All posts by Andoain

Berriro ere isurketa ikusgarria Mundakan

albisteak
Leave a comment

Mundaka isurketa 20190 iraila 2Eguzkik berriro ere isurketa ikusgarri bat salatu du Mundakan. Argazkia atzokoa da, baina isurketa ostiralean hasi zen.

Isurketa itsasora iritsi zen Lamiarango araztegiarekin aspalditik lotuta egon beharko lukeen kolektore batetik eta are larriagoa dena, araztegia poligono honen ondoan egonik.

Izan ere, otsailean Eguzkik salatu zuen kolektore horren egoera:

http://eguzki.org/2019/02/07/isurketak-gehiagorik-ez-mundakako-lamiaranean/

Apirilean, berriz, arrain-irinak ekoizten dituen Barna enpresak oso isurketa ikusgarria egin zuen:

http://eguzki.org/2019/04/15/noiz-arte-barnaren-ur-zikinak/

Eguzkik eskatzen die instituzioei isurketa berri honen erantzuleak aurkitzeko eta behar bezala zigortzeko. Baina batez ere eskatzen die neurriak hartzeko horrelako isurketa gehiago gerta ez daitezen.

ISURI GEHIAGO

Egia esan, joan den astean isurketa ugari gertatu zen.

Atzo, Donostian, Añorgako erreka apar ikusgarriz estalita agertu zen:

http://eguzki.org/2019/09/29/oso-isurketa-ikusgarria-anorgako-errekan/

Asteartean, berriz, Txingurriko errekatik behera jaitsi zen isurketa zurixka batek tindatu zituen Pasaiako badiako urak:

http://eguzki.org/2019/09/25/txingurri-errekako-saneamenduak-osatu-gabe-jarraitzen-duela-agerian-utzi-du-isurketa-batek/

Joan den asteburuan, Eguzkik Ondarroan gertatutako bi isurketaren berri izan zuen:

http://eguzki.org/2019/09/21/ondarroan-bi-isuri-kutsatzaile-berri-salatu-ditu-eguzkik/

Noiz arte?

EGUZKI, 2019ko irailaren 30ean

Amiamoko bat hilda agertu da Anoetan, goi-tentsio kableen kontra talka egitearen ondorioz.

albisteak
Leave a comment

Amiamoko edo zikoina bat (Ciconia ciconia) hilda agertu zen larunbatean Anoetako (Gipuzkoa) Ergoien auzoan, zantzu guztien arabera goi-tentsio kablediaren kontra talka egin ostean. Ale hau, bezperan (ostiralean) igaro zen 50 bat zikoinek osatzen zuten taldeko partaidea litzateke.

Anoetakoa, amiamoko ale der bat, hegoen arteko neurioa bi metrotik gorakoa zuena.

Anoetakoa, amiamokoa ale eder bat, hegoen arteko neurioa bi metrotik gorakoa zuena.

Amiamokoa anilatua zegoenez, anilatze bulegotik jakin ahal izan dugu Frantzia iparraldean, Somme departamentuko kostaldean zuela jatorria eta 2005ean anilatutako arra.

Istripu berri honek, agerian uzteen du, beste behin ere, goi-tentsioko kableek hegaztiengan eragiten duten triskantza. Izan ere, estatuan urtean 33.000 eta 337.000 hegazti artean hiltzen dira goi-tentsio kableen eraginez ( talkak eta deskarga elektrikoak batuta), iturri ezberdinen arabera. Kopuruan desoreka, kontrol ezaren ondorio da, edonola ere Ingurumen Ministerioak onartzen du 33.000 ko kopurua motz geratzen dela.

Hegaztia Frantzi iparraldean anilatua zegoen.

Hegaztia Frantzi iparraldean, Somme departamentuko  kostaldeko herri txiki batean anilatua zegoen.

Horregatik, informazio hau fiskaltzaren eskuan jarri dugu eta hala irizten badugu salaketa ere jarriko dugu.

Hitzarmena berandu eta eskasa.

Egoera hau, goi tentsio sareen jabe diren  enpresa elektrikoek orain arte gai honetan ia ezer egin ez dutelako sortu da. Gure kasuan, egun Iberdrolak hitzarmen bat sinatua du Eusko Jaurlaritzarerkin, kable sareak egokitzen joateko baina hitzarmen horren abiadan, ez dugu lortuko EAEn egokitu behar den sarea 28 urte baina lehen osatzea, horregatik diogu berandu datorrela eta eskasa dela. Balorazioa zehatzagoa hemen http://eguzki.org/2019/01/09/goi-tentsioko-lineetan-hildako-hegazti-kopurua-gutxitzeko-iberdrolak-eta-jaurlaritzak-izenpetu-duten-hitzarmena-oso-atzeratuta-dator-eta-eskasegia-da/

Baina ez da ekologiston kezka bakarrik. Estatuko Ingurumen eta Hirigintzak  Salako Fiskalak estatuko autonomi erkidegoei belarritik tira berri die gai honetan agertzen duten geldotasunagatik, gaia ikertu ondoren “kasu zehatz batzuk salbu, dagokion administrazioak ez ditu diziplina-prozedurak martxan jartzen, hegaztia naiz animaliak goi-tentsio lineatan talka edo deskarga elektrikoen ondorioz hiltzen direnean legearekiko ardurarik ba ote dagoen jakiteko”.

