Monthly Archives: agosto 2019

Eguzkizaleak Konpartsa Bilboko Aste Nagusi jasangarriagoaren aldeko apustua eginez.

albisteak
Leave a comment

 eguzkizaleak 2014

2019ko Aste Nagusia hastear dagoela, Eguzkizaleak Konpartsak apustua egin nahi du Aste Nagusi jasangarriagoa eta inguruan dugun fauna eta floraren biodibertsitatearekiko begirunetsuagoa izateko.

Garrantzitsua da jai herrikoi, parte-hartzaile, feminista eta euskaldun batzuetaz gozatzea, baina ezinbestekoa da jaia ospatzen dugun esparrua errespetatzea. Bitxia da nola erakunde desberdinei mundu jasangarriago baten aldeko adierazpen eta kanpainekin ahoa betetzen zaien, baina, ostera, errealitatean ez dira gai ekimen txikien bitartez gure espazio gertuetan aritzeko

Orain arte gure jokaera ildo beretik abiatu dugu: kilometro zeroko produktuak eta artisauak erabiltzea, txosnan sorturiko hondakinak banatzea, ur kañeroa edukitzea sareko ura erabiltzeko… Baina aurten, Aste Nagusi jasangarriago bat lortzeko nahiarekin aurrerapausoak eman ditugu eta pare bat ideia botatzen ditugu:

Egun askoz material gutxiago erabiltzen da txosnaren muntaketan eta erabiltzen direnetariko asko, birziklatuak dira.

Egun askoz material gutxiago erabiltzen da txosnaren muntaketan eta erabiltzen direnetariko asko, berrerabiliak edo/eta birziklatuak dira.

Jaien programen inprimaketa kopurua mugatzea:
Eguzkizaleetik proposatzen dugu banaketa orekatuago, neurtuago bat egitea, ehunka programen inpresioa ekidinez. Teknologia berrien erabilerarekin asko dira paperezko programa erabiltzen ez dutenak, eta horrexegatik gomendagarria izango litzateke hauen inpresioa murriztea, guztiz gutxitu barik; izan ere, paperezko sistema erabiltzen duten biztanleriaren kopuru txiki bat existitzen baita.

Plastikoaren erabilpena murriztea:
Bestalde, plastikoaren murriztapen bortitz baten alde egiten dugu apustua, eta era berean jai esparru osoan. Horregatik aurten, aurrerapauso txiki bat bezala, goizeko terraza kartoizkoa izango da, berrerabilitako kartoizko aulki eta mahaiekin. Gure ahalegina urtez urte berrerabiliak eta kutsakorrak ez diren materialak erabiltzea da. Gai izango ote gara urte batzuetan lehen txosna jasangarria izatea?

Etxebarria parkeko ekosistema errespetatzea:
Azkenik, azpimarratu nahiko genuke Bilbo gune berde gutxi dituela, eta behin baino gehiagotan salatu dugun moduan, Udaletxeak zein Diputazioak ez dituzte babesten. Honen adibide argia Bolintxuren suntsiketa Supersurra handitzeko asmoz. Baina badugu Aste Nagusian erabiltzen den gune berdea planteamendu berri bat merezi duena, erabiltzen jarraitu dezakeguna bere ekosistema errespetatzen dugun bitartean: Etxebarriako parkea hain zuzen ere.

EguzkizaleakKamikoLogoak

Gaur egun parke horretan bizi diren espezie desberdinak daude (zenbait zuhaitz, hegaztiak, narrastiak, anfibioak… animalia horietako batzuk atzerakada eta desagertzeko arriskuan daude), eta ukaezina da barrakak zein su artifizialak haien habitat naturala aztoratzen dutela. Gaur egun barraka tradizionalak bezain dibertigarri eta ikusgarriak diren barraka eredu berriak eta atrakzio jasangarriak existitzen dira, parkeko ingurugiro biologikoarekin hain kaltegarriak ez direnak.

Interesgarria izango litzateke barraken eta su artifizialen ingurumen-inpaktu txosten bat egitea.

Hauek dira erraz egiteko ideia xume batzuk, eta berehalako ondorioak izango lituzkeenak.
Eguzkizaleak Konpartsatik, bai Aste Nagusian zein urte osoan zehar, ahotsa emateko prest gaude ekimen hauei edo beste batzuei.

“Erraustegia = Klima aldaketa”: ostiralean, abuztuak 16, kalejira Donostiako Aste Nagusian

albisteak
Leave a comment

erraustegia_klima aldaketaErraustegiaren kontrako Mugimenduak kalejira egindo gu bihar Donostiako Aste Nagusian “Erraustegia = Klima aldaketa” lemapean. Eguzkikooi lema bikaina iruditzen zaigu. Izan ere, diskurtso globalak guztiz beharrezkoak dira, jakina, baina alferrikakoak baldin eta tokian toki aplikatzen ez badira.

Asensio, “greenwashing-aren Maradona”

Kalejirak hainbat politikoren hipokresia salatzeko ere balio izango du. Horra hor Gipuzkoako Ingurumen diputatu Jose Ignacio Asensio. Batetik, klima aldaketarekin kezkatuta balego bezala agertzen da, herri-mugimenduaren eslogan ezagun bat daraman elastiko batekin jantzita eta guzti. Bestetik, ordea, erraustegia sustatzen du, eta erraustegia, martxan jartzen bada, datozen urteetan berotegi efektuko gasen sortzaile nagusietako bat izango da Gipuzkoan.

