All posts by Donostia

PPren Gobernuak zezenketei buruzko galdeketa debekatu eta ezpata barru-barruraino sartu dio donostiarron erabakitze-eskubideari

CapturaZezenketen inguruko herri-galdeketa eragozteko, PPren Gobernuak, lehendabizi, errekurritu egin zuen Donostiako Udalak aho batez onartutako partehartze-araudia. Gero, Udalak baimena eskatu zuenean, Ministro Kontseilua luzamendutan ibili zen, galdeketa egiteko ezarritako data alferrikaldu zuen arte. Azkenik, faena biribildu eta zuzen-zuzenean debekatu egin du galdeketa. Beraz, ezpata barru-barruraino sartu dio donostiarron erabakitze-eskubideari.

Bagenekien PP eta bere Estatu-aparatuak ez direla herri-galdeketen zaleak. Are gutxiago, jakina, baldin eta jendearen iritzia haien interesen kontrakoa bada, kasu honetan aurreikus zitekeen bezala. “Hemen nik agintzen dut” hori oso sartuta dago PPren genoma politikoan. Baina oso sartuta dago ere zezenak plaza batean hil arte torturatzea. Hain sartuta, ezen haren kultura ereduaren paradigma gorena bihurtu duen. Gauzak horrela, ez da harritzekoa paradigma hori zalantzan jar dezakeen herri-galdeketarik nahi ez izatea, ez Donostian, ez Ciempozuelosen.

Alkateak, baita Foru Aldundiak ere, berehala salatu dute Ministro Kontseiluak udal autonomia (eta, oro har, autonomia) urratu duela. Erabakia autoritariotzat jo eta aurreratu dute aukerak aztertuko dituztela herritarrek gai honi buruz beren iritzia nola edo hala eman dezaten. PSE, berriz, desmarkatu egin da. Desmarkeak agerian uzten du alderdi horren izaera zentralista, baita Donostian duen eledunaren, Ernesto Gascoren, zezenketazaletasun sutsua ere.

Eguzkikoon iritziz, alkateak arrazoi du PPren erabakia salatu eta autoritariotzat jo duenean. Eta ondo iruditzen zaigu aukerak bilatzen jarraitzea. Baina aurkitzen dituen bitartean, Udalak zerbait egin behar duela uste dugu. Bestela, PPren inposizioa de facto onartuko du, hau da, Donostian oso ordezkapen txikia duen alderdi baten inposizioa. Izan ere, azken hauteskundeetan PPk hirian lortu zuen bozka kopurua Donostia Antitaurina Orain plataformak galdeketa sustatzeko bildu zituen 10.000 sinaduren azpitik egon zen.

Gauzak horrela, zera proposatzen dugu, donostiarrok gai honetaz bozkatzeko aukera izan arte, Udalak Illunbe zezenketak egiteko ez uztea.

Orain arte, honako hau protaurino eta antitaurinoen arteko kontua izan da. Hemendik aurrera, berriz, dagozkigun arazoei buruz herritarrok iritzia emateko dugun (edo ez dugun) eskubide-kontua ere bada.

Galdeketa eskatzeko, Donostia Antitaurina Orain plataformak 10.000 sinadura dildu zituen, PPkk azken hauteskundeetan hirian lortutako bozkak baino gehiago.

Galdeketa eskatzeko, Donostia Antitaurina Orain plataformak 10.000 sinadura dildu zituen, PPkk azken hauteskundeetan hirian lortutako bozkak baino gehiago.

 

Zuhaitzak landatu, lurra berreskuratu! AHTrik ez!

C5v8LqgWMAIBwF7Martxoak 19, igandearekin, Bergarako Angiozarren AHTren aurkako zuhaitz landaketa egiteko hitzordu bat dago. Dakizuenez, bertan euskal Y-aren korapiloa egin asmo dute baina zailtasun tekniko eta ekonomikoak tarteko, lanak atzeratzen ari dira.