Bien bitartean, EAEko administrazio ezberdinei  (Eusko Jaurlaritza eta Aldundiak) gai honetan interes gehiago eta beharrezko bitartekoak jartzea eskatzen diegu eta Iberdrolari aldiz,  diru gehiago jartzea gai hau onbideratzeko. Herritarrei berriz,  ezagutzen dituzten kasuen  berri ematea eskatzen diegu bai 112ra deituz edo/eta nahiago badute Eguzkiri deituz (688662532). Guk ezagutzen ditugun kasuak fiskaltzari ezagutzera ematen eta publikoki salatzen jarraituko dugu.

Eguzki Talde Ekologista eta Antinuklearra, 2019ko irailaren 26an.

Zaldunbordan erreka ondoko landaretza guztia desagerrarazi dutela salatu du Eguzkik

albisteak
Leave a comment

Zaldunborda Zokueta 3

Eguzkik salatu du Zaldunbordan, Hondarribian, Zokueta errekaren ertzeko landaretza guztia desagerrarazi dutela, zehatz-mehatz, Desguaces Vidaurretatik gertu dagoen tarte batean.

Paradoxa bada ere, txikizioa egin duten lekuan, kartel batean, honako hau irakur daiteke: “Berreskuratze lanak ibaiertzeko ezpondan”. Alabaina, atxikita bidaltzen dugun argazkian argiro ikus daitekeenez, ezponda hori zeharo babesgabe gelditu da higaduraren aurrean.

Gauzak horrela, Eguzkik Ura agentziari galdetu dio ea landaretza hori desagerrarazteko baimenik ote zegoen eta, baiezkoan, ea lanak behar bezala egin ote diren.

Halaber, Eguzkik Urari erreka honekin zerikusia duten beste hainbat konturi buruzko informazioa ere eskatu dio. Kontu horiek honako hauek dira: zabortegi zaharreko analitikak, babes hidraulikoaren eremuan pilatutako hondakin industrial berriak eta kamioi-aparkaleku batek baimenik gabe ukitu zuen erreka-zati bat leheneratzea.

Eguzki, 2019ko abuztuan

Eguzkizaleak Konpartsa Bilboko Aste Nagusi jasangarriagoaren aldeko apustua eginez.

albisteak
Leave a comment

 eguzkizaleak 2014

2019ko Aste Nagusia hastear dagoela, Eguzkizaleak Konpartsak apustua egin nahi du Aste Nagusi jasangarriagoa eta inguruan dugun fauna eta floraren biodibertsitatearekiko begirunetsuagoa izateko.

Garrantzitsua da jai herrikoi, parte-hartzaile, feminista eta euskaldun batzuetaz gozatzea, baina ezinbestekoa da jaia ospatzen dugun esparrua errespetatzea. Bitxia da nola erakunde desberdinei mundu jasangarriago baten aldeko adierazpen eta kanpainekin ahoa betetzen zaien, baina, ostera, errealitatean ez dira gai ekimen txikien bitartez gure espazio gertuetan aritzeko

Orain arte gure jokaera ildo beretik abiatu dugu: kilometro zeroko produktuak eta artisauak erabiltzea, txosnan sorturiko hondakinak banatzea, ur kañeroa edukitzea sareko ura erabiltzeko… Baina aurten, Aste Nagusi jasangarriago bat lortzeko nahiarekin aurrerapausoak eman ditugu eta pare bat ideia botatzen ditugu:

Egun askoz material gutxiago erabiltzen da txosnaren muntaketan eta erabiltzen direnetariko asko, birziklatuak dira.

Egun askoz material gutxiago erabiltzen da txosnaren muntaketan eta erabiltzen direnetariko asko, berrerabiliak edo/eta birziklatuak dira.

Jaien programen inprimaketa kopurua mugatzea:
Eguzkizaleetik proposatzen dugu banaketa orekatuago, neurtuago bat egitea, ehunka programen inpresioa ekidinez. Teknologia berrien erabilerarekin asko dira paperezko programa erabiltzen ez dutenak, eta horrexegatik gomendagarria izango litzateke hauen inpresioa murriztea, guztiz gutxitu barik; izan ere, paperezko sistema erabiltzen duten biztanleriaren kopuru txiki bat existitzen baita.