Ez da harritzeko Asensio gero eta leku gehiagotan “Greenwashing-aren Maradona” bezala kontsideratzea. Izan ere, berdez mozorrotutako hipokresiaren txapelduna da.

Maradona-Asensio

Manifestazio antitaurinoa bart, Donostian

albisteak
Leave a comment

antitaurina1Donostia Antitaurina Orainek, Eguzkik eta Askekintzak deituta, bart, Aste Nagusia dela eta Illunben programatutako lehen zezenketarekin batera, manifestazio antitaurino garrantzitsua egin da Donostian. Hona hemen bideo bat:

https://www.youtube.com/watch?v=J_oXcNIN-7Q&feature=youtu.be

Manifestazikoak Eneko Goia alkateari gogorazi zion legezko aitzakiak bukatu egin zaizkiola, ezin duela jarraitu argudiatzen Ministro Kontseiluak herri-galdeketa debekatu egin duela. Izan ere, berak, alkateak, alor honetan herritarren nahia beteko zuen hitza eman zuen. Eta orain ederki asko daki gehienek ez dutela nahi Udalak zezenketak egiteko instalazioak utz ditzala. Eta ederki asko daki horrela islatzen delako berak enkargatutako inkestan (% 71, Udalak instalazioak uztearen kontra). Laburbilduz: aitzakiak bukatu egin dira eta bada garaia alkateak emandako hitza betetzeko.

Getaria kalean.

Manifestazioaren burua, Getaria kalean..

Bukaera, Sarriegi plazan.

Bukaera, San Joan kalean, Sarriegiren monumentuaren parean.

Eguzkik salatu du Nafarroako Gobernuak aurten ere usapalak botatzea baimendu duela, Europaren debeku-eskaerari bigarren urtez muzin eginez

albisteak
Leave a comment

usapala_debekuaEguzkik salatu du aurten ere, bihar bertan hasiko den mediaveda edo ehiza-debekualdi erdian, Nafarroan usapalak bota ahal izango direla, Foru Gobernuak bigarren urtez espezie hau babesteko ekintza-plan europarrari muzin egin diolako. Izan ere, plan horrek usapalak botatzeko behin-behineko debeku orokorra aurreikusten du.

Foru Gobernuaren erabakia ez dator bat ehiza alorrean eskumenak dituzten beste hainbat erakundek hartu dutenarekin. Esaterako, Arabako eta Bizkaiko foru aldundiek debekua onartu dute (Gipuzkoakoak oraindik ez du aurtengo foru agindua argitaratu). Egia da, ordea, Nafarroako Gobernuak hartutako erabakia bat datorrela autonomi erkidego gehienek hartu dutenarekin. Alabaina, hori bezain egia da Europar Batzordeak dagoeneko espediente ireki diola Estatu espainolari, hain justu, ekintza-plan europarrean dauden hainbat neurri sustatu ez dituelako, tartean, behin-behineko debekua.

Honelako erabakiak hartuta, Foru Gobernuak nekez argudiatu ahal izango du Nafarroan ehiza-politika bioaniztasun- eta iraunkortasun-irizpideetan oinarritzen dela.

Eguzkik, beste hainbat elkarte ekologista eta naturazalek bezala, badaramatza urte batzuk usapala babestu edo, behintzat, bota daitezkeen hegaztien zerrendatik atera egin behar dela aldarrikatzen. Gure ustez, usapalaren egoera nolakoa den ikusita, ehizatzeko behin-behineko debekua berandu baino lehen orokortuko da. Zoritxarrez, zenbat eta beranduago orokortu, gero eta zailagoa izango da espeziea suspertzea. Administrazio publikoei gogorazi behar zaie kudeaketa zinegetikoaren ardatza bioaniztasunaren zaintzan jarri behar dutela, ez lobbien interesetan.

EGUZKI, 2019ko abuztuaren 14a

Euskadiko Klima Larrialdiaren Aldeko Aliantza Lehendakariaren deklarazioaren harira

albisteak
Leave a comment
Baita zenbait Udaletan aurkeztutako mozioen emaitzez ere.

Hona bere osotasunean plazaratutako prentsa oharra:

Prentsaurrekoaren une bat

Klima larrialdiaren Aldeko Aliantzako ordezkariak prenytsaurrekoan

Euskadiko Klima Larrialdiaren Aldeko Aliantza osatzen dugun mugimendu ezberdinek uste dugu, Lehendakariak egindako Klima Larrialdiaren deklarazioa ez dela nahikoa bizi dugun egoera larriaren onarpen pausu bat izan arren. Izan ere azaldutako helburuak ez datoz bat komunitate zientifikoaren gomendioekin.

Karbono isuri zero netoak 2040rako lortu beharko ziren ipar globaleko lurraldeetan, historikoki isuri gehien sortu ditugunetan, zientzialarien arabera, baina Eusko Jaurlaritzak helburu hau 2050era arte luzatu du, epe luzeegia tenperaturaren igoera 1,5º C azpitik mantentzeko (klima aldaketaren ondorio larrienak jasan behar ez izateko atzera buelta gabeko puntua).

