GOSE-GREBAK BUKATUTA, ERRAUSTEGIAREN KONTRAKO BORROKAK JARRAITZEN DU

Bart bukatu da Easo Plazan astebete iraun duen erraustegiaren kontrako gose-greba, helburuak ederki asko beteta bukatu ere. Izan ere, erraustegiaren kontrako aldarria atebetez Donostiako kalera eramatea, goizez eta gauez, 24 orduz, ez da marka makala. Eta garrantzitsuena; gose-greba bukatu bada ere, erraustegiaren kontrako borroka bizi-bizirik dagoela erakutsi du.

Gose-gebalariek berdura-salda edaten bukatu dute baraualdia, eta Easo Plazako erresistentzia-gunea posible egin duten guztiei esker ona ematen.

Estitxu Eizagirrek, berriz, kopla sorta polita egin digu opari. Merezi dute eta, hona hemen:

https://youtu.be/BStyX_gGf1E

Bukaera-ekitaldia ez da eguneko ekintza bakarra izan. Arratsaldean, hainbat lagun bildu dira DVren aurrean komunikabide handiek gose-greba isildu dutela salatzeko, astelenean ETBren aurrean bildu ziren bezala.

Askoz bideo, argazki eta, oro har, informazio gehiago honeko webgune honetan aurkituko dituzu.

www.erraustuez.org

EKAINAK 21

Gaur bukatuko da gose-greba, ezbairik gabe fuitu oparoak eman disuena.Gose-grabalariei esker ona adierazteko eta, halaber, erraustegiaren aurkako borrokan jarraitzeko arrazoi sendoak ditugula adierazteko, salda-edate kolektibo bat egingo dugu arratsaldeko 7etan. Hona hemen deialdia:

Pixka bat lehenago, beste deialdi bat bdago, DVren aurrean, astelehenean ETBren aurrean egin zenaren ildotik. Honako hau:

Gainerakoan, atzo ere ez zen alferrik pasatu. Honako argazki honetan, Ainhoa Intxaurrandietak eskainitako hitzaldiaren une bat:

EKAINAK 20

Atzo, Easo Plazan ez ezik ETBk Miramonen duen egoitzaren aurrean ere egon zen erraustegiaren kontrako borroka. Izan ere, hainbat lagun bildu ziren bertan gure irrati-telebista publikoari gogorazteko sei emakume-gizon gose greban daudela duela bost egun, eta oraindik ez dituztela haiengana eraman ez mikrorik ez kamararik, haien arrazoiak entzuteko edo haien eguneroko bizimodua kontatzeko.

Hona hemen protestaren bideo pare bat:
https://twitter.com/larbelaitz/status/876821398219575297?s=08

https://twitter.com/larbelaitz/status/876825979053912064?s=08

Easo Plazan, berriz, grebalariek, besteak beste, LABeko idazkari Garbiñe Aranbururen bisita izan zuten.

Gaur ere hitzordu interesgarriak, 5etan eta 7etan. Ikus programa.

EKAINAK 19

Larunbateko giza kate arrakastatsuaren ondoren, gose-grebak aurrera egin zuen atzo. Eguneko ekintzarik adierazgarrienetako bat arratsaldeko dantzaldia izan zen.

Gaurkoan, ohi bezala, 7ak aldera hitzaldi/bideo-emanaldi bat egongo da, oraingoan zor ekologikoan zentratuta.

Alabaina, programatik kanpo, bada beste deialdi bat: kontzentrazioa egingo da 5etan ETBk Miramonen duen egoitzaren aurrean, ikusirik telebista publikoa, beste askotan bezala, gose-grebaren aurrean ezikusiarena egiten ari dela.

EKAINAK 18

Ehunka lagun bildu ginen atzo eguerdian Easo Plaza eta Gipuzkoa Plaza bitarteko giza katean. Hemen dituzu irudi batzuk, baina, egia esan, ez dute mobilizazioaren benetako neurria ematen. Dena dela, badakizu, bideo eta irudi gehiago errustuez.eus webgunean. Eta ez ahaztu: gose-grebak aurrera darrai.