Plastikoaren erabilpena murriztea:
Bestalde, plastikoaren murriztapen bortitz baten alde egiten dugu apustua, eta era berean jai esparru osoan. Horregatik aurten, aurrerapauso txiki bat bezala, goizeko terraza kartoizkoa izango da, berrerabilitako kartoizko aulki eta mahaiekin. Gure ahalegina urtez urte berrerabiliak eta kutsakorrak ez diren materialak erabiltzea da. Gai izango ote gara urte batzuetan lehen txosna jasangarria izatea?

Etxebarria parkeko ekosistema errespetatzea:
Azkenik, azpimarratu nahiko genuke Bilbo gune berde gutxi dituela, eta behin baino gehiagotan salatu dugun moduan, Udaletxeak zein Diputazioak ez dituzte babesten. Honen adibide argia Bolintxuren suntsiketa Supersurra handitzeko asmoz. Baina badugu Aste Nagusian erabiltzen den gune berdea planteamendu berri bat merezi duena, erabiltzen jarraitu dezakeguna bere ekosistema errespetatzen dugun bitartean: Etxebarriako parkea hain zuzen ere.

EguzkizaleakKamikoLogoak

Gaur egun parke horretan bizi diren espezie desberdinak daude (zenbait zuhaitz, hegaztiak, narrastiak, anfibioak… animalia horietako batzuk atzerakada eta desagertzeko arriskuan daude), eta ukaezina da barrakak zein su artifizialak haien habitat naturala aztoratzen dutela. Gaur egun barraka tradizionalak bezain dibertigarri eta ikusgarriak diren barraka eredu berriak eta atrakzio jasangarriak existitzen dira, parkeko ingurugiro biologikoarekin hain kaltegarriak ez direnak.

Interesgarria izango litzateke barraken eta su artifizialen ingurumen-inpaktu txosten bat egitea.

Hauek dira erraz egiteko ideia xume batzuk, eta berehalako ondorioak izango lituzkeenak.
Eguzkizaleak Konpartsatik, bai Aste Nagusian zein urte osoan zehar, ahotsa emateko prest gaude ekimen hauei edo beste batzuei.

Euskadiko Klima Larrialdiaren Aldeko Aliantza Lehendakariaren deklarazioaren harira

albisteak
Leave a comment
Baita zenbait Udaletan aurkeztutako mozioen emaitzez ere.

Hona bere osotasunean plazaratutako prentsa oharra:

Prentsaurrekoaren une bat

Klima larrialdiaren Aldeko Aliantzako ordezkariak prenytsaurrekoan

Euskadiko Klima Larrialdiaren Aldeko Aliantza osatzen dugun mugimendu ezberdinek uste dugu, Lehendakariak egindako Klima Larrialdiaren deklarazioa ez dela nahikoa bizi dugun egoera larriaren onarpen pausu bat izan arren. Izan ere azaldutako helburuak ez datoz bat komunitate zientifikoaren gomendioekin.

Karbono isuri zero netoak 2040rako lortu beharko ziren ipar globaleko lurraldeetan, historikoki isuri gehien sortu ditugunetan, zientzialarien arabera, baina Eusko Jaurlaritzak helburu hau 2050era arte luzatu du, epe luzeegia tenperaturaren igoera 1,5º C azpitik mantentzeko (klima aldaketaren ondorio larrienak jasan behar ez izateko atzera buelta gabeko puntua).

 Klima Larrialdiaren Aldeko Aliantza osatzen dugun kolektiboek uste dugu Euskadiko Gobernuak anbizio gehiago behar duela eta bere deklarazioa neurri zehatzek lagunduta joan behar duela, asmo deklarazio utsal bat bihurtu ez dadin. Honez gain instituzio ezberdinen artean koherenteak eta koordinatuak izanen politikak eskatzen ditugu.

Lehen ere behin baino gehaigotan bat egin dugu mobilizaziioekin.

Lehen ere behin baino gehaigotan bat egin dugu mobilizaziioekin.