 Klima Larrialdiaren Aldeko Aliantza osatzen dugun kolektiboek uste dugu Euskadiko Gobernuak anbizio gehiago behar duela eta bere deklarazioa neurri zehatzek lagunduta joan behar duela, asmo deklarazio utsal bat bihurtu ez dadin. Honez gain instituzio ezberdinen artean koherenteak eta koordinatuak izanen politikak eskatzen ditugu.

Lehen ere behin baino gehaigotan bat egin dugu mobilizaziioekin.

Lehen ere behin baino gehaigotan bat egin dugu mobilizaziioekin.

Honekin bat azken urteetan aurrera eraman dituen politiketan aldaketa erradikal bat egin beharko luke, hauek aldaketa klimatikoa eragiten dutelako eta beraz egindako deklarazioaren aurkakoak. Aldatu beharreko en artean hauek daude besteak beste: Super-Surraren anpliazioa eta ordain sarietako tarifa lauak, ibilgailu pribatuen erabilera sustatzen dutenak eta Bilboko azkenetako gune naturaletako bat suntsituko duena, hala gasa erauzteko eta erabiltzeko planak nola Sociedad de Hidrocarburos de Euskadi S.A. SHESAn egiten diren inbertsioak, edo Renove planean gas naturala nahiz gas natural likidotua ibilgailuetarako erregai gisa erabiltzeko egitasmoak, Zabalgarbiko eta laster martxan jarriko den Zubietako erraustegiak, hondakin toxikoak tonaka sortu eta Negutegi Efektuko gasen iturri garrantzitsuak direnak, edota azken urteotako basoen kudeaketa, zeinak gure zuhaitzen %60aren heriotza eragin duten, eta fumigazio masiboen mehatxua ekarri duen gutxi batzuen mesede ekonomikorako. Hortaz gain, gure lurraldean Coke planta dugu, Petronor enpresak ingurugiroarentzako eta giza osasunerako arazo handiak sortzeaz gain, estatuko CO2 iturri nagusienetakoa dena. Horregatik gure ordezkari instituzionalei eredu energetikoaren aldaketa baten alde apustu egiteko eskatzen diegu zeinetan horrelako azpiegiturek ez duten lekurik izanen.

Erakunde ekologista zein herri mugimendu ugarik osatzen dugu Klima Larrialdiaren Aldeko Aliantza Euskadin. Gure helburua klima larrialdia administrazio publiko guztietan deklaratzea da, honela bizi dugun krisi egoerari aurre egin ahal izateko. Honetarako hainbat udalerri bizkaitarretan mozioak aurkeztu ditugu Klima larrialdia deklaratu, benetako konpromiso errealak hartu eta beharrezko neurriak martxan jartzea aldaketa klimatikoaren eragin okerrenak murriztu ahal izateko maila lokaletik.

Batzuklarrialdi klimatikoaren garrantzi eta arriskuen aldarri egiten dugun bitartean...

Batzuklarrialdi klimatikoaren garrantzi eta arriskuen aldarri egiten dugun bitartean…

Lehendakariak larrialdi egoera deklaratu baino aste bat lehenago, Bizkaiko hainbat herrietan (Berango eta Sopela), alderi politiko berdina buru zela (PNV, PSOE eta DB-TUren laguntzarekin) aliantzak aurkeztutako klima larrialdiari buruzko mozioak atzera bota zituzten alarmistegia izateko aitzakiarekin. Honek adierazi lezake administrazio eta alderdi politikoen konpromisoa bizi dugun egoeraren aurrean ez dela nahikoa sendo eta anbizioduna, eta inkoherentzia hau azaltzen zaila izan daiteke herri horietako herritarren aurrean.

Hala ere, Aliantzatik pentsatu nahi dugu Lehendakariaren deklarazioa Eusko Jaurlaritzaren norabide aldaketa baten ondorio dela, azkenean bizi dugun egoera benetan larria denaz ohartu direlako eta horrenbestez, honek administrazioaren politiketan aldaketa bat ekarriko duela.

Beste batzuek bere poltikak edo/eta jarduerak pasatzen duten denbora eta xahutzen dute denon dirua.

… beste batzuek bere poltikak edo/eta jarduerak pasatzen duten denbora eta xahutzen dute denon dirua.

Izan ere, bizi dugun egoerak modu urgentean neurriak hartzea eskatzen du, asmo oneko deklarazioak dagoeneko ez dira aski bakarrik 11 urte baititugu egoerari buelta emateko. NBE-ak berak ere,  Hirietako etorkizun hobe baterako Programan (Programa para un Mejor Futuro Urbano (ONU-Habitat)) adierazten du “Hiriek, autoritate lokalekin batera, aldaketa klimatikoaren eragileak murrizteko potentziala daukatela baita honen eraginetatik babesteko aukera ere”. Horregatik, aliantzatik Euskadiko Gobernuari eskatzen diogu Aldaketa klimatikoaren eta energiaren euskal Estrategiak berrikusteko hauen helburuak zientzialarien gomendioei doitu ahal izateko eta neurri zehatzez beteriko bide horri bat markatzeko helburu horiek bete ahal izateko. Beste neurrien artean, arestian aipatutako Euskadiko ingurugiro arazo nagusienei irtenbidea eman beharko zien, hauek ingurugiroarentzat, Euskadiko hiritarren osasunarentzat eta planetarentzat mehatxu larri bat direlako.