EKAINAK 17

Gaurko erronka, dudarik gabe, honako hau da:

Bart Gipuzkoa Zutiken esperientziaren berri eman digute, bideoen bidez ondo baino hobeto ilustratuta. Oso-oso interesgarri eta animatua egon da.

Gose-grebalariek gogotsu jarraitzen dute. Honako argazki hauetan medikuak bisita egin dieteneko unean ikus ditzaakezuen. Bigarren argazkian, berriz, horietako bat ibiltariei azalpenak ematen.

Datozen egunetako egitarau zaharberritua ere badugu. Honako hau:

Ohi bezala, azken ordukoak, bideoak eta veste honako estekan aurkituko duzu:

http://erraustuez.org/eu

EKAINAK 16

Gose-grebalariak oso pozik daude ekimena lortzen ari den oihartzunarekin eta biltzen ari diren elkartasunarekin.

Bart ere talde polita bildu gara 7ak aldera Joxe Mari Irazustak eta Pello Zubiriak erraustegiaren alternatibari buruz eskaini duten hitzaldian. Ondoren, “Ziztadak” dokumentala ikusteko aukera izan dugu.

Gaur ostiralean, programak, besteak beste, Gipuzkoa Zutiken esperientziari buruzko solasaldia aurreikusten du, hori ere 7ak aldera.

Bihar larunbatean, berriz, giza kate bat egingo da Easo Plaza eta Gipuzkoa Plaza bitartean. Hitzordu garrantzitsua da.

Ez ahaztu:

– Edozein momentutan pasa zaitezke Easo Plazako karpatik.

– Azken orduko informazioak, argazkiak eta bideoak, honako esteka honetan aurkituko duzu:

http://erraustuez.org/eu

EKAINAK 15

Talde polita bildu ginen bart gose-grebaren hasierako ekitaldian. Ondoren, bertaratutakook Jose Luis Paulin hitzaldiaz gozatzeko aukera izan genuen.

Gaur arratsaldean, 7etan, Pello Zibiriak eta Joxe Mari Irazustak Zubietako erraustegiaren alternatibaz hitz egingo dute.

Gose-grebaren egitarau zehatza, bideoak eta beste, honako esteka honetan:

http://erraustuez.org/es/2017/06/14/hoy-comienza-en-la-plaza-easo-de-donostia-la-huelga-de-hambre-en-contra-de-la-incineradora/

Nolanahi ere, hemen duzu oinarrizko egitaraua. Gogoratu larunbatean, 12etan, hitzordu garrantzitsua dugula: Easo Plaza eta Gipuzkoa Plaza bitarteko giza katea.

Gogoan izan edozein momentutan pasa zaitezkeela Easo Plazatik.

EKAINAK 10: GOSE-GREBA AURKEZTEKO PRENTSAURREKOA

Herritar talde batek astebeteko gose greba abiatuko dugu asteazkenean, erraustegiaren aurka. Milaka eta milaka herritarrok proiektu hau arbuiatzen dugula ikustarazi arren, inposatu egin nahi dutela ikusten dugunez, protestak ezkutatu nahian ari direla ulertuta, oraingo hontan gose greba  protesta eredua  hautatu dugu, inposatu nahi diguten erraustegiak gu guzion bizitzengan izango duen eragin kaltegarria salatzeko.

Markel Olanok esandakoaren aurka, erraustegiaren inguruko eztabaida ez da bukatu. Erraustegiaren Aurkako Mugimendua osatzen dugun kolektibo, elkarte eta herritarrok argi dugu ez garela geratuko, ez diogula protestatzeari utziko azken herritarra informatua egon arte, azken herritarra kontziente izan arte gure izenean, negozio pribatu diru xahutzaile eta osasunarntzako oso kaltegarria den egitasmoa inposatu nahi dutela  eta gainera, era iraingarrian ez digutela kontratua erakutsi nahi.

Ingurugiroaren zaintza aldarrikatzen, gardentasunaren alde, osasuna herritar guztion eskubidea dela eta Euskal Herrian eta Europa osoan ezartzen ari diren politika antisozial hauek herritarrongan eragiten duten zapalkuntza salatzeko asmo garbia dugu.