Honekin bat azken urteetan aurrera eraman dituen politiketan aldaketa erradikal bat egin beharko luke, hauek aldaketa klimatikoa eragiten dutelako eta beraz egindako deklarazioaren aurkakoak. Aldatu beharreko en artean hauek daude besteak beste: Super-Surraren anpliazioa eta ordain sarietako tarifa lauak, ibilgailu pribatuen erabilera sustatzen dutenak eta Bilboko azkenetako gune naturaletako bat suntsituko duena, hala gasa erauzteko eta erabiltzeko planak nola Sociedad de Hidrocarburos de Euskadi S.A. SHESAn egiten diren inbertsioak, edo Renove planean gas naturala nahiz gas natural likidotua ibilgailuetarako erregai gisa erabiltzeko egitasmoak, Zabalgarbiko eta laster martxan jarriko den Zubietako erraustegiak, hondakin toxikoak tonaka sortu eta Negutegi Efektuko gasen iturri garrantzitsuak direnak, edota azken urteotako basoen kudeaketa, zeinak gure zuhaitzen %60aren heriotza eragin duten, eta fumigazio masiboen mehatxua ekarri duen gutxi batzuen mesede ekonomikorako. Hortaz gain, gure lurraldean Coke planta dugu, Petronor enpresak ingurugiroarentzako eta giza osasunerako arazo handiak sortzeaz gain, estatuko CO2 iturri nagusienetakoa dena. Horregatik gure ordezkari instituzionalei eredu energetikoaren aldaketa baten alde apustu egiteko eskatzen diegu zeinetan horrelako azpiegiturek ez duten lekurik izanen.

Erakunde ekologista zein herri mugimendu ugarik osatzen dugu Klima Larrialdiaren Aldeko Aliantza Euskadin. Gure helburua klima larrialdia administrazio publiko guztietan deklaratzea da, honela bizi dugun krisi egoerari aurre egin ahal izateko. Honetarako hainbat udalerri bizkaitarretan mozioak aurkeztu ditugu Klima larrialdia deklaratu, benetako konpromiso errealak hartu eta beharrezko neurriak martxan jartzea aldaketa klimatikoaren eragin okerrenak murriztu ahal izateko maila lokaletik.

Batzuklarrialdi klimatikoaren garrantzi eta arriskuen aldarri egiten dugun bitartean...

Batzuklarrialdi klimatikoaren garrantzi eta arriskuen aldarri egiten dugun bitartean…

Lehendakariak larrialdi egoera deklaratu baino aste bat lehenago, Bizkaiko hainbat herrietan (Berango eta Sopela), alderi politiko berdina buru zela (PNV, PSOE eta DB-TUren laguntzarekin) aliantzak aurkeztutako klima larrialdiari buruzko mozioak atzera bota zituzten alarmistegia izateko aitzakiarekin. Honek adierazi lezake administrazio eta alderdi politikoen konpromisoa bizi dugun egoeraren aurrean ez dela nahikoa sendo eta anbizioduna, eta inkoherentzia hau azaltzen zaila izan daiteke herri horietako herritarren aurrean.

Hala ere, Aliantzatik pentsatu nahi dugu Lehendakariaren deklarazioa Eusko Jaurlaritzaren norabide aldaketa baten ondorio dela, azkenean bizi dugun egoera benetan larria denaz ohartu direlako eta horrenbestez, honek administrazioaren politiketan aldaketa bat ekarriko duela.

Beste batzuek bere poltikak edo/eta jarduerak pasatzen duten denbora eta xahutzen dute denon dirua.

… beste batzuek bere poltikak edo/eta jarduerak pasatzen duten denbora eta xahutzen dute denon dirua.

Izan ere, bizi dugun egoerak modu urgentean neurriak hartzea eskatzen du, asmo oneko deklarazioak dagoeneko ez dira aski bakarrik 11 urte baititugu egoerari buelta emateko. NBE-ak berak ere,  Hirietako etorkizun hobe baterako Programan (Programa para un Mejor Futuro Urbano (ONU-Habitat)) adierazten du “Hiriek, autoritate lokalekin batera, aldaketa klimatikoaren eragileak murrizteko potentziala daukatela baita honen eraginetatik babesteko aukera ere”. Horregatik, aliantzatik Euskadiko Gobernuari eskatzen diogu Aldaketa klimatikoaren eta energiaren euskal Estrategiak berrikusteko hauen helburuak zientzialarien gomendioei doitu ahal izateko eta neurri zehatzez beteriko bide horri bat markatzeko helburu horiek bete ahal izateko. Beste neurrien artean, arestian aipatutako Euskadiko ingurugiro arazo nagusienei irtenbidea eman beharko zien, hauek ingurugiroarentzat, Euskadiko hiritarren osasunarentzat eta planetarentzat mehatxu larri bat direlako.

Azkenik aliantza hau apartidista dela azaldu nahi dugu eta bere helburua administrazioek gaur eguneko krisiaren aurrean paper garrantzitsu bat jokatzen hasi daitezen da konpromiso errealak hartuz. Hala ere, azken hilabeteetan frogatu ahal izan dugu administrazio guztiak ez daudela prest eta ez diotela herritarrei adierazten uzten. Gogorarazi nahi dugu justizia, demokrazia eta gardentasuna oinarrizko zutabeak izan behar dutela aldaketa klimatikoaren aurkako borrokan eta administrazio eta alderdi politikoek ezin dutela ahaztu herritarrek jokatzen dugu oinarrizko papera.