Azkenik aliantza hau apartidista dela azaldu nahi dugu eta bere helburua administrazioek gaur eguneko krisiaren aurrean paper garrantzitsu bat jokatzen hasi daitezen da konpromiso errealak hartuz. Hala ere, azken hilabeteetan frogatu ahal izan dugu administrazio guztiak ez daudela prest eta ez diotela herritarrei adierazten uzten. Gogorarazi nahi dugu justizia, demokrazia eta gardentasuna oinarrizko zutabeak izan behar dutela aldaketa klimatikoaren aurkako borrokan eta administrazio eta alderdi politikoek ezin dutela ahaztu herritarrek jokatzen dugu oinarrizko papera.

Honengatik alderdi politiko guztiei, gobernuan egon edo ez, beraien babesa eskatzen diegu, zatiketarik sortu gabe, indarrak batuz, elkarlan eginez eta batez ere mugimenduak edota beraien lana bereganatu gabe, borroka honek bizitzari, gure seme alabei eta azken finean denoi eragiten digulako.

Ez da gure borroka, guztion borroka da, gure biziraupena kinka larrian dago gure anbizio ekonomikoa dela eta. Gazteak dira aurreranza pauso bat eman dutenak instituzio guztiei aurrea hartuz.

Prentsa agerraldia hau instituzioenganako laguntzarako aldarri bat da, ez ditugu portadak nahi, ekintza errealak baizik.

Lehendakariaren deklarazioak ez gaitu geldituko, horregatik administrazio ezberdinetan mozioak aurkezten jarraituko dugu (Udaletxeetan, Batzar nagusietan…). Jada Bizkaiako Batzar Nagusietan, Bilboko Udaetxean, Sopela, Berango, Elorrio, Barakaldo, Zaldibar, Berriz, Durango eta Abadiñoko Udaletxeetan mozioak aurkeztu ditugu hauek onartuak izateko helburuarekin, eta denak batera mundu jasangarriago baten alde lanean hasi gaitezen.

 Klima Larrialdiaren aldeko Aliantza osatzen dugu / Alianza por la Emergencia Climática la conformamos:
1. 15M León
2. 2020 Rebelión por el Clima
3. 350 Barcelona
4. Acción Clima (Pamplona-Iruñea)
5. ACDESA-PV
6. ADEGA ( Asociación para a Defensa Ecolóxica de Galiza)
7. Amigos de la Tierra
8. Animavida, asociación protectora de animales y medio ambiente
9. As.Vecinos Barrio Orriols-Rascanya
10. Asociación Cultural Vacaciones en Siberia
11. Asociación de Moda Sostenible de España
12. Asociación Despierta
13. Asociación Ecología y Educación para un Ciudad Sostenible – Transitando
14. Asociación Economías BioRegionales
15. Asociación Enteroambiente
16. Asociación Kunterbunt kluges Design
17. Asociación protectora de animales Sacrificio Cero León
18. Asociación Valenciana de Ingeniería Sin Fronteras
19. Assamblea de dones d’Alaquàs
20. Associació Godella Natura
21. B2Fabric
22. Batïq, cooperativa de arquitectura, urbanismo y diseño
23. Biziz Bizi Asociación de Ciclistas Urban@s de Bilbao
24. Butroi Bizirik
25. Cádiz por el Clima
26. CGT
27. CGT-MCLMEX
28. Climate Reality Project
29. Comisión 0’7% PIB de Daimiel
30. Confederación de Consumidores y Usuarios (CECU)
31. Confederación Intersindical
32. Contra el Diluvio
33. Cooperativa Lluriga
34. Democràcia en Verd
35. Ecologistas en Acción
36. Ecologistas en Acción La Rioja
37. Ecooo
38. Ecopolítica
39. Educación Ambiental – EA26
40. Eguzki
41. Ekologistak Martxan
42. EkoOn
43. Entrepueblos
44. Euskal Gune Ekosozialista
45. Extinction Rebellion Spain
46. Fashion Revolution España
47. Federación Regional de Asociaciones Vecinales de Madrid /FRAVM)
48. Federación STECYL-i
49. Fent Camí
50. Foro Transiciones
51. Fridays for Future
52. Fundación Hugo Zárate para el desarrollo del Movimiento Ciudadano
53. Fundación Lurgaia Fundazioa
54. Fundación Vida Sostenible
55. FUNDEM-FUNDACIÓN ENRIQUE MONTOLIU
56. Greenpeace
57. Gueñes BIZIA plataforma
58. Gure energia
59. IES Las Américas (Parla)
60. InspirAction
61. Interkonexio Elektrikorik Ez
62. Intersindical Región Murciana
63. Intersindical Valenciana
64. La Ecoaldea UCM
65. La Textilería (colectivo de moda sostenible)
66. La Transicionera (Sevilla)
67. Los Verdes
68. Madres por el clima
69. Meatzaldea Bizirik
70. Movimiento de Mujeres Democráticas de Buñol.
71. Mujeres con Energía
72. Mundubat
73. Nasti de Plastic Bizkaia
74. Observatorio de Ecología Política de ATTAC
75. Observatorio de la Sostenibilidad
76. ONGAWA
77. Ongi etorri errefuxiatuak
78. Organización de Mujeres CI
79. Permacultura Huerta-Jardín del Boticario
80. Plataforma por un Nuevo Modelo Energético
81. Plataforma Salvemos los Árboles de Bailén y el Parque Central
82. Plataforma Tanquem Cofrents
83. Red de Mujeres por una Transición Energética Ecofeminista
84. Red Ecofeminista
85. Red Ibérica de Ecoaldeas
86. Revo Prosperidad Sostenible
87. S.C.A. Molino de Guadalmesí
88. Sagarrak
89. Semilla Monte Alegre
90. SEO BirdLife
91. SICOM – Solidaritat i Comunicació.
92. SLOW FASHION NEXT
93. Som Sindicalistes Balears
94. Stei Intersindical
95. Sustenta
96. Teachers for Future Spain /Profes por el Futuro
97. TRADENER
98. Unión Sindical Obrera (USO)
99. València Saludable
100. WWF
101. Xenergia. Mujeres con Energía
102. Xúquer Viu