AHT Gelditu! Elkarlanak Lurraren zein beste eredu sozialaren alde borrokatzen ari diren talde nahiz gizabanako guztiei parte hartzera gonbidapena luzatu die.

Hitzorduak:

-10:00. Labegaraieta polikiroldegia (Bergara).

-10:30. Angiozarko pilotalekua.

Aitzurrak eta katiuskak edo botak ekarri!

Bitartean, umore pixka bat:

https://youtu.be/RA3k8_Q9M54

NATURA GURE ARDURA/ AHTrik EZ

Txillardegiri buruzko hitzaldia, bideoan

Harrera ona izan zuen “Txillardegi, ekologista eta animaliazalea” hitzaldiak, Txillardegi hil zeneko 5. urteurrenaren testuinguruan Eguzkik Txillardegi Liburutegia herri ekimenarekin batera otsailaren 10ean antolatutakoak.

Ezker-eskuin, Markos Zapiain eta Martin Anso.

Ezker-eskuin, Markos Zapiain eta Martin Anso.

Eguzki taldeko kide Martin Ansok Txillardegik Donostiako ekologistekin eta animaliazaleekin izan zuen harremanari buruzko zertzelada batzuk eman zituen (ikus bideoa: https://youtu.be/1M8Jf2BqYfY

Markos Zapian idazleak, berriz, azaldu zuen nolako ideia filosofikoetan nahiz pasarte biografikoetan sustraituta dagoen Txillardegik liburu askotan erakutsi zuen animaliekiko begirune edo elkartasuna: https://youtu.be/ayi_uAoxYas 

Orangutanen uhartea

Markos Zapianek nabarmendu zuenez, Txillardegik bere lehen ipuinean bertan, Orangutanen uhartea izenburukoan, azaldu zuen lehen aldiz (1957an!) ondoren haren idatzietan behin baino gehiagotan islatu zuen kezka bat: gizakia zein puntutaraino bereizten den ziminoengandik eta, oro har, gainerako animaliengandik. Kezka haren ondorioz, bere liburuetan beti erakutsi zuen sufritzen ari ziren animaliekiko erruki nabarmena.

Hain justu, Txillardegi Liburutegia herri ekimenak eta Eguzkik Orangutanen uhartearen berrargitalpen bat egin dute, ipuin hura lehen aldiz publikatu zela 60 urte betetzen diren honetan. Pdf-a lotura honetatik deskargatu daiteke:

http://eguzki.org/2017/02/04/orangutanen-uhartea/

orangutanen

 

.

Metroaren kontrako manifestazio berria apirilaren 1ean, Satorralaiak antolatuta

Captura de pantalla 2017-02-22 a las 16.05.08Satorralaia bizilagunen mugimenduak dei egin die Donostiako talde sozial eta pertsona guztiei martxoan egingo dituen informazio eta salaketa ekintzen dinamikan parte har dezaten. Dinamika hau apirilaren 1ean burutuko da “METROAREN PASANTEARI EZ!” lemapean egingo den manifestazioarekin. Egitarauan, martxoaren 16an Lakuan Eusko Jaurlaritzaren aurrean egingo den kontzentrazioa. Gasteizera autobusez joan nahi dutenek dagoeneko izena eman dezakete.

Martxoak 1: Mobilizaziorako deia egiteko PRENTSAURREKOA Donostiako Udaletxearen aurrean, goizeko 11etan. Metro-pasantearen aferaren egungo egoerari buruzko irakurketa egingo da.

Martxoak 4etik 15era: DBUS-EN EKINTZA INFORMATIBOAK. Garraio publikoaren erabiltzaileei metroaren pasantearen proiektuak autobus zerbitzuetan aurrikusten dituen murrizketei buruz informatzea da helburua. Lehenengo ekintza informatiboa martxoak 4 larunbatean egingo da, Boulebarreko markesinetan 11’30etatik eguerdiko ordu 2etara. Ondorengo egunetan ekintza informatiboak egingo dira hiriko autobus geltoki desberdinetan. Ekimen honi amaiera emateko, martxoaren 15ean Dbus-eko langileen “KURPIL” elkartearen hitzaldi informatiboa egingo da, Lugaritzeko kultur etxean, 7etan.