Honengatik alderdi politiko guztiei, gobernuan egon edo ez, beraien babesa eskatzen diegu, zatiketarik sortu gabe, indarrak batuz, elkarlan eginez eta batez ere mugimenduak edota beraien lana bereganatu gabe, borroka honek bizitzari, gure seme alabei eta azken finean denoi eragiten digulako.

Ez da gure borroka, guztion borroka da, gure biziraupena kinka larrian dago gure anbizio ekonomikoa dela eta. Gazteak dira aurreranza pauso bat eman dutenak instituzio guztiei aurrea hartuz.

Prentsa agerraldia hau instituzioenganako laguntzarako aldarri bat da, ez ditugu portadak nahi, ekintza errealak baizik.

Lehendakariaren deklarazioak ez gaitu geldituko, horregatik administrazio ezberdinetan mozioak aurkezten jarraituko dugu (Udaletxeetan, Batzar nagusietan…). Jada Bizkaiako Batzar Nagusietan, Bilboko Udaetxean, Sopela, Berango, Elorrio, Barakaldo, Zaldibar, Berriz, Durango eta Abadiñoko Udaletxeetan mozioak aurkeztu ditugu hauek onartuak izateko helburuarekin, eta denak batera mundu jasangarriago baten alde lanean hasi gaitezen.

 Klima Larrialdiaren aldeko Aliantza osatzen dugu / Alianza por la Emergencia Climática la conformamos:
1. 15M León
2. 2020 Rebelión por el Clima
3. 350 Barcelona
4. Acción Clima (Pamplona-Iruñea)
5. ACDESA-PV
6. ADEGA ( Asociación para a Defensa Ecolóxica de Galiza)
7. Amigos de la Tierra
8. Animavida, asociación protectora de animales y medio ambiente
9. As.Vecinos Barrio Orriols-Rascanya
10. Asociación Cultural Vacaciones en Siberia
11. Asociación de Moda Sostenible de España
12. Asociación Despierta
13. Asociación Ecología y Educación para un Ciudad Sostenible – Transitando
14. Asociación Economías BioRegionales
15. Asociación Enteroambiente
16. Asociación Kunterbunt kluges Design
17. Asociación protectora de animales Sacrificio Cero León
18. Asociación Valenciana de Ingeniería Sin Fronteras
19. Assamblea de dones d’Alaquàs
20. Associació Godella Natura
21. B2Fabric
22. Batïq, cooperativa de arquitectura, urbanismo y diseño
23. Biziz Bizi Asociación de Ciclistas Urban@s de Bilbao
24. Butroi Bizirik
25. Cádiz por el Clima
26. CGT
27. CGT-MCLMEX
28. Climate Reality Project
29. Comisión 0’7% PIB de Daimiel
30. Confederación de Consumidores y Usuarios (CECU)
31. Confederación Intersindical
32. Contra el Diluvio
33. Cooperativa Lluriga
34. Democràcia en Verd
35. Ecologistas en Acción
36. Ecologistas en Acción La Rioja
37. Ecooo
38. Ecopolítica
39. Educación Ambiental – EA26
40. Eguzki
41. Ekologistak Martxan
42. EkoOn
43. Entrepueblos
44. Euskal Gune Ekosozialista
45. Extinction Rebellion Spain
46. Fashion Revolution España
47. Federación Regional de Asociaciones Vecinales de Madrid /FRAVM)
48. Federación STECYL-i
49. Fent Camí
50. Foro Transiciones
51. Fridays for Future
52. Fundación Hugo Zárate para el desarrollo del Movimiento Ciudadano
53. Fundación Lurgaia Fundazioa
54. Fundación Vida Sostenible
55. FUNDEM-FUNDACIÓN ENRIQUE MONTOLIU
56. Greenpeace
57. Gueñes BIZIA plataforma
58. Gure energia
59. IES Las Américas (Parla)
60. InspirAction
61. Interkonexio Elektrikorik Ez
62. Intersindical Región Murciana
63. Intersindical Valenciana
64. La Ecoaldea UCM
65. La Textilería (colectivo de moda sostenible)
66. La Transicionera (Sevilla)
67. Los Verdes
68. Madres por el clima
69. Meatzaldea Bizirik
70. Movimiento de Mujeres Democráticas de Buñol.
71. Mujeres con Energía
72. Mundubat
73. Nasti de Plastic Bizkaia
74. Observatorio de Ecología Política de ATTAC
75. Observatorio de la Sostenibilidad
76. ONGAWA
77. Ongi etorri errefuxiatuak
78. Organización de Mujeres CI
79. Permacultura Huerta-Jardín del Boticario
80. Plataforma por un Nuevo Modelo Energético
81. Plataforma Salvemos los Árboles de Bailén y el Parque Central
82. Plataforma Tanquem Cofrents
83. Red de Mujeres por una Transición Energética Ecofeminista
84. Red Ecofeminista
85. Red Ibérica de Ecoaldeas
86. Revo Prosperidad Sostenible
87. S.C.A. Molino de Guadalmesí
88. Sagarrak
89. Semilla Monte Alegre
90. SEO BirdLife
91. SICOM – Solidaritat i Comunicació.
92. SLOW FASHION NEXT
93. Som Sindicalistes Balears
94. Stei Intersindical
95. Sustenta
96. Teachers for Future Spain /Profes por el Futuro
97. TRADENER
98. Unión Sindical Obrera (USO)
99. València Saludable
100. WWF
101. Xenergia. Mujeres con Energía
102. Xúquer Viu