Gasteizko trenbidearen integraziorako informazio txostenari helegitea jartzeko arrazoiak

albisteak
Leave a comment

Gasteiz

Arrazoiak
• Ez da proiektuaren informaziorik ezta parte hartzerik egon. Alegazio epea udan martxan jarri da, gure hiria eraldatuko duen proiektu bati buruz hitz egiten ari garenean.

• Proiektuak hutsune larriak dakartza: ez du diagnostiko zehatzik egiten ezta benetako inpaktu ikerketarik ere. Gainera ez da kontuan hartzen Zabalgana eta Salburua bezalako auzoek pairatzen duten harresi efektua (isolamendua, mugikortasunean sortzen duen kaltea, Gizarte konexio eta komunikazio falta)

• Hiri eremu guztia lurperatzeko -6,8 km – proposamena egiten zen 2010eko informazio txostenean, aurten aurkeztutakoan aldiz erdialdeko 3,8 kilometro lurperatzea proposatzen da, azalean doan tren kopurua zama zein bidaiariena biderkatuz, horrek suposatuko duen zarata eta bibrazioen handitzearekin.

• Aipatutako proiektuak ez du udalerriaren joan-etorrietan gizarte onurarik ekartzen eta gehienbat Salburua eta Zabalgana bezalako auzoetan bizilagunen fluxu mugimenduetan ez du ekarpen positiborik egiten.

• Kaltetutako herriak isolatzen ditu, haien komunikazioa kaltetzen du, lur emankor ugari deuseztatzen du eta herrien lur komunalak zein bizimodua gutxiesten ditu.

• Herrietako zein hiriko milaka bizilagun bigarren mailako herritar izatera kondenatuak izango dira, bi hiri eredu diseinatuz, lurperatzen ez den tokietan bizi kalitate eta bertebrazioan kalteak sortuz.

• 872 milioi euroko kostua dauka, sustapen ministerioak bere gain %50a hartuz, %25 Eusko Jaurlaritzak (218M), Udaletxeak %15a (130,8M) eta Aldundiak %10a (87,2M). Administrazio bakoitzak bere gain hartzeko baldintza eta gizarte kostuen inguruko baldintzak ez ditugularik ezagutzen.

Bilboko Aste Nagusia Eguzkizaleak Konpartsarekin

albisteak
Leave a comment

BADATOR,BADATOR… ASTE NAGUSIA 2019!!

EguzkizaleakKamikoLogoak
          Urtero bezala zuengana jotzen dugu laguntza eske, urtean zehar burutzen ditugun kanpainak, ekimenak, lanak, etab. aurrera eramateko EGUZKIZALEAK KONPARTSAN behar zaituztegu.

Gobernuak, hainbat enpresa handiren esanetara daude, eta elkarlanean diseinatu duten garapen “jasangarriak” gune naturalen galera sorrarazi du. Gure herriak eta bere baitan dauden baliabide naturalak zenbait egitasmo suntsitzaileren (Super Sur, Hegoaldeko Tren Saihesbidea, Zabalgarbi, AHT-a, etab.) ondorioz arriskuan daude, hauek babesteko neurriak eskasak direlako. Honi gehitu behar zaio Larrialdi Klimatikoa, gure planetan bere osotasunean eragina daukan eta inpaktu zuzena eta zeharkakoa dauka bertan bizi garen bizidun guztiongan. Politika suntsitzaile hau gelditzeko zuen laguntza eskatzen dizuegu.

 

ASTE NAGUSIAN ERE AMA LURRAREN ALDE!!!

Hire lagunak bildu eta hator txanda bat egitera!

Idatzi edo deitu 688662532ra.

Aste Nagusia 2019

Asteazkena 21

2:00-8:00

Osteguna 22

20:00-2:00

Ostirala 23

20:00-2:00

Larunbara 24

8:00-14:00


*

Donostiako Aste Nagusiko manifestazio antitaurinoa, abuztuaren 14an

albisteak
Leave a comment

zezenketa_kaptura2Gaur prentsaurrekoa eskaini dugu Donostiako Udaletxe aurrean iragartzeko aurten ere Donostia Antitaurina Orainek, Askekintzak eta Eguzkik Aste Nagusian manifestazioa egingo dugula. Manifestazioaren bidez zezenketak eta zezenketen bultzatzaileak salatu nahi ditugu, bereziki Goia alkatea eta udal gobernua.

