutela ematen du. Ez da hitz egin inguruko pertsonek jasan zuten eta egun ere jasaten duten arriskuaz, ez kutsaduraz, ez balizko alternatibez… Ezer ez.

Ez omen da ezer gertatu, den-dena normala da. Antza denez, ez dago besterik, eta kito. Eta otoitz egitea geratzen zaigu, zortea izaten jarrai dezagun eskatzeko.

Eguzki, 2022ko iraila

 

 

 

Ondo dago Errota Berriko presa botatzea, baina alferrik izango da baldin eta Orbeldikoa ur bizien kanala egiteko mantentzen bada

albisteak
Leave a comment
Errota Berriko presa eraisteko lanak, dagoeneko bukatu direnak. Argazkia Santueneko zubitik ateratakoa da.

Errota Berriko presa eraisteko lanak, dagoeneko bukatu direnak. Argazkia Santueneko zubitik ateratakoa da.

Uda honetan, Usurbilen, Oriako ibilguan, Errota Berriko presa zaharra, gero Ingemar marmol-fabrikak berrerabili zuena, eraitsi dute. Halaber, Gipuzkoako Aldizkari Ofizialak argitaratu du Aldundiak baimena eskatu duela ibaian gora dauden beste hiru presa txiki eraisteko: Asteasuinzarra, Michelin 1 eta Michelin 2, Usurbilen eta Lasarte-Orian.

Eguzkik eta Anerrekak txalotu egiten dituzte ibaien egoera ekologikoa hobetzeko politikaren barruan dauden ekimen hauek.  Izan ere, ibaien ibilguak oztopoz josita daude, batez ere presak eta presa txikiak, askotan aspalditik erabilerarik ez dutenak, gainera. Oztopo hauek ur-erregimena aldatu eta arrain-espezieen mugikortasuna zailtzen dute.

ALABAINA, Eguzkik eta Anerrekak ohartarazi nahi dute presa txiki horiek eraisteak ezer gutxirako balioko duela baldin eta ibai-zati horretan dagoen oztopo nagusia, hau da, Orbeldiko zentral hidroelektriko zaharreko presa, zutik mantentzen bada ur bizien kanala eraikitzeko. Eta ez ahaztu kanal-proiektu horrek Usurbilgo Udalaren behin-behineko onespena eta Eusko Jaurlaritzaren babesa badituela.

Kontuan izan behar da Orbeldiko presa, ibai-zati horretako oztopo nagusia izateaz gain, Oria biziberritzeko gakoetako bat ere izan daitekeela, itsasotik sartuta arrainek aurkitzen duten lehen oztopo handia delako. Are gehiago, arrainek saihestu dezakete soilik presako eskuinaldean dagoen eskala bati esker. Eta eskala horretan, ez kasualitatez, Aldundiak arrainen jarraipena egiteko nasa bat dauka. Aldundiak berak presa hau botatzeari garrantzi handia ematen dio. Gipuzkoako Oztopoak Iragazkortzeko Plan Gidarian, behintzat. Orian aurrikusitako ekimenak aipatzen dituenean, zera dio: “Azpimarratzekoa da Orbeldiko presa eraistea”.

Eta, hala ere, ur laster edo ur bizien kanal-proiektuak hor jarraitzen du.

EGUZKI TALDE EKOLOGISTA eta ANERREKA INGURUMEN ELKARTEA, 2022ko iraila