Bilboko Aste Nagusia Eguzkizaleak Konpartsarekin

albisteak
Leave a comment

BADATOR,BADATOR… ASTE NAGUSIA 2019!!

EguzkizaleakKamikoLogoak
          Urtero bezala zuengana jotzen dugu laguntza eske, urtean zehar burutzen ditugun kanpainak, ekimenak, lanak, etab. aurrera eramateko EGUZKIZALEAK KONPARTSAN behar zaituztegu.

Gobernuak, hainbat enpresa handiren esanetara daude, eta elkarlanean diseinatu duten garapen “jasangarriak” gune naturalen galera sorrarazi du. Gure herriak eta bere baitan dauden baliabide naturalak zenbait egitasmo suntsitzaileren (Super Sur, Hegoaldeko Tren Saihesbidea, Zabalgarbi, AHT-a, etab.) ondorioz arriskuan daude, hauek babesteko neurriak eskasak direlako. Honi gehitu behar zaio Larrialdi Klimatikoa, gure planetan bere osotasunean eragina daukan eta inpaktu zuzena eta zeharkakoa dauka bertan bizi garen bizidun guztiongan. Politika suntsitzaile hau gelditzeko zuen laguntza eskatzen dizuegu.

 

ASTE NAGUSIAN ERE AMA LURRAREN ALDE!!!

Hire lagunak bildu eta hator txanda bat egitera!

Idatzi edo deitu 688662532ra.

Aste Nagusia 2019

Asteazkena 21

2:00-8:00

Osteguna 22

20:00-2:00

Ostirala 23

20:00-2:00

Larunbara 24

8:00-14:00


*

Getxoko paella eguna; ingurumenaren suntsiketa berria abian “Bronx”en

albisteak
Leave a comment
Este es el estado en el que queda la zona en cuestión

Honela geratzen da Bronx inguru hori, gerra gune bat dirudi.

Beste behin ere, Getxoko paella lehiaketaren harira salaketa publikoa egin beharrean gaude, urtean joan eta urteak etorri gauzak ez baitira ezer aldatzen “Bronx”eko ingurunean, hau da, izugarrizko triskantza egiten dute egun horretan  Udalaren zeharkako babesarekin heri lurrak ez direnaren aitzakitan. Paradoxikoa bada ere, Udalak berak ingurune hori babesteko konpromezua hartua du bere antolaketa planetan.

Hona oharra:

GETXOKO PAELLAK ETA INGURUMEN SUNTSIKETA BERRIA BRONXEN

Getxoko Auzokideok, Eguzki eta Ekologistak Martxan taldeok, paelle egunean, Bronx bezala ezaguna den gune ez ofizialean urtez urte errepikatu ohi diren ingurumen kalteen salaketa berretsi nahi dugu.

Izan ere urtero gauza bera gertatzen da: lubaki txikiak irekitzen dira, zuloak egin, porlana erabili ( balizko lehengoratzea zailduz), dauden zuhaitz urriak (nagusiki pinuak) kaltetu eta eremu guztia zabor eta zikinkeriaz beteta geratzen da, ingurune naturalarekiko errespetu eta zaintza zantzu txikienarik ere agertu gabe.

Ez gara arazoa handitzen ari, baina badaezpada ikusi bideo hau:

Jaiak bai aixerrota ere bai 4

Han gertatzen denaren eta gerta daitekenaren arduradun egiten dugu Getxoko Udala, instituzio eskumendun eta arduraduna izanik,  ezin baitu bere betebeharra saihestu.

Era berean, txoko natural honek merezi duen zaintza eta errespetuarekiko kontzientzia hartzera dei egiten diogu bertan parte hartzen dutenei. Jai herrikoi hauetan porlanaren erabilera ekiditeko, baita lurrean naiz zuhaitzetako kalteak ere, hala nola “baso” gunea festa eremutik kanpo uzteko exigitzen diogu Getxoko Udalari.

Nabarmenak dira erabilera jarraituak zuhaitz naiz zuhaixketan baita lurzoruaren ere urtez urte eragiten ari diren kalteak, zeinak kezka eta haserrea eragiten digun.