Medikuek ohartarazten dute errausketak minbizia eta beste gaixotasun asko sortzen dituela, airea, ura, nekazaritzarako lurrak eta abeltzaintza kutsatzen duela etorkizuneko belaunaldiak hipotekatuz.

Zubietako erraustegia multinazionalen eta klase politikoaren arteko sinbiosiaren adibide argia da. SWAP kontratuekin era fortzatuan inposatuak, entitate finatzieroei herritarren diruak oparitzen ari dira. 35 urteko hipoteka handia ezarri nahi dituzte udal baliabideentzat. Urbaser, Altuna y Uria, Murias, LKS Mondragon eta Moyua, Cuatrecasas abokatu bufetearen laguntzarekin besteren artean.

Erraustegia bezalako egitasmoa absurdu honentzako etekin pribatu handiak bideratzen dituzte  eta  aitzitik oinarrizko eskubide sozialak bermatzeko etengabeko baliabideen murrizketak. Talde horretako hainbat enpresa ustelkeria kasuetan harrapatuta daude, eta atzo jakin genuen Urbaserrek adibidez milioiak zor dizkiola Valdemingomezko erraustegiagatik bertako erakunde publikoei. Baina zeini arraio eman diozue erraustegia egiteko kontratua? Zergatik? Zer interes dago atzean ez bada negozioa? Zer sinatu duzue denon izenean? Isiltasuna ez da onargarria. Oso haserre gaude.

Gipuzkoako udalerrien erdian hondakinak era jasangarriak biltzeko alternatiba hobeak demostratu dituztenean, %80tik gertubereizita jasoz, merkeagoak, jasangarriagoak, garbiagoak, nola arraio ausartzen zarete erraustegia inposatzen saiatzera?

Gose greba arrazoirik gabeko kontsumoaz arreta deitzeko baliatu nahi dugu ere bai. Munduak baliabide mugatuak ditu, ezin dugu hazkunde faltsuan sinetsi. Klima berotzen doa. Gutako bakoitzak, gure txikitik eragiteko konpromisoa hartu behar dugu. Sistema honek sustatu dituen ohitura asko aldaketu beharko ditugu aztarna ekologikoa gutxitzeko eta aberastasun soziala banatzeko.

GOSE-GREBAREN NONDIK NORAKOA

Asteazkenean hasiko da 19:00etan Donostiako Easo plazan. Jendeari dei egiten diogu protesta hasiko den unean etor dadin, babes soziala erakusteko. Programa bat antolatzen ari gara. Arratsaldero hitzaldi bat izango da eta ondoren dokumental baten proiekzioa. Gaiak aire garbia eukitzeko eskubideaz, osasun eskubideaz eta garapen eredu jasangarri eta bizigarriari buruzkoak izango dira.

Herritarrei bertatik pasatzera dei egiten diegu. Konpromiso ezberdinak uztartzeko planteamentu bat egin nahi dugu. Bertara etortzetik, gose grebarekin bat egiteraino dagoen abaniko zabala aldarrikatu nahi dugu. Boteretik sustatzen ari diren eta garaiotan nabarmen bizi dugun desaktibazioaren aurrean, aktibazioa aldarrikatu eta balorean jarri nahi dugu.

DONOSTIAKO UDALAREN OZTOPOAK ADIERAZPEN ASKATASUNARI

Agerraldi honen bitartez zera salatu nahi dugu ere bai. Astebetez gose greba eta herri mobilizazio hau kalean egiteko dugun asmoa Donostiako Udalaren aldetik plaza publikoaren erabileraren ukapenak eta mobilizazioaren iraupenaren mugak aurkeztu dizkigu.

Adierazpen askatasunari oztopoak jartzearen ariketa dela uste dugu . Aurrez aurre gaiari buruz galde egiteko asmoa diegu eta adierazpenerako kalea erabitzeko eskubidearen beharra berresten degu gure ekimenaren bitartez.