Ez da lehengo aldia, eta, jarrera ikusita, zoritxarrez ez da azkena izango. Kasu honetan bi kexa pilatu dira, bat, txorien talka ekiditearekin lotuta eta bestea Pontikako errekarekin.
2025ko urtarrilaren 21an Errenteriako udaleko erregistroan idatzi bati sarrera eman genion Altzate eta Iztieta auzoa lotzen duen zubi berrian txoriak talka ez egiteko neurriak hartzea eskatuz.
2025ko martxoaren 18an, Errenteriako udaleko erregistroan idatzi bati sarrera eman genion Pontikako errekan egin behar zen obraren inguruan informazioa eskatuz.
Legeak ezartzen dituen epeak gainditu dira, eta Udalak ez digu inolako erantzunik eman. Jarrera horrek Arartekoan kexa bat aurkeztera eraman gintuen, ingurumeneko informazio eskubidearen urraketa delakoan.
Horrela ulertu du ere Arartekoak eta espediente bat ireki du (1242/2025/QC), bi kexa batuz. Arartekoak bere lana bukatu arte, ez dugu jakingo horren emaitza, baina besteetan gertatu den moduan honetan ere eskatutako informazioa lortuko dugula itxaropena osoa dugu. Horrela bada, Udalak informazioa eskubidearekiko duen jarrera aldatu beharko luke.
Gaur arratsaldean osoko bilkuran onartutako ebazpen baten bidez, Gipuzkoako Batzar Nagusiek Eusko Jaurlaritzari eskatu diote “ahalik eta lasterren has daitezela Agiti kalaren ingurumena lehengoratzeko izapideak”. Igeldoko Agitiko kalan Culmanor S.A. enpresak aspaldi abandonatutako arrain-haztegi bat dago, zeharo hondatuta.
Gladys ekainaren 1ean omenduko dugu aurten. Oraindik hiru bat aste falta dira eta informazio zehatzagoa emateko aukera egongo da, baina, momentuz, hemen duzue kartela. Bide batez, markatu eguna agendan.
Kolektibo antimilitaristek, ekologistek eta internazionalistek Gerraren, Gastu eta Industria Militarraren aurkako Hamazazpigarren Bizikleta Martxa aurkeztu zuten atzo Bizkaiko Foru Aldundiaren Jauregiaren aurrean. Hain justu, Aldunditik bertatik aterako da martxa larunbatean, apirilaren 26an, Gernikako bonbardaketaren 88. urteurrenarekin bat. Goizeko 10:30ean da hitzordua.
Udal gobernuak ostalaritzako terrazen gaineko ordenantza-proiektu berri bat onartu du. Proiektu horrek aurreikusi dituen berrikuntzetako bat da aire zabaleko terrazetan berogailuak debekatzea, gas bidezkoak zein elektrikoak izan. Alkateak esan duenez, erabakia hartu dute kutsadura eta, oro har, ingurumen-arrazoiak kontuan izanik. 15 urte pasatu dira Eguzkik debeku hori eskatu eta Udalak “aztertzen ari zela” erantzun zuenetik. Horrelako oinarrizko erabaki bat hartzeko 15 urte behar izan dituztela kontuan izanik, trantsizio energetikoak milaka urte iraun dezake.
Donostiako portua garbitzeko erabilitako produktuak auzitan jartzen dituen bideo bat badabil azkenaldion sare sozialetan, eta dagoneko milaka ikustaldi lortu ditu.
Etzandarri Mendi Taldeak, “instituzioen eta alderdi politikoen jarduerarik ezaren eta nagikerien aurrean”, Lemoizko itsaslabarrak eta, oro har, zentral nuklearraren inguruko lursailak babesteko landu duen proposamena eguneratu eta berriz zabaltzeko momentua iritsi dela erabaki du. Izan ere, “naturgune aparta hori berrezkuratzea premiazkoa da eta ekiteko ordua da”, diote.
Ibáñez de Mataucoren erakusketaren (eta Ixone Sadabak Alongedian paratu duenaren) berri idatzi honetan hemen genuen:
Esparru akademikoko hainbat irakasle eta ikertzailek “Armagintza industria ez da bide(zko)a” manifestua sinatu dute, neurri batean orain dela bost bat urte “Euskal Herria PostCovid-19” sinatu zuten ildo beretsutik. Besteak beste, zera diote: “Gerrarako industriaren alde egitea ez da aukera bat, arrazoi etiko, ingurumeneko, ekonomiko eta sozial ugarirengatik ez da. Euskal Herriko ekonomia armagintza sektorean oinarritzea eskandalagarria da”.