Satorralaiakoek santomasetan egin zuten parodia baten irudia.

Satorralaiakoek santomasetan egin zuten parodia baten irudia.

Martxoak 16 ostegunean: LAKUARA AUTOBUSA. Gasteizen Jaurlaritzaren egoitzan metroaren pasantea gelditzea eskatzeko aldarrikapen kontzentrazioa egingo da. Bidaia dohainik izango da partaide guztientzat (Dbus-eko Kurpil langile elkartearen laguntzari esker). Autobusa goizeko 9etanabiatuko da Pio XII plazatik (ohiko autobus geltokitik), Lakuan elkarretaraztea 11etan egiteko. Itzulera: autobusa 12’30etan abiatuko da Gasteiztik, Donostiara eguerdiko 13’45ak aldera iristeko. Autobuserako izena emateko animatu nahi zaituztegu, gure helbidera Email bat bidaliz edota telefonoz deituz.

Martxoaren 21etik 25era AUZOETAN INFORMAZIO BANAKETA ASTEA. Laguntza eskatzen dugu informazio orriak auzo guztietan zabaltzeko. Martxorako erakusketa informativobat prest edukitzea espero dugu (10 panel), auzoz-auzo mugitzeko zuen esku egongo dena.

Martxoak 30 ostegunean: PRENTSAURREKOA Koldo Mitxelenan, 11etan. Manifestaziorako azken deialdia.

Apirilak 1 larunbata: MANIFESTAZIOA, eguerdiko 12etan Easo Plazatik abiatuta “METROAREN PASANTEARI EZ!” lemapean.

Harremanetarako telefonoak: 620714054 (gazteleraz)/695715510 (euskaraz).

Emaila: satorralaia@gmail.com

Satorralaiak antolatutako manifestazio jendetsuetako bat.

Satorralaiak antolatutako manifestazio jendetsuetako bat.

Lapurdin, urre-meategien kontra

CADE

CADE

“Ama Lurra gure altxorra da” lemapean, mila lagun inguru manifestatu ziren larunbatean Ezpeletan, urre-meategiak ustiatzearen kontra. Izan ere, Sudmine enpresak baimena eskatu dio Frantziako Ekonomia Ministerioari zundaketak egiteko urre bila, Lapurdiko 126 kilometro koadroko eremu zabal batean. Eremu horretan, Ainhoa, Kanbo, Ezpeleta, Haltsu, Itsasu, Jatsu, Larresoro, Senpere, Zuraide eta Uztaritze udalerrietako lur-sailak daude.

Proiektua alegazio-epean dago eta alarma piztu du laborarien, ekologisten, herrietako hautetsien eta, oro har, herritarren artean, garbi ikusten dutelako urre-meategiak ustiatuz gero eragina ingurunean zein bertako ekonomian berebizikoa izango dela. Atera kontuak: horrelako meategietan, hiruzpalau gramo urre lortzeko tona bat lur mugitu behar izaten da.

Informazio gehiago: http://www.cade-environnement.org/2017/02/12/mines-dor-tres-beau-succes-du-rassemblement/

CADE

CADE

Erraustegiaren kontrako manifestazio jendetsua, oraingoan Hondarribian

IMG-20170204-WA0029“Erraustegirik ez Txingudin ez Zubietan” lemapean, manifestazio jendetsua egin zen atzo Hondarribian. Txindudi erraustegi-proiektu baten mehatxupean egon zen, harik eta proiektu hura bertan behera geratu zen arte, besteak beste herri-mugimendu indartsua egon zelako. Atzoko manifestazioaren bidez, bertakoek adierazi nahi izan zuten eskualderako nahi ez zutena beste eskualdeetarako ere ez durela nahi. Bide batez, mezua Markel Olano ahaldun nagusiari “gerturatu” zioten. Izan ere, Olano Hondarribian bizi da. Manifestazioaren beste helburuetako bat Irungo eta Hondarribiko birziklatze-tasak oso apalak direla salatzea zen. Kontuan izan behar da %40ren bueltan daude, Goierrin, Tolosaldean edo Debagoienan ehuneko hori ia bikoizten den bitartean. Hona hemen manifestazioan ateratako hainbat irudi. Erraustegiaren kontrako hurrengo zita, otsailaren 19an, Donostian, 12:00etan, Artzai Onean.