Manifestazioa abuztuaren 14an egingo da, Amabirjinaren Egunaren bezperan eta Illunben lehen zezenketa egingo den egunean. Beraz, azken urteotako eguna aldatu egin dugu. Izan ere, azken urteotan Aste Nagusiaren hasierako larunbatean bertan egin izan dugu. Bada, aurten ez, aurten Amabirjinaren bezeperan egingo dugu.

Arratsaldeko 18:00etan abiatuko da Bulebarretik eta Sarriegi plazan bukatuko da, Sarriegiren monumentuan.

Hona hemen kartela:

kartel_2019Esteka honetan, berriz, gaurko agerraldiaren bideoa ikus dezakezu:

https://youtu.be/6qAChwfEmH0

Hemendik aurrera, azkenik, idatzita duzu zabaldu dugun mezua…

Eneko Goiaren udal gobernuak zezenketak berrezarri zituen. Horren ondorioz, aurreko legealdia Illunben zezenak hiltzen hasi zen, eta, zoritxarrez, legealdi berria ere horrelaxe hasiko da, alkateak eman zuen hitza jan egin duelako. Izan ere, donostiarrok zezenketen inguruan dugun iritzia errespetatzeko hitza eman zuen, baina, donostiar gehien-gehienok udal instalazioak zezenketak egiteko erabiltzearen kontra gaudela konstatatu duenean, ez du bete, eta zezenketak sustatzen jarraitu eta jarraitzen du.

Gauzak horrela, aurten ere Donostia Antitaurina Orainek, Askekintzak eta Eguzkik Aste Nagusian manifestazioa antolatu dugu, zezenketak eta zezenketen bultzatzaileak salatzeko, bereziki Goia alkatea eta udal gobernua. Guztiz faltsua baita zezenketak ekimen pribatu hutsaren fruitu direla. Are gehiago, Udalak ekimen horri espresuki ematen dion sustengurik gabe, zezenketak aspaldi iraganaren kontu izango lirateke Donostian.

Prentsa asko bildu da gaurkoan.

Prentsa asko bildu da gaurkoan.

Tradizioaren eta dibertsioaren izenean, urtero bi dozena zezen sarraskitzen dituzte Illunben. Eta gu ez gaude hori isilik pasatzen uzteko prest. Ez gaude onartzeko prest hori gure kulturaren parte dela. Nongo edo noren kulturaren parte, baina? Gure kulturaren parte, behintzat, inola ere ez. Eta donostiar gehienena ere ez, Goiak eta bere gobernuak ondotxo dakiten bezala. Izan ere, haiek berek 2017an enkargatu zuten Hiritarren Pertzepzioaren Inkestak argiro erakutsi zuen donostiarron % 71 Udalak bere baliabideak edo instalazioak zezenketak egiteko erabiltzearen kontra dagoela. Beraz, badute agindutakoa betetzeko ordua.

Esan dezagun, gaizkiulertuak saiheste aldera, gure ustez zezenak plaza batean hiltzea, espektakulu bihurtuta, ez dela zilegi, herritar gehienak alde egongo balira ere. Baina Goiak berak ezarri zituen arauak: gehienak kontra egotekotan, iritzia kontuan hartzeko hitza eman zuen. Bada, bete dezala.

Betetzen ez duen bitartean, jarraituko dugu kalean salatzen zezezen sarraskiak sustatzen dituela bakar batzuen interes ekonomikoen eta beste bakar batzuen dibertsioaren mesedean. Baliabide publikoekin, gainera.

“Badakigu ez gaudela bakarrik langintza honetan”.

Badakigu langintza honetan ez gaudela bakarrik. Badakigu ez garela inola ere animaliak espektakulu moduan hiltzeak kulturarekin zerikurisik ez duela pentsatzen duten bakarrak. Horregatik, dei egiten dizuegu jai-batzorde, kofradia, elkarte, kolektibo, eragile eta norbanako guztioi parte har dezazuen abuztuaren 14an, asteazkenean, Bulebarretik 18:00etan abiatuko den manifestazioan.

Zezenketarik ez, ez Donostian, ez inon!

logoak

Eguzki: “Lotsagarria da Lemoizko zentrala Jaurlaritzaren esku geratzea Iberdrola ardura ekonomiko guztietatik libratuta”

albisteak
Leave a comment

lemoiz1Estatuak Lemoizko zentral nuklearra Eusko Jaurlaritzaren esku uzteko prozesua bukatzear da, eta, tamalez, Iberdrola guztiz libre geratuko da inguru hura lehengoratzeko izan zitzakeen erantzukizun ekonomiko guztietatik. Eguzkiren iritziz, lotsagarria da eta honelaxe adierazi dio Trantsizio Ekologikoaren Ministeriori, abuztuaren 9ra arte erakusketa publikoan dagoen Proyecto de orden ministerial por la que se ceden a la Comunidad Autónoma del País Vasco los terrenos, emplazamientos e instalaciones pendientes de enajenar de la Central Nuclear de Lemóniz delakoaren aurrean aurkeztutako alegazioetan.