...y se acaban pudriendo.

Aurreko urtetako erasoen ondorioz, enborra usteltzen.

Ingurune naturalak urriak diren gurea bezalako udalerri batean halako gune batek are garrantzi gehiago hartzen du. Bertan pinu talde txikiak, kostaldeko bizilekuetako zuhaixka naiz landare belarkarekin batera zenbait hegazti eta ugaztun espezie interesgarri topa ditzakegu, non kaltea eragiten zaien urtxintxa, usapala eta pagausoa bezalako espezieen kumatze garaiari.

Ez gara aspertuko jai herrikoi hauen iraupena, berau ospatzen den txoko natural horrekiko errespetuan oinarritu behar dela.

GETXOKO AUZOKIDEOK

EGUZKI

EKOLOGISTAK MARTXAN

Zerekin ari dira fumigatzen pinudiak?

albisteak
Leave a comment

Pinudiak fumigatzen 2019EFE agentziak uztailaren 5ean prentsari zabaldutako berri baten arabera, Baskegurreko (Euskadiko egurraren elkartea) zuzendariak adierazi berri du banda marroiaren eta gorriaren kontra oxido kuprosoa baliatuz egiten ari diren tratamenduak arrakastatsua izateko itxura daukala.


Berri honek hasiera batean pozgarria dirudi, baina argi gorri guztiak piztu  dizkigu. Izan ere, berrian hau jasotzen da, hitzez hitz: “Azkaratek azaldu du oxido kuprosoarekin tratamendu gutxi egiten ari direla, baimendutako hektarea-kopuruak eta tratamendua aplikatzeko baldintzak muga direlako —lurretik eta herrigune zein ur ibilguetatik 100 metrora—, eta eguraldia kontuan hartu behar delako, “euririk ari ez duenean eta haize gutxi dabilenean egin behar delako tratamendua, oxidoa ez dezan urak eraman”. Horraino ezaguna da istorioa, baina berrian hainbat esaldi aurrerago hau aipatzen da: “kuprosoaz gain, basozaleak onddoaren kontrako beste hainbat produkturekin ari dira probak egiten, hala nola olio esentzialekin, landare-estraktuekin eta ongarriekin zuhaitzak indartzeko”. Hau berria da, gaurdaino ez sektoreak ez administrazioak ez dutelako aipatu ere egin oxido kuprosoaz gain beste inolako produkturik erabiliko zenik diru publikoarekin ordaintzekoa den estrategia horretan.


Esperimentaziorako erabiliko dituzten lursailak Neiker-en begiradapean daude eta espero dugu haiengandik zer eta nola egin duten jakitea; interesgarria izango da horrelako nahasturak erabilita oxido kuprosoaren benetako eragina zein izan den jakitea. Baina, eta jabego pribatuko lursailetan? Nor ari da hori guztia kontrolatzen? 

Izan ere, gure inguruan horrelako tratamendu bakanak egiteko behar diren baliabide tekniko eta materialak dituzten enpresak gutxi dira, eta jakin dugu enpresa horiek onddoen izurriteei aurre egiteko fungizida generiko eta sistemikoak (esaterako, metil-tiofanatoa) erabiltzen ari direla; hain zuzen ere, oxido kuprosoa baino askoz kaltegarriagoak ingurumenerako, eta beraz, gure osasunerako.

Hortik gure kezka: enpresa horiek jakinarazi al diete jabeei zerekin ari diren fumigatzen hairen pinudiak? Fumigazio-baimen horietan jasota al daude baliatzen ari diren produktuen eta horien dosien kantitateak? Nor ari da kontrolatzen enpresa horien lana? Ez ote gaude beste iruzur baten aurrean?

Gure administrazio publikoek eta sektorea ordezkatzen duen Baskegur elkarteak berak  behin eta berriro erakusten duten inprobisazioaren eta ezezagutzaren neurria ematen du “Konifero basoak berreskuratzeko euskal estrategia” deitutako pelikularen azken kapitulu honek. Bada, erantzunak entzuteko irrikitan gaude, gure eskubidea da.
 
NATURKON, 2019ko uztailaren 10ean

Honako hauek osatzen dugu Naturkon.

Honako hauek osatzen dugu Naturkon.

Gipuzkoako Aldundiak egurgintzaren ingurumen-inpaktuak diruz lagunduko ditu aurten ere.

albisteak
Leave a comment

Atera berri dira, urtero bezala, Gipuzkoako basoak zaindu, hobetu eta ugaritzeko 2019 urterako diru laguntzen oinarri arautzaileak. Aldundiak aipatzen duen bezala: “Gipuzkoako baso sektorea indartzeko dirulaguntza deialdia”. Baso-sektorea, ez egur-sektorea. Pinudien krisia oraindik begi bistan daukagula, egurgintza eta basogintza bereizi ezinik jarraitzen du Aldundiak, ez dute ezer ikasi. Are gehiago, baso naturalak (hariztiak, pagadiak, ameztiak, baso mistoak, artadiak, etab.), ia EAEko lurraldearen % 75etik desagertu diren garai hauetan.