IMG-20170204-WA0016 IMG-20170204-WA0014 IMG-20170204-WA0013

Nork erre du Oiduiko borda?

Oidui erretaLarunbat goizean Oiduiko borda bat guztiz kiskalita agertu da Aralearren. Borda hori Zaldibiako mendi elkarteak kudeatzen zuen eta irekita egoten zen jendeak erabiltzeko.

Inguruko artzainen txabolek, berriz, ez dute su hartu. Aralarko pisten afera dela eta, eta zaldibiarren iritzia zein den ikusita, sute honek susmo txarra sorrarazi du.

Eguzkitik zera eskatzen dugu: lehenbailehen argitu dadila zerk/nork sortu duen sute hau eta Diputazioak lagundu dezala GUZTIONTZAT  irekita zegoen borda hau berreraikitzen.

“Txillardegi, ekologista eta animaliazalea”, hitzaldia

IMG-20170131-WA0006 copiaTxillardegi hil zeneko 5. urteurrenaren testuinguruan, Txillardegi Liburutegia herri ekimenak eta Eguzkik “Txillardegi ekologista eta animaliazalea” izenburuko hitzaldia antolatu dute.

Otsailaren 10ean izango da, 18:30ean, Donostiako Liburutegiko ekitaldi-aretoan (sarrera San Jeronimo kaletik), eta bertan Txillardegi eta ziminoa liburuaren egile Markos Zapiainek eta Eguzkiko kide Martin Ansok hitz egingo dute.

Markos Zapianek azalduko du nolako ideia filosofikoetan nahiz pasarte biografikoetan sustraituta dagoen Txillardegik liburu askotan erakutsi zuen animaliekiko begirune edo elkartasuna. Idazle gisa, Zapiain saiakera alorrean nabarmendu da. Hitzaldiaren gaiari dagokionez, Txillardegi eta ziminoa argitaratu zuen 2007an.

Eguzki taldeko kide Martin Ansok, berriz, aurkezlearenak egingo ditu. Txillardegik Donostiako ekologistekin eta animaliazaleekin izan zuen harremanari buruzko zertzelada batzuk emango ditu.

Txillardegi pertsona polifazetikoa zen, baina hau ez da, ezta hurrik eman ere, haren fazetarik ezagunena. Hortaz, bakarren batentzat aurkikuntza interesgarria izango da, seguru.

Donostian bada herri-ekimen bat Udalak eman diezaion Txillardegiri zor zaion aitortza publikoa. Herri-ekimen honen helburua, Liburutegi Nagusiari Txillardegi izena ematea da. Eskaera berria ez bada ere, Txillardegiren 5. urteurrena gogoratzen ari garen honetan, azkartu egin da, eta horren bueltan hainbat ekitaldi antolatu dira. Testuinguru horretan kokatzen da “Txillardegi, ekologista eta animaliazalea” hitzaldia.

Txillardegi zezenketen kontrako manifestazio batean.

Txillardegi zezenketen kontrako manifestazio batean.

Orangutanen uhartea ipuina irakur dezakezu hemen sakatuta.