Lemoizko zentralaren ingurua lehengoratzeko edo egokitzeko erantzukizun ekonomiko horiek guztiak orain Jarularitzaren esku geratuko dira, zeharo geratu ere, Proyecto de orden ministerialek behin baino gehiagotan irakur daitekeenez.

Alegia, jarraitzen dugu jakin gabe Lemoizko zentralaren etorkizuna zein izango den, baina badakigu Iberdrola oraingoan ere irabazle atera dela. Moratoria nuklearra zela eta, Administrazioak konpainiari eskubidea eman zion herritarroi, argindarraren fakturen bidez, behar baino 3.256 milioi euro gehiago kobratzeko (Lemoizko eta Valdecaballerosko zentralengatik, batez ere Lemoizkoarengatik, jakina). Eta hori gutxi zelako edo, orain ere libratzen du inguru hura lehengoratzeko erantzukizunetatik. Izan ere, Lemoizen edozer egiteko, inguru hura nola edo hala lehengoratu edo, behintzat, egokitu egin beharko da.

Baita Jaurlaritzak eskuartean daukan akuikultura-proiektuak aurrera egiten badu ere? Jakina! Dena dela, gauzak argi. Jaurlaritzak ez dauka inolako proiekturik, Industria sailburu Arantxa Tapiak Legebiltzarrean aitortu duen bezala. Jaurlaritzak ideia bat baino ez dauka. Idea horrek azterketa bat du oinarri eta, halaber, azterketa horrek bi aukera aurreikusten ditu: lehenengoak 4 hektaria beharko lituzke; bigarrenak, berriz, 5,5. Baina zentralak (zentralak bakarrik, inguruan dituen lursailak kontuan izan gabe) 35 hektarea okupatzen ditu. Beraz, esan bezala, paraje hartan edozer eginda ere, leheneratze- edo egokitze-lanak bai ala bai egin beharko dira. Bada, hemendik aurrera horiek denak ordaintzeko dirua Jaurlaritzaren patrikatik aterako da, gure patrikatik, alegia. Bestela esanda: Iberdrolari bost axola dio akuikultura-ideia horrek aurrera egiten duen ala ez, baina ideia horrek dagoeneko eginkizun garrantzitsua bete du, konpainia erantzunkizunetatik libratu duelako.

Basordako lursailek ahikoa denbora egin dute hesituta. Erabilera publikoa, parke moduko bat edo, ezinbestekoa da.

Basordako lursailek ahikoa denbora egin dute hesituta. Erabilera publikoa, parke moduko bat edo, ezinbestekoa da.

Historiarekin bat datorren etorkizuna

Hala ere, Eguzkik jarraitzen du Lemoizentzat eskatzen historiarekin bat datorren erabilera. Horrek, zehatz-mehatz, zer esan nahi du? Ba, esan nahi du Basordako kala naturaren aldetik ahal den neurrian lehengoratu beharko litzatekeela eta bertan parke publiko bat egokitu, beharbada memoria-leku gisa. Eguzkik ez du beste erabilerarik baztertzen, baina betiere lehengoratzearekin eta erabilera publikoarekin bateragarri den heinean (Jaurlaritzak aurkeztu duen akuikultura-makroproiektua helburu horiekin bateragarria ote da?). Nolanahi ere, lursail horiei ematen zaien erabilera edozein dela, Eguzkik aholkatzen du erabakia aldebakarrekoa ez baizik eta ahal den adostasun sozialik zabalenaren ondorio izatea, memoriak horretarako ere balio beharko luke eta. Laburbilduz, historiarekin bat datorren erabilera eskatzen dugunean, honako hauek eskatzen ditugu: lehengoratzea, erabilera publikoa eta adostasuna.

Zentrala eta lursailak Jaurlaritzaren esku uzteko prozesuan ere Iberdrola irabazle atera izana ez da, ez, bide onean emandako pausoa.

EGUZKI, 2019ko abuztua

Gladys gogoan, Glad is The Day jaialdian

albisteak
Leave a comment
Gladysen 40. urteurreneko erakusketa oso-oso bisitatua izan zen.

Gladysen 40. urteurreneko erakusketa oso-oso bisitatua izan zen.

Atzo ospatu zen Gladys Enean Glad Is The Day jaialdiaren 5. edizioa.  Donostia Kulturak antolatzen du jaialdi hau, Le Bukowski tabernaren eta Dabadaba aretoaren koordinaziopean. Bertan, musika, bigarren eskuko arropa-azoka txiki batekin, food-trackeki, haurrentzako josalekin eta abarrekin nahasten da. Laburbilduz, eguna parkean pasatzeko aukera bikaina.

Jaialdiaren helburua ez da Gladys gogoratzea, baina izenari erreparatzea baino ez da egin behar konturatzeko ekimenaren sortzaileek ekologista egiatarra gogoan dutela.

Aurten Gladys hil zuteneko 40. urteurrena gogoratzen ari garela eta, atzokoan antolatzaileek gune bat erreserbatu ziguten prestatu dugun erakusketa jartzeko. Esan dezagun, bide batez, oso-oso bisitatua izan zela. Halaber, “Gladys gogoan” banderola, modu batean edo bestean, oholtza nagusia present egon zen egun osoan.