Herri lurretan bide ekoizpenzalea baztertu eta baso natural bihurtzea da gure proposamenetako bat

Kontsarbazioa eta bioaniztasunaren hobetzea baino  landaketen ustiakuntza lehenesten du arauak beste behin ere.

Aldundiaren hitzetan, “banda marroia gaitzaz gain, Gipuzkoako basogintza sektoreak baditu beste zailtasun batzuk ere. Nagusiki: baso jabeen adin handia, errelebo zailtasunak, abandonoa eta baso sailen atomizazioa”. Horri aurre egiteko, aurtengo diru-laguntzetan hauxe sarituko da: eskatzaileek 55 urte baino gutxiago izatea, 0,25 UTA baino nekazal jarduera handiagoa izatea, eta baso-azalera gutxienez aurreko urtean baino 0,5 Ha gehitzea. Baso sailen transmisioak egiteko ere bideratuko dira diru-laguntzak, beti ere eskatzaileak 70 urte baino gehiago baditu eta 55 urte baino gutxiago dituenari transmititzen badizkio. Baserri mundua zahartzen/hiltzen ari denean, kaletarrak landa eremuari bizkar ematen ari direnean, pinu-landaketek basogintza-eredu honen ingurumen inpaktu jasan ezina erakutsi dutenean, hauxe da Aldundiaren estrategia basogintzak bizi duen krisi sozial eta ekologikoari aurre egiteko. Eta egurgintza hori aisialdiko jarduera bilakatu da.
Gaur egun baso askorentzat kezka iturri den banda marroiak jotako landaketa.

Gaur egun basojabe askorentzat kezka iturri den banda marroiak jotako landaketa.

Pistak (berriak barne) eta bestelako azpiegiturak edo baso “garbiketak” (matarrasak, bakanketak, entresakak, hobetze mozketak, …) egiteko, landaketa berriak zein makinaria eta bestelako inbertsioak diruz laguntzeko, orain arteko irizpide beretsuak baliatuko dira, diru-partidetan antzeko proportzioak mantenduz. Alegia, oraingoan ere, Gipuzkoako natur ondarearen zaintzaren ardura daukan Mendietako eta Natura Inguruneko Zuzendaritzak kudeatzen dituen diru-laguntza nagusienetan ingurumen-eraginak arbuiatuko dira (babestutako natur eremuetan basoen berreskurapena lehenetsi gabe eta basoak eta egur-landaketak maila berean jarrita). Eukaliptu- eta Intsigns-landaketak ez dira diruz lagunduko, baina ezta arautu edota debekatuko ere. Matarrasak eta makinaria astunen erabilera ere ez dira baldintzatuko. Lur-galerak eta lurzoruaren kalitatea ez dira diru-laguntza hauen kudeaketa irizpide nagusiak. Diru-publikoarekin kudeatzen den basogintza-politika egurraren sektorean interesetara bideratu da, beste behin, enpresen eta lurjabe handien mesedetan. Krisiak krisi, burua lehenagoko lepotik.

Iratiko basoa

Legealdia bukatzear dago jada, laster batean osatuko dira gobernu berriak Udaletan eta Aldundian. Naturaren zaintza eta ondare naturalaren kontserbazioa eta berreskurapena helburu ditugun gizarte eragileok ez genuke azken 4 urte hauetako amesgaiztoa berriro bizi nahi. Izan ere, EAJko Arantxa Ariztimuñorena izan da Gipuzkoako natur kontserbazioak eta ekologismoak izan duten garai ilunena, horren arduradun politiko petralik ez baitugu ezagutu egundo. Badira basogintza-politika interesatu eta jasan ezin hori iraultzeko moduak eta bideak. Naturaren kontserbazioan jakintza-arlo ugarietako adituak ditugu, hainbat mundu mailako erreferenteak. Eseri gaitezen mahai berean basoen berreskuratu nahi ditugunak eta egurgintzaren sektorean interesak dituztenak. Naturaren ustiapenaren eta kontserbazioaren arteko orekatik baino ezin da irudikatu garapen jasangarria; alegia, krisi ekologiko globalari eta klima aldaketari aurre egiteko garapen sozio-ekonomiko posible bakarra. Gipuzkoako Foru Aldundiko Mendietako eta Natura Inguruneko Zuzendaritza berria osatu bezain pronto hurbilduko gara ate joka.
Naturkon, Gipuzkoako Natur talde eta talde ekologistak
Naturkon-parataideen-anagramak-txikian