Foruzaingoak harategi bat eta bi jatetxe salatu ditu oilagorrak saltzeagatik

Captura de pantalla 2017-02-01 a las 16.56.07Foruzaingoaren Ingurumen Brigadak harategi bat eta bi jatetxe salatu ditu berezorei oilagorrak eskaintzen zizkietelako. Kontuan izan behar da hegazti hauen salerosketa espresuki debekatuta dagoela. Aldez aurretik, Eguzkik Foruzaingoari ohartarazi zion harategi eta jatetxe hauek oilagor-eskaintza Interneten bidez eta guzti egiten zutela. Esan gabe doa Eguzkik oso egoki ikusten duela Foruzaingoak kasu honetan egin duen esku-hartzea, oilagorren salerosketak, berez debekatuta egoteaz gainera, lotura estua izan ohi duelako espezie honi kalte handia egiten dion legez kanpoko ehizarekin.

Foruzaingoak salaketa hauek aprobetxatu ditu gogorazteko oilagorrak saltzea guztiz debekatuta dagoela. Nafarroako 2016-2017ko Ehiza Aginduak zehatz-mehaz honako hau dio: “Oilagorren salerosketa debekatuta dago”.

Baina debekua ez da berria, ezta hurrik eman ere, orain dela hogei urte baino gehiago ezarri baitzen. Izan ere, nahiz eta oilagorrak eskaintzen dituzten negozioak oraindik asko diren arren, ezkutuan egin ohi dute, kartatik kanpo, edo “neguko hegaztia” eta antzeko izenez mozorrotuta. Foruzaingoak orain salatutakoek, berriz, ageri-agerian egiten zuten, Interneten bidez eta guzti. Debekua aspaldikoa dela kontuan izanik, nekez argudiatuko dute horren berri ez zutela; beraz, pentsatzekoa da seguru sentitzen zirela eta ez zutela zigorrik espero.

Orain, Igurumen Departamentuak erabaki beharko du isuna ipintzen dien eta zenbateko.

Eguzki, 2017ko otsailean

P.S. Hona hemen Foruzaingoak kasu honi buruz argitaratutako oharra:

http://www.navarra.es/home_es/Actualidad/Sala+de+prensa/Noticias+de+seguridad+publica/2017/01/25/caza+de+becada.htm

Otsailak 4 eta 19, erraustegiaren kontrako hitzordu berriak

IMG-20170204-WA0029EAEko Epaitegi Gorenak atzera bota du GuraSOSek eginiko eskaera Zubietako erraustegiaren esleipen-prozesua behin-behinean eteteko, Legeak aurreikusitako partehartze-prozesua egin arte. Olanok eta Asensiok, Asensiok eta Olanok, berehala esan dute erabaki honek atzeraezin bihurtzen duela erraustegia (oraingoan bai, diote; izan ere, hauxe bera lehen ere hamaika aldiz esan dute). Ideia hau indartzeko, Asensio erretratatu da kontratua izenpetzen ari zela. Ehiztari zuriak pizti afrikarraren gainean hanka nola, hala jarri du Asensiok atzaparra paperaren gainean. Eszenifikazio hauen bitartez, erraustegiaren kontrako oposizioak amore eman dezan nahi dute. Jai dute, ordea, oposizioak BADAKIELAKO hemen oraindik partida badagoela.                                                                                            “Ez sinistu bide judiziala amaitu denik!”, ohartarazi du GuraSOSek. Izan ere, Epaitegiak ez du onartu prozesua behin-behinean eteteko eskaera, baina ez du gaiaren mamiaz erabaki. Beste gauza askoren artean, oraindik erabaki behar du inpaktu-deklarazioa indarrean dagoen ala ez.                                                                                                                Nolanahi ere, eta hori ere badaki oposizioak, auzi hau ez da epaitegietan erabakiko, ez epaitegietan soilik, behintzat. Horregatik mobilizazioak erabakigarriak dira. Hona hemen hurrengoak:

– Larunbat honetan, otsailak 4, Erraustegiaren kontrako Mugimenduak manifestazio bat antolatu du Hondarribian (Markel Olano bertan bizi da). 12:30ean abiatuko da Butroi pasealeku amaieratik.

– Otsailaren 19an, berriz, GuraSOSek manifestazio bat antolatu du Donostian. Artzai Onaren katedraletik abiatuko da 12:00etan.