Miren Narbaiza, Mice.

Miren Narbaiza, Mice.

Potatokoak ere

Potatokoak ere “Gladys gogoan” banderolarekin.

Bllody Magic Nails.

Bllody Magic Nails.

Musika zuzenean, dj-ak, piknik-a, eguraldi aproposa (arratsalden bota zuen euri apurra barne)… parke-egun bikaina izan zen. Egia da, ordea, azken orduan, zakarrontziak gainezka ikusita-eta, kontraesan bat sentitu genuela edo, behintzat, duda bat planteatu zitzaigula: jaialdiaren inpaktoa gehiago leundu liteke?, zer puntutaraino egin daiteke tortilla arrautzak hautsi gabe?

Argazkia eguerdian ateratakoa da, jaialdia hasi berri-berria zela, baina arratsaldean partehartze masiboa izan zen.

Argazkia eguerdian ateratakoa da, jaialdia hasi berri-berria zela, baina arratsaldean partehartze masiboa izan zen.

Erakusketak biran jarraituko du

Bestalde, 40. urteurrenaren inguruan eratu dugun erakusketak viran jarraituko du. Zure auzora edo herrira eraman nahi baduzu, kontaktatu Eguzkirekin.

Erakusketa 120 x 80 zentimetroko 14 panelek osatzen dute (gehi astoek, nahiz eta hauek, segun erakusketa non eta nola jartzen den, ez diren beharrezkoak).

Hona hemen Gladysen 40. urteurreneko erakusketa oso-osorik.

glad02 glad03

Tejerako mendatea (Gesaltza Añana) saihesteko obrak, impakto handia

albisteak
Leave a comment

tejera_12519_1

Gesaltza Añana erditik zeharkatzen duen A-2622 errepidea konpontzeko proiektua publiko egin du Arabako Foru Aldundiak. DAIR ingeniaritza-enpresak egin duen ikerketan bi proiektu jasotzen dira: batetik, La Tejerako mendatearen alternatiba, eta bestetik, Gesaltza Añanako saihesbidea. Bi egitasmoen zatirik handiena Añanako Diapiroaren Babesgunetik igaroko litzateke, eta inpaktu handia izango luke bertan.s

Enpresak berak aurkeztu duen proiektuan ingurunearen “hauskortasuna” eta “balizko kalteen garrantzia” aipatzen ditu. Dena den, ez du “gaindiezinezko” trabarik ikusten aurrera egiteko, eta ingurumen inpaktuaren txostenean Tejerako mendatearen inguruak eta Añanako Diapiroaren eremuak babesteko neurriak aztertzeko beharra jasotzen du.

Errepide berriek diapiroaren gainetik igarotzeak ekar ditzakeen kalteaz gainera, hauek eraikitzeko obrak La Muera errekara ur-isurketak eragin ditzakela jasotzen du ikerketak. Halaber, lehentasunezko lurzoruak eta basoak desagertuko lirateke, erkametzak eta pinu gorriak batik bat, eta Diapiroaren habitata ere kaltetuko luke.

Iragan urteko irailean Arabako Diputazioak errepide malkartsuaren konponketa egiteko ikerketa-proiektua lizitatu zuen, eta azaroan egokitu zioten azterketa DAIR ingeniaritza-enpresari, 98.000 euroan. Azken egunotan publiko egin dute ikerketa-proiektua Aldundiaren webgunean.

Lau kilometroko korridorea
Tejerako mendateari dagokionez, bost ibilbide posible proposatzen ditu proiektuak; kasu guztietan errepideak errei bat izango luke noranzko bakoitzean, eta errei bakoitzak hiru metroko zabalera eta metro bateko bazterbidea izango lituzke. Lau kilometro inguruko korridorea aurreikusten da kasu guztietan.

Tejerako bihurguneetara iritsi baino metro batzuk lehenago, errepidea hegoaldera desbideratzea proposatzen dute hiru alternatibek (A1, A2 eta B izenekoek). Laugarren proposamenak ere hegoaldera jotzea aurreikusten du, baina Tejerako mendatearen ibilbidea erabilli gabe. “Lurren mugimendu gehiago behar da, eta horrenbestez, ingurumen-eragina handiagoa litzateke”, esan du enpresak. Bosgarren aukera, berriz, egungo errepidea Pauldik 200 metrora uztea da, eta iparraldera jotzea.

Hiru kilometroko saihesbidea Biloriatik
Gesaltza-Añanako saihesbideak, berriz, noranzko bakoitzean errei bat izango luke, eta errei bakoitzak 3,5 metroko zabalera eta metro bateko bazterbidea luke. A-2622 eta A-4318 errepideen arteko bidegurutzetik abiatzen dira saihesbidea egiteko planteatzen diren hiru alternatibak, hain zuzen Biloria herriko desbideratzea igarota dagoen nekazaritza bide baten gainetik.

Bertatik iparraldera jotzeko bi aukera planteatzen dira, eta hiru kilometroko distantzia zeharkatu ondoren, Gesaltza-Añanako baskulan, A-2622 errepidearekin lotzea berriro. Hegoaldera jotzeko alternatibak, ordea, lau kilometroko distantzia egingo luke eta A-2622 errepidearekin elkartuko litzateke Salinera de Añana SL enpresa